Luke 11:31 - ASII LAKDAP Bible (BSI)

³¹ Phangthum Khapho Ranaiq na, Sheba mung wa Hokham nyung kra chap raüta, ümchaü pat wa mungmaiqse ara mishra wan. Ara jamkhano ngukla, apaiq ka ratsüko tsangmung maq wa raüta, Solomon taksma bomchong kra taiwa wato. Shatmaq, ümchaü ngi chongpha, ümchaü arjaq sitlaq arka, Solomon thaq niimin ajong we.

Hawa Naga Bible 2001

³¹ Khac phox shuex Raungnuiyq Sheba mungx wawc Hokhvmx nyuiuz kuex jvt vtueq vruex pat wawc miq htenc muex mvrax tvgurc shuex, yvmx khoc lac ngoz ruiux lec Hokhvmx Solomon rueq taksux tharc vhttax maq tvluingc bomc kuex tay kay tvkoc lvmx luz mungx maq httuiuc kaz tueq; kvkhoc rvtueq ngaz rueq nuimshiq muex jungx kuq ix, vruex yuq Solomon htauk nuex muinz vyungx httax yaq.

Muklom

³¹ Khaphung saal o Sheba lungwang nu sha tunlang na etho thaneynap miqtang jashit jaksom sha batna, chammatakoi piq alo mung wang Solomon lungwang tung aa raaq tang tha tat thima thuta; etho nga nang ma batphang irina Solomon pheynáng eq tho ajong atha.

Luke 11:31 Referencias Cruzadas

2 KAÜWA WERAÜ 9:1

Sheba mungti hokham nyung raq Hokhamwe Solomon tsaki kra tsangmung maq taito. Kiimaq apaiq ka Jerusalem na apaiq ma bom atsin atsin wai raüta maitaiwa wato. Apaiq rai asengi kong nyung kaüshi shea wanto kiimaq kumtsong kong ma süse tapan, longseng thun, kiimaq chaq ka pahea howan raüta wato. Riita ümtiikiiwa apaiq ka Solomon rai riihumtaq, kriinyung raq apaiq ma atsan mong na ümchuwa bom dongtlaq thun kra wiita waito.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

JEREMIA 3:11

Kiijiishe Tatiwe raq ngi ma chongto, Israil ka apaiq wokhong wa ahin niili kiho raü min, apaiq riiwe ka sethoq nyung Juda nam ma maiqshaqlin.

Matthew 12:42

Phangthum Khapho Ranaiq na Sheba Hokham Nyung ka chap raüta, namshiq she mishra wan. Jamkhano ngukla, apaiq ka tsangmung lam luhea maq wa raüta Solomon taksma tsii chong bomtsi kra taiwa nguta wato. Riita ngi raq chongtiikang arka tengteng. Ümchaü arjaq namshiq makki na juwa sitlaq kriika Solomon taksma nyan thaq na ajong!”

Luke 3:22

Kiimaq, Asii Wenyi ka apaiq khuthaq na, haütaü kaü ikha satkito. Kiimaq kra akhing na ramungtan wa maiq bom ashi ka akha saüto, “Ümniika I Se shaq. Ngi ka ümniima pinthum khoqriiq tiikang.”

Luke 9:35

Kiijiishe, phumda mong wa maiq bom ashi raq akha chongto, “Arka I Se. Ngi raq apaiq ka tingsang atsea arwan ha. Namshiq raq apaiq bom ka tai ronglaq!”

Romans 2:27

Kiimaq ara tri lam phan chongkuq tiikang arai mren, namshiq Jehudinok jaq na Thungtri waiqthüje ka asi li jiimin, kiimaq namshiq ka athohan jeti maiqse nguta sitlan li jiimin, namshiq raq Thungtri ka ajin riiwan tlan. Shatmaq, Pongnok phan riika, han-ngam na athohan hüli jiimin, tsangshiq raq Thungtri ka lang tlo. Kriikha na, tsangshiq raq Thungtri lang tlaq kra lümaq namshiq Jehudinok ka ashut maiqsetiim miishe mitiija wan.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.