Luke 11:29 - ASII LAKDAP Bible (BSI)

²⁹ Nokmaiqse ka apaiq tro na riitsap riikhat riitam rai wanto. Kra akhing na, Jesuq raq nguto, “Ümchaü pat wa maiq arka abi pinthum! Tsangshiq raq awang chang jaqsham ka tiichhi kewan ra nguta shiichuttlo. Shatmaq, Shammi Jona rilung na awangchang mra pintaq kriili tiina mitiichhi kuq.

Hawa Naga Bible 2001

²⁹ Miq htenc rueq Yesu kuex tvroz tuimx wvnc koq tueq, vpiq rueq jungx tueq kuex, “Vruex pat wawc miq kuex vtanc khvnc layx bac yaq nyix! Tsuingshiq rueq romzyac thoz wuez yaq, yuq muinz Yona vwangc juing maq lvy vtueq vganc yvmx vwangc juing romzyac yvmx muinz tsuingshiq muex tvkhic kuq shuex rvmuq.

Muklom

²⁹ Jesu rel tho miq daqhan sey taphong atho piq aa batta, “Thaneynap wang miqtang raa qhal moq chen! Ning aa miq patja ching jaksom chu thang aa. Etharin ning ma Jonah patja ching jaksom shingchak eq adak chamtho kap moq angna

Luke 11:29 Referencias Cruzadas

EJEKIEL 24:24

Kra akhing niishetiq irilung arka namshiq ma miithii shong ashi miraq. Ngi raq jamlai wa klokang kra namshiq riishe miklohan. Tatiwe raq ngutlo kra akhing saüwa raüla, namshiq raq Apaiq kriidea Tatiwe ngutiishe misap han.”

Jona 1:1

Ranaiqshi Tatiwe raq Amitai se Jona ma bom ka akha thaüto,

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

Luke 11:16

Kiimaq, maiq ahinti raq hali ka, Jesuq ka tsangshiq thiikho na tiithap haijaq nguta tiima raüta, apaiq ka Shiikeawe riidea atiiki jiila, apaiq raq awang chang jaqsham ka sham raüta nokwe ma tiichhike ra nguta tairaito.

Luke 11:50

Ara chong tlaq arkha maq, ümchaü pat wa maiq thun arka, ra nai hiq tiiq wanli maq pha wan raüta, ümchaü pat na saüli, shammibi tsatbaiq wantaq thun kra mat kha na, Shiikeawe raq tsangshiq ka mitiichamchao wan!

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 9:41

Kiijiishe, Jesuq raq treto, “O kamasham ahünok le. Maiqjiq angi nola nok le. Akhiiwiqwiq! Ngi ka namshiq rai ümtinkhan na saüli wa misi wan ha? Lata namshiq homa kra miho wan ha?” Kra ngu raütiishe, apaiq raq awe ka, “Ümse ka ana i phana shea wan laq,” nguta heato.

John 2:18

Kiijiishe, Jehudinok welabi raq, “Riita, ümniika arthun thungtri ara runbaiq miitu arang hoti we dea nguta, naishiq ma jamlai phan awang chang jaqsham wa mitiichhi kuq lot haü?” nguta apaiq ma waito.

John 6:30

Kiijiishe tsangshiq raq apaiq ma hali tre nongto, “Riita, ikha jiika naishiq raq ümniima kam wan li chang miitu ka, ümniiraq naishiq ma jamlai phan awang chang jaqsham kaiwa wa mitiichhi kuq haü? Ümniiraq jamlai phan jaq wa misham haü?

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

1 Corinthians 1:22

Jehudinok riika awang chang jaqsham hakhi chhi raütiq arka Shiikeawe jaqsham dea nguta mikam hai nguta rit tlo. Kiimaq Grik nok riika taksma bomchong miisaq riihii miika Shiikeawe lamphan ka maiqse raq takwan lot mak nguta tiima tlo.