Luke 1:8 - ASII LAKDAP Bible (BSI)

⁸ Ranaiqshi, Jekeria ka apaiq la ramwe jaqsham, Shomjam na Shiikeawe ma hongluke rea.

Hawa Naga Bible 2001

⁸ Raungnuiyq shiz Zecharia kuex piq aungx yaq shomc waz phungc kvyuq yauk shuimc aungx yaq rulc rv-ngvlc, Shomc Yuimx mungx nuex wvraungx nuiyq shuimc juing yauk shuimc kuex shuimx tueq.

Muklom

⁸ Salsey ang atho, Zachariah ma tingwa jaksom angta etho piq rangnuk himna jaksom som chey ta.

Luke 1:8 Referencias Cruzadas

1 KAÜWA WERAÜ 24:19

Riita ara maiq thun mang rejistar na waiq wantaq arka Shomjam na tsangshiq raq maiqmii jaqsham wan chang asi kra miitu tiikho pheakuq wanto. Ara jaqsham arka tsangti tipai Aron raq Tatiwe, Israilnok Shiikeawe raq aming kuqtaq kra phan phan jaqsham wan chang thungtri athü wan wishe kra phan phan jaqsham wan miitu thüto.

1 KAÜWA WERAÜ 24:2

Nadab nai Abihu ka awe mitsai shaq na kongkhu tsaito. Kiimaq tsangnai wiita laihü lahü maq tsaikito. Kra ningkhan tsangnotiim Eleajar nai Ithamar ka ramwe ma shongto.

2 KAÜWA WERAÜ 11:14

Lewinok riika tsangshiq nyamse rüm chang wak ram thun nai tsangshiq hiqshong thun kra baiqthüto, raüta Juda wang na nai Jerusalem na siisaq laühoto. Jamkhano ngukla Israil mung Hokhamwe Jeroboam raq nai apaiq jai na hokham ümchuwa ja wantiibi raq tsangshiq ka Tatiwe ramwebi ma tiija mak she riito.

2 KAÜWA WERAÜ 31:19

Ramwebi phong wa juwa Aron saüse phan ma apheakuq chela thun na sitlaq, riimakla kra chela thun na nyamse rümchang wakram binjü na siti kriima, phaq nai sea pheaketi ka maiqwere asi riito. Tsangshiq raq ramwebi takitek na maiqwere sitlaq kriima tlotli ma kiimaq Lewi phan mang waiqchang lakdap na mang asiti maiq loweatek ma pheakuqto.

2 KAÜWA WERAÜ 31:2

Hokhamwe Hejekia raq ramwebi jaqsham nai Lewinok jaqsham ka man na jamkho riiphea raüta shamtaq kiikhahali khaq khaq hali pheakuq nongto. Tsangshiq ma maiqmiimii jaqsham khaq khaq hali pheakuq nongto. Ara jaqsham thun arka wiipumtam maq wa na chaqtlii honglu thun kiimaq rintii honglu thun, kiimaq Shomjam na noqku akhing na jaqsham dam, Shiikeawe tiitsam kam kiimaq Shomjam pongbaba na tiikham raüta kechutum shinge, thun kra riito.

2 KAÜWA WERAÜ 8:14

Arka awe Dawit raq thungtri raütu thütaq kra phan phan, apaiq raq ramwebi raq ranaiqtek jaqsham chang ka kiimaq Lewinok raq ramwebi khrumke jaqsham miikhon shi nge thun kra kiimaq tsangshiq raq jaqsham chang sitlaq thun kra aheawiq pheakuqto. Kiimaq hali apaiq raq shomjam kheti sontri tsongtibi kilamchong thun tek na wranaiqtek jaqsham ka akong akong maq triiphea raüta Shiikeawe maiqse Dawit raq aming thun thü thütaq kra phan phan phea kuqto.

EJRA 6:18

Kiimaq hali Jerusalem Shomjam na noqku akhingtek na sham akai ka, jamkhii sham wan chang wa, kra thun ka, Mosheq raq awaiqthü thungtri lakdap na chong tlaq, kra phanphan lang wan miitu, ramwebi nai Lewinok ma phanrap hon atsii ka samheawiq maq shrinkuq wanto. Raütiishe tsangshiq ma jaqsham ka phea-nyin kuqto.

DUNGWVNC 28:1

Tatiwe raq Mosheq ma nguto, “Ümphu Aron nai asetiim Nadab, Abihu, Eleajar, kiimaq Ithamar thun ka tiihea kikiq. Laüta tsangshiq ka Israilnok phong wa pong na tsea laüta thülaq. Raüta tsangshiq ka ramwebi ma ja raüta Ngi mishkumpanlaq.

DUNGWVNC 28:41

Arthun rohun arka ümphu Aron ma tiisam kuqlaq. Kiimaq asetiim ma tiisam kuqlaq. Kra laütiishe tsangshiq ka shonglaq. Laüta tsangshiq dü na oliptai maq ram laüta, tsangshiq ka kiinong kuqlaq. Kra raütiq tsangshiq raq ramwebi ma ja raüta Ngi mishkumpan.

DUNGWVNC 29:1

Tatiwe raq Mosheq ma nguto, “Ümniiraq Aron nai asetiim ka akha kiinong kuq laüta Ngi shiikumpan miitu ramwebi ma mishong haü. Minsaü pongwe ashi alai lamhü kiimaq sku pongse arese nai anai akhum nyeajokjok ami atsi jam min ahü kra lam wan laq.

DUNGWVNC 29:44

Ngi raq Tombutiip nai berong-wacha ka asii ma mitiijaha. Kiimaq Ngi raq Aron nai asetiim ka Ngi shiikumpan miitu ramwe ma pong na atsea lata mithüha.

DUNGWVNC 29:9

Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

DUNGWVNC 30:30

Kra laütiishe Aron nai asetiim khum na ramkham kiimaq tiibok nyat laq. Laüta tsangshiq ka Ngi shiikumpan ma ramwebi ma shonglaq.

WEAWEA 18:7

Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

Luke 1:5

Herod ka Judia wang na hokham riito. Ramwe mang ka Jekeria. Apaiq ka Ramwe Abija lai. Tsang-nyung mang ka Elijabeth. Apaiq kiimin ramwe phan sii.

Luke 1:7

Tsangnai ka sehü. Tsangnyung nai Jekeria ka kaüja kiija she.