Luke 1:37 - ASII LAKDAP Bible (BSI)

³⁷ Krai mren, Shiikeawe raq lot mak chang ngutiika, jamlai phan min ahü.”

Hawa Naga Bible 2001

³⁷ Yvmx khoc lac ngoz ruiux lec Tishox rueq ruez lot muq phvnx yvmx muinz vguez,” ngoz tueq.

Muklom

³⁷ Shkewa jin moq phanli chamtho ahung.”

Luke 1:37 Referencias Cruzadas

RAPHA HIQWA LAK 18:14

Tatiwe raq lot mang chang phan ka asi shea? Ngi ngutiikang ara phan han, ümchaü armaq jipi lütiikaü silata Ngi ka ana mijangkiha. Kiimaq Sara raq ase maiqwe se ashi mihum.”

1 HOKHVMX 17:16

Tatiwe raq Elija nübok maq kiqkham kuqtaq, kra phan phan, kra nüchhong winpin wa wong win kra thumki mak phan riito. Kiimaq hamlii tsabum mong wa olip tai kriimin thumki mak phan showoto.

2 HOKHVMX 3:18

Kiimaq Elisha raq bom ka akha tiitsuq chongkuqto, “Shatmaq arthun arka Tatiwe raq jeriiqriiq heali mishamkuq. Apaiq raq namshiq ma Moabnok kiimin jeriiqriiq heali mitiikhatkuq. Raüta mitangkuq.

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

JEREMIA 32:27

“Ngi ka Tatiwe, maiqse angu tarü ma Shiikeawe. Ngi miika jamlai phan min ahawiq ngutiika ahü.

JEKERIA 8:6

“Arka ümchaü arjaq abungse mungmaiqse phong wa atiichong kriiti raq tai miika amaochang. Shatmaq ngi miika jamin harai mak. Jeriiqriiq li.

WEAWEA 11:23

Kiijiishe Tatiwe raq treto, “Riita Ngi ningkun jong ka achuli she riichang nguta mishangbaiq lot sha? Ngi raq chongtiikang kra miku wan sha ku wan mak wa, kra ümniiraq jaqlo liipan niili she ümmak maq michhi haü!”

Matthew 19:26

Jesuq raq tsangshiq pha nü na tiqtiq lii raüta, “Maiqse raq maiqmii ka tiichhii wan lot mak. Shatmaq Shiikeawe riika phanrap milot siisaq,” nguta treto.

Mark 10:27

Kiijiishe Jesuq raq tsangshiq pha nü na lii raüta akha chongkuqto, “Arka maiqse raq lot chang ka riimak. Shatmaq, Shiikeawe miika jam min harai mak. Shiikeawe riika phanrap milot siisaq.”

Luke 1:36

Ümniiraq asap haü, nanok raq ümnyino nyung Elijabeth ka laihü nyung nguta tiima wanto. Kiimaq, apaiq ka wikaü she li jiimin, ümchaü ka wiihan she. Ümchaü ahan wa no ka jipi lütrok she.

Luke 1:38

Kiijiishe, Meriq raq rase bom ka treto, “Ngi ka Tatiwe jaqshi se. Ümniiraq ngi ma jamlai bom wa chongkuq laü kra, ngi ma ngohea shaqshaq dea mihong tha wan laq.” Kra riibom jai she, rase ka wawanto.

Luke 18:27

Kiijiishe, Jesuq raq treto, “Maiqse raq lot mak chang jamlai wa sitlaq kriika, Shiikeawe raq milot.”

Philippians 3:21

Apaiq raq, ümchaü nashiq khum jam ningkun ahü, arümkai chang arka, apaiq achhai anyii khum kiikha miklai kuq wan. Arka, apaiq raq phanrap awokhong na tiishang wan miitu, ningkun ho tlaq kra maq, miklai kuq wan.