Luke 10:9 - ASII LAKDAP Bible (BSI)

⁹ Lanta, kra chela na maiq atsi asiti sitlaq kra tiihea kuq ronglaq. Lanta tsangshiq ma, ‘Shiikeawe Mungtan ka namshiq thoniishe,’ nguta chongkuq ronglaq.

Hawa Naga Bible 2001

⁹ Kvruex ghaqyungx wawc vthuiuz vsac jix htenc muinz tvhvlc kuq ruiux, ‘Tishox Mungtan kuex nuimshiq hep nuex httuiuc wvnc yaq,’ ngoz tueq jungx kuq shuinz.

Muklom

⁹ Eshi samhaq wang atakasa tang shi taqhal inn, etho eshiwang miqtang shima bat inn, ‘Shkewa mungtan nim relna sey thupha.’

Luke 10:9 Referencias Cruzadas

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 4:17

Kra akhing miiphat sanha, Jesuq riishe nokmaiqse ma trahoke wan jaqsham ka akhiishe phahoto: “Namshiq ngarai lam phan wa jang wan ronglaq. Jamkhano ngukla Ramungtan ka aje niishe!”

Mark 4:30

Kiimaq Jesuq raq waito, “Ramungtan ngutlaq kriika jamlai mo mishton i?”

Mark 6:13

Tsangshiq raq tsak amii tha pahea, maiq dü wa jobaiqto. Kiimaq atsiti thun pahea khum na olip tsai maq nyat kuq raüta, atsi ka tiihea kuqto.

Luke 10:10

Shatmaq, namshiq ka ümtiikiiwa chela ashi na kitlan, shatmaq, tsangshiq raq namshiq ka tao mak riitlaq, raüla chiiheawea wea na khum lanta akha sonthü ronglaq,

Luke 10:11

‘Liirong laq, naishiq hokphi na akop botkhulai ara dongdii min, jai nü na naübaiq thü tiikai. Arka namshiq ma manson miishe mija wan. Shiikeawe Mungtan ka namshiq thoniishe saükito!’

Luke 9:2

Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.

John 3:3

Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

John 3:5

Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Acts 28:31

Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.