Luke 10:14 - ASII LAKDAP Bible (BSI)

¹⁴ Shiikeawe raq Phangthum Khapho Ranaiq na, namshiq thaq na Tajar nai Sidon chelati ma mangchan ka apa lin mitiichhi kuq!

Hawa Naga Bible 2001

¹⁴ Khac Phox shuex Raungnuiyq Tishox rueq Tire nuiyc Sidon ghaq nuex nuimnueyc htauk nuex jvnc vtueq menjenc thuinz tvkhic shuex rvtueq.

Muklom

¹⁴ Shkewa khaphung saal o Tyre nia Sidon ma nim wang ahan tinshit takhina.

Luke 10:14 Referencias Cruzadas

Yoel 3:4

“O Tajar mungti nai Sidon mungti lei, kiimaq Philistain mungti lei, namshiq raq ngi ma jamlai phan khü akha thamke wan chang ngtiiwa tankhan tlan? Namshiq raq kiikha tankhan tlan jiila, ngi riimin namshiq ma mithamkuq wan kang! Kherong laq ahea na!

AMO LUIK DVP (AMOS) 1:9

Tatiwe raq ngutlo, “Tajar chela raq atang wan ngarai ma, hiq ma ra ma she tang wanto. Arningkhan ngi raq tsangshiq kha, tiijoq mang mipho ha. Jamkhano ngukla tsangshiq raq, siphu sino tongshong tri raütu wiita jin wanto. Raüta maiq hiqshong ashi wiita, Edomnok di ma shaphaqto.

AMO LUIK DVP (AMOS) 3:2

Apaiq raq akha ngutlo: “Ara mangjong hiq raikhü na mangjong maiqse ümchuwa sitlaq krii phong wa, namshiq lamlam kli ngi raq isengi ma nguta lungwii tsantsii maq tsea wan kang. Lata tiichhanchhi wan kang. Ngi raq namshiq ka atinkhan tiichhanchhi wan phata khoti, namshiq raq ibom chong tai man maq, ngarai tang wan lan, kriikha na, ümchaü san, ngi raq namshiq kha ka phowan chang dongdii,” nguta Tatiwe raq ngutlo.

Matthew 10:15

Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

John 3:19

Shiikeawe raq mangjong maiqse shin chang kappe ka ara: Rawü ka mangjong hiq na saükito she. Shatmaq, mangjong maiqse raq ranyaq mong na si kli lungwiitlo. Kra jamto lungwiitla ngukla, tsangshiq ka ashut jaqshamti kha maq lungwiitlo.

Romans 2:1

Kongtitiim lei, namshiq raq nanok ka jaram wa sairan tlan? Namshiq ka juli riikan jiimin, hangkilot man. Jamkhano ngukla, namshiq raq nanok ka ajiq klo tlo nguta, sairan tlan. Shatmaq, tsangshiq raq jamlai wa ajiq klo tlaq, kra hali namshiq riimin klo tlan. Lanta, maiq ka shra tiikai angu, maiqmii kli ajiq we dea nguta, shra phaq tlan.

Romans 2:27

Kiimaq ara tri lam phan chongkuq tiikang arai mren, namshiq Jehudinok jaq na Thungtri waiqthüje ka asi li jiimin, kiimaq namshiq ka athohan jeti maiqse nguta sitlan li jiimin, namshiq raq Thungtri ka ajin riiwan tlan. Shatmaq, Pongnok phan riika, han-ngam na athohan hüli jiimin, tsangshiq raq Thungtri ka lang tlo. Kriikha na, tsangshiq raq Thungtri lang tlaq kra lümaq namshiq Jehudinok ka ashut maiqsetiim miishe mitiija wan.