Luke 11:22 - ASII LAKDAP Bible (BSI)

²² Shatmaq, apaiq thaq na kuila ajong weshi kriishe misaü. Raüta kongkhu wiiwe kra mikhat. Raüta, mitang. Rekhat tang jai she, apaiq raq sepat lope tsiiq ümchuwa lap wantaq, kra thun kriika, arphea she mirwan.

Hawa Naga Bible 2001

²² Yuq muinz piq htauk nuex hungc vlaungc httaz hvlc washiz kaz vtueq piq kuex taungx gay lot ruiux jix piq kvmluimx yaq yaung vpaq htenc nyvlc gay wvnc shuex, piq rueq kungkhux nuex vnyvlc lvp wvnc hup vsvmx htenc kuex rv-phvlc wvnc tuex.

Muklom

²² Etharin piq náng eq tho tarong miq eq piq sha khim eq jin ajo, him tangteywa khom ajan sha tungmang eq tong ta sha hut som chuwan na etho som chuwan eq ta tang sha phal na.

Luke 11:22 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

DUNGWVNC 15:9

Rewe raq nguto, ‘Ngi raq tsangshiq ka mijoha lata milap-ha; Ngi raq tsangshiq tsiiq tum milapha, kiimaq ngi raq aroro milam wanha; Inepja michat ha, lata tsangshiq hupsam wiita milamhoha.’

ISAIA 27:1

Kra ranaiq akhing na Tatiwe raq nepjasai kaü jonghea kiimaq henghea sihea kra sham raüta khamjong chum na siti prenkaü jonghea, akap atsea, akom alom aphe aphiiq chlaikaü ikha khumtlaq ngamthaiq kaü kra misebaiq.

ISAIA 53:12

Kra ningkhan, Ngi raq apaiq ma shreng jonghea ngachang mikuqha, kra ngachang ka ajong alabi kiimaq ningkun ajong hotibi phong na miraq. Apaiq raq arilung ka khoqriiq shishiiq maq kuqto, raüta abi maiqse kharii kra riisha wan damto. Apaiq raq ngarai maiqse pahea rilung kra la na tsaito, kiimaq tsangshiq mra ka midiikuqlaq nguta achu jaüto.”

Luke 11:21

“Maiq kuila jong weshi raq, ako, aliq, aliiq thun kra wishat maq, apaiq jamkun kra khe wan shat raüka, apaiq tachong wiira hupsam thun kriika, tiiwong shat miraq.

Luke 11:23

“Juwa ngi rai pong mak, kriiti ka ngi ngengti. Juwa ngi rai skukong ka riichom dam mak, kriiti riika, atiipin li riibaiq tlo.”

Ephesians 6:11

Namshiq ma Shiikeawe raq kuqtaq rekhat chang miirii ka wiita kunkun maq tiimiikhiiq lanta sirong laq. Kra riihan jiitiq, namshiq raq Thawe abi kiimung thun ka wiita mito wan lot han.

Ephesians 6:13

Kra ningkhan, ümchaü li Shiikeawe miirii kra sam lanta tiimiikhiiq ronglaq! Kra riihan jiitiq, ranaiq abi akhing saüwa tlaq akhing na, namshiq raq winji abi rewe chuntsi nyiimwin saü tlaq thun kra wiita mito lot han. Kiimaq kra rekhat ka tang jai min, namshiq raq rewe hiqshong kra jiiwan tlii riilanta, namshiq jaqkhon mong niishe mithü lot han. Lanta re na kai nong miitu tiijeshat miishe misi han.

Colossians 2:15

Kiimaq Khristo raq pumsongkham na apaiq tsaitaq kra akhing na, apaiq khum na thawe winji hokhambi nai winji tuwebi raq arang athü kra thun ümchuwa sitlaq kra, wiita runbaiqto she. Raüta akhum ka tsangshiq kharü wa tiidii wanto she. Raüta apaiq raq thawe winji hokhambi thun kra shumraü kharü maq kha raüta, apaiq raq mungmaiqse man na, rejang wa na shumwi kong chiihong chiiha hitsiq raüta shea wan tlaq ikha hit wanto she.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.

1 John 4:4

Shatmaq, i setiim lei, namshiq ka Shiikeawe rii she. Kiimaq namshiq raq arot shammibi thun ka tang lanshe. Jamkhano ngukla, namshiq khum na sitlaq Asii Wenyi kriika mangjong hiq na sitlaq winji kra nam ma ajong pinthum.