Luke 10:37 - ASII LAKDAP Bible (BSI)

³⁷ Kiijiishe, Thungtri shrinketiwe raq, “Apaiq ma khrumke wantiwe kra,” nguta treto. Kiijiishe, Jesuq raq treto, “Ikhiijiika, ümniimin walaq. Laüta, kiikhiisii shamlaq.”

Hawa Naga Bible 2001

³⁷ Tvrac tvluingc waz rueq, “Kvruex waz muex menjenc jix waz kvruex rvtueq,” ngoz tueq tvralc tueq. Yesu rueq, “Mnoz rueq muinz kvkhoc shuimx waung kuiuz?” ngoz tueq jungx kuq tueq.

Muklom

³⁷ Thong tatalteywa aa batta, “Barey piq ma tinshit ta.” Jesu aa piq thima batta, “Irimal ang ajo nang atho ka eq eshimal hun somlo u.”

Luke 10:37 Referencias Cruzadas

TAKSU LAK 14:21

Khoqriiq shishiiq si lungwii tlaü jiila, miitsan maiqse kra khrum laq, Maiq ma saisi ka ngarai.

Hosea 6:6

Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 23:23

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq Shiikeawe ma aroq khu wa alu atan kewan tsapkapkap maq, jurai liirai akhing na süse, tapan, pinchi cham tlaq kra thun ka wiita honglu na kuq tlan. Shatmaq Thungtri na chong tlaq akhek pinthum bomtsi, tingting tri raü sham, maiqse ma mangchan tsantsii thü wan kiimaq tsapkapkap maq jaqsham chang nguta chongtlaq kriika ashi ashe riiwan tlan. Namshiq raq ara chong tiikai akhek tri raü thun arka kai shiithuk shiitsom lanta lang lili riihan chang wa. Arthaq niitiq abi thun namshiq raq lang tlan kra sham wan han chang wa.

Luke 10:36

Raütiishe, Jesuq raq abom ka akha shatto, “Riita, ikha jiila, thiimeaq raq atiishowe kriima, apaiq jamthoti we ma ja raüta, apaiq khrumketiwe ka ümriiti wa?”

Luke 10:38

Jesuq nai ajaqshisetiim ka tsangshiq wanhiq kai lam maq, hiqshong ashi niishe saühoto. Kiijaq maiq nyungshi, amang ka Martha kra raq tsangshiq jam na Jesuq ka taoto.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,