Luke 10:17 - ASII LAKDAP Bible (BSI)

¹⁷ Ajaqshisetiim roqmiishi ri wenai trahokai tiikitaq kriika, pinthum chojong chise miishe jang wanto. Raüta, “Tatiwe! naishiq raq ümmang na aming kuqkaita, shotsai winji thun wiita raq, naishiq aming ka taito!” nguta tsangshiq raq apaiq ma chongto.

Hawa Naga Bible 2001

¹⁷ Miqwaz 72 kuex vkoz vkez thuinz maq yek waung vtueq, “Taungjix lex, mmuingc maq nvr koq tueq htaungc htenc rueq nuiyshiq kvjaz tay wuez tueq!” ngoz tueq.

Muklom

¹⁷ Warok sanat wani rapney sungti rangmaq welta. Ning aa batta, “Teyhungwa í aa ba miing wang raaqkhat som eq thangwa tang ma bat i tho ning aa í raaq tatta!”

Luke 10:17 Referencias Cruzadas

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Mark 16:17

Kamwan tlaqti thun ma, awang chang jaqsham miitu ningkun mikuq. Tsangshiq raq, i mang na tha mijo baiq; tsangshiq ka pongnok pongta phan bom maq mibom.

Luke 10:1

Arjai maq hali, Tatiwe raq ajaqshisetiim roqmiishi ri wenai kra tseato. Raüta wenai nai maq, apaiq kai chang chela thun nai maiqhiq shong thun kiina, apaiq ma sinkhu na trahokai tiikito.

Luke 10:20

Riita, shotsai winji raq namshiq aming ka taitlo ngutiika, naq chochi rongkiq. Shatmaq, kra thaq na kao raüta, namshiq mang ka ramungtan niishe waiqthüto nguta kra miitu chochi ronglaq.”

Luke 10:9

Lanta, kra chela na maiq atsi asiti sitlaq kra tiihea kuq ronglaq. Lanta tsangshiq ma, ‘Shiikeawe Mungtan ka namshiq thoniishe,’ nguta chongkuq ronglaq.

Luke 9:1

Jesuq raq akiimwetiim roqshi ri wenai ka adam na heato. Raüta, tsangshiq ma ningkun nai arang kuqto. Kra ningkun kuqtaq kriika, tsangshiq raq shotsai winji kra jobaiq raüta, atsi asiti thun kra tiiheake miitu kuqto.

Romans 16:20

Kra riihan jiila, Shiikeawe, nashiq tarü khusang maq rüm wanti we raq, Thawe ka namshiq jitham takiq na tiibunlak mitiithenbaiq wan. Nashiq Tati Jesuq kaphap ka namshiq rai misilaq.

Ephesians 5:24

Kiimaq, phungtu ka Khristo wokhong na sitlaq, kiikhiisii hali, atanyungre min awesetiim wokhong na siwan raa tlo.