Luke 10:4 - ASII LAKDAP Bible (BSI)

⁴ Kampho lo, thongkhiiq lo, hokpa lo, thun ka jam min naqho rongkiq. Lamkampii maq, maiq rai min mo riibom naq riibom rongkiq.

Hawa Naga Bible 2001

⁴ Nuimshiq rueq kuimphox htungc, rvmuq ngoz ruiux khak nuiyc yapaungc tamx kuex nauk gurx kaz, lvmx maq ukhaq rulc muinz nauk rvbomc kaz.

Muklom

⁴ Ngin khak tho nak som inn, khak tho nak som inn, jaaqhong tho nak som inn, tol aa lamna o raaqwan eq naklang inn.

Luke 10:4 Referencias Cruzadas

RAPHA HIQWA LAK 24:33

Riita tsangshiq ma dung she kuqkiita kriiwe raq nguto, “Ngi raq namshiq ma jamlai bom chong chang wa kra chonghü miika, jamlai min wakhiim ka kaq mang.” Kiijiishe Laban raq treto, “Chong liina ikhiijiika.”

RAPHA HIQWA LAK 24:56

Shatmaq apaiq raq nguto, “Naishiq ka naq shiikhing rongkiq. Tatiwe raq ngi wanhiq khum ka tiiong kuqto she. Ngi ka itijongwe phana janghopha.”

2 HOKHVMX 4:24

Raütiishe apaiq raq kumtoq kaü raikhü na maiq ngachang ka tiijelaq nguta thaüto. Raütiishe apaiq raq ajaqshi se ma aming kuqto, “Kumtoq kaü ka aphiq witwit atangtang tiikhum laq. Ngi raq chonghü wiiwii lam na naq shiikhing kiq.”

2 HOKHVMX 4:29

Kiijiishe Elisha raq Gehaji phanü na lii raüta apaiq ka thaüto, “Kotsi jaqlo! Inyeakii kra lam wan lata walaq. Lam na maiq riihum haü min, naqkhingkiq kiimaq naq riibomdamkiq. Kiimaq maiq weshi ra raq ümniirai riibomdam haü min, kra bomtre ümniika lam na naqkhingkiq. Leaphok tsang jam na walaq. Laüta inyeakii ka ümjaq maq shamshat maq nono khu thaq na tiiwelaq.”

TAKSU LAK 4:25

Ümmak lii ka khaki nü na rusan liilaq; Jurai wa riibom tlaü kra amak po na, tiqtiq lii laüta bomlaq naq jeasi kiq.

Mark 6:7

Apaiq raq ajaqshisetiim roqshi ri wenai ka, adam na triitam hiato. Raüta, tsangshiq ma, tsak amii tha thun kra jobaiq miitu arang kuqto. Raüta, tsangshiq ka wenai nai maq, trahokai tiikito.

Luke 22:35

Kiijiishe, Jesuq raq ajaqshisetiim ma waito, “Namshiq tsan na asi ahiq, ümnap ümji ngi raq namshiq ka Tsütsa Ahea chongke kai tiiki pha ira. Kiitiikaq ngi raq namshiq ma kampho lo, thongkhiiq lo, hokpa lo, min achan naq lamho rongkiq nguta thaü pha riimak sha. Irlak na namshiq wanhiq khumlam maq, namshiq ka phanshi ra na nyi mak dea nguta, chamchao lan sha?” “Jamlai phan miimin thümlit wan mai,” nguta tsangshiq raq apaiq bom ka treto.

1 SAMUEL 21:8

Kiimaq Dawit raq Ahimelekh ma nguto, “Ümjaq na ngi ma kechang piq lo, riimakla nepja ka asi shea? Hokhamwe aming ka tlothit tiido chang kha maq, ngi raq inepja lo, laihin ja nai piq kriimin rit-ho lap mang dea, tiidopotli kihokang.”