Luke 1:51 - ASII LAKDAP Bible (BSI)

⁵¹ Shiikong miilong maiqse tarü, tsangshiq raq jamlai jaqsham wa sürii wantaq, kra tiisham wan lap mak maq, apaiq ningkun ajong chongwai kii maq, pongpin riipin jobaiq wanto.

Hawa Naga Bible 2001

⁵¹ Piq yauk phumz raungkawx hungc vlaungc kuex tvkhic kuq vtueq, ngamc ngax jix htenc tsuingshiq thuinz maq kvmungx yaq rulc nongx tvpanc yanc gay shuex.

Muklom

⁵¹ Piq aa utarong jaktha thalo ta etho tharangka angtey tang sha shaap na chak na.

Luke 1:51 Referencias Cruzadas

RAPHA HIQWA LAK 11:8

Krai mren Tatiwe raq tsangshiq ka mangjong hiqraikhü tlot li na nyinbaiqto. Kiimaq tsangshiq raq chela tei wan ka athaq riibaiqto.

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

Tvtsvmc 118:15

Taironglaq rekhat tangjai rüriiqtrang kra Shiikea senginok piitiip tombutiip phong na: “Tati ningkun jong maq tiitangto!

Tvtsvmc 33:10

Tatiwe raq maiqmung thun raq kiimung wantlaq kra tiibibaiqtlo; apaiq raq tsangshiq jaqsham sürii wantlaq thun kra tiisham mak tangtabaiqtlo.

Tvtsvmc 52:9

Ngi raq wranaiqshe ümniima kechu mitum kang, Shiikeawe lei, ümniiraq ngi ma jaq shamkuq laü kra miitu; ümsenginok thungtlaq kiijaq ngi raq ümniidea ahea nguta chiiriim lata michongha.

Tvtsvmc 63:5

Itsaiji ka ümwokhong na ngaraüta, wok phetaktak miphaqsiq kiimaq tsan na washasha rongboq misi, kiimaq ngi raq ümniima tiitsam shi thun chochikhiq mishiha.

Tvtsvmc 89:10

Ümniiraq prenkaü Rahap ka bunlak tiiq laüta tsatbaiq laü; ümningkun henghea maq ümjaqtinok jiipbaiqlaüta tanglaü.

Tvtsvmc 89:13

Ümningkun ka henghea jonghea! Ümhongla ka pinthum jonghea!

Tvtsvmc 98:1

Ashi anye ashi Tatiwe ma shikuq ronglaq; Apaiq raq awang chang pahea shamkuqto! Apaiq ningkun maq nai asii ningkun maq apaiq raq rekhat tangto.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

ISAIA 40:10

Ajong Pinthum Tatiwe ka ningkun aheng maq pengkai kitlo, apaiq raq ada wan maiqse thun ka apaiq rai sheaho raüta.

ISAIA 51:9

Tiidolaq, Tatiwe lei, laüta naishiq khrumlaq! Ümningkun shoqlaq laüta naishiq tiichhiilaq; richü pat na jamkho shoqlaü kiikha shoqlaq. Man na ümniiraq jungrükaü Rahab bunlak chumbaiq laü ihata.

ISAIA 52:10

Tatiwe raq apaiq asii ningkun kra milang, apaiq raq asenginok mitiichhii wan, kiimaq mangjong tlotli riishe kra jaqsham ka michhi wan.

ISAIA 63:12

Tatiwe ka ümchaü ümbano, man na apaiq ningkun jonghea maq Mosheq lümaq jaqsham jonghea sham wantaq ira, khamjong chum ka atiikho riibaiq raüta, lam tankuq wantaq raüta, asenginok ka kham jong chum mong maq shea wantaq, raüta apaiq mangchong tsa pattup pat-sa miitu tiijong wantaq irwe ira?” Tatiwe raq shunshea wan kha maq, tsangshiq ka rum na siti kumrang kong ikha tsang kiimwiiq ka tiithaptha mak riito.

JEREMIA 49:15

Tatiwe raq ümniika ningkun ajom miishe mitiijabaiq. Kiimaq ümniika jurmin shreng mak she miraq.

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

Romans 1:21

Tsangshiq raq Shiikeawe ka asi dea nguta asap. Shatmaq, tsangshiq raq Shiikeawe ma shreng manto, apaiq rii dongdii sitlaq, kra kuq wan mak maq sitlo. Kiimaq apaiq ma kechu tumke wan min ahü maq sitlo. Kra rü na khoti, tsangshiq tiima tsantsii ka, ajiq aphiq siisaq li, kiimaq tsangshiq khutsai ka shaqmii miili sitlo.

2 Corinthians 10:5

Naishiq raq, shiikong miilong kiimaq arot akiq tri raü maq, Shiikeawe lam phan sap wan chang lam jong na, peruk hai tlaq kra, arun riibaiq tiikai. Naishiq raq maiqse tiima tsantsii thun kriika, Khristo puk na nyap wan miitu trap tru rapkhat khat rap wiiq tiikai.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”

Revelation 18:8

Arkha na apaiq phaqti thawa misaü, ranaiqshi niili chongthum mirngaü, thawa, maaho, ramdong misaü. Apaiq ka chongthum wa raq mikhiim baiq wan, Apaiq kha phoketi Tati Shiikea Ajong pinthum!”