Luke 1:35 - ASII LAKDAP Bible (BSI)

³⁵ Kiijiishe, rase raq abom ka tre nongto, “Asii Wenyi ka ümkhum na miki. Raüta, Shiikeawe ningkun ka ümhan na mishang. Krai mren, Asii no kriika, Shiikeawe Se nguta mingu.

Hawa Naga Bible 2001

³⁵ Raungkamx waz rueq tvralc tueq, “Vsawc Siyac kuex mhtauk nuex httuiuc kaz vtueq Tishox luimc vkawc rueq mnoz kuex puingc wuingc kv-phux, kvkhoc rvtueq vsawc nox kuex Tishox Saz ngoz tueq gvlc rvhumc tuex.

Muklom

³⁵ Rangkamwa they thawel batta, “Bakhom o Asang Tsija thupha na, etho Shkewa tarong bajamna tong na. Ethirangma nang aa changnu eshi asang sa sha Shkewa Miqwasa ta thamiing na.

Luke 1:35 Referencias Cruzadas

YOBA 14:4

Maiqse rilung shekhiq kiiwii ka phanshi ra asii ka jamwo midong.

YOBA 15:16

Kiimaq maiqse raq abi ngarai ka kham nyang tlaq ikha nyangtlo; tengto, maiqse ka ashut pinthum; maiqse ka thiihü ma ajakai wishe.

YOBA 25:4

Shiikeawe makki na kechu maiqse riimakla asii maiqse ashi ra asi shea?

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

Tvtsvmc 51:5

Ngi ka irawü chhi ranaiq miiphü dongdii abi; inyung wok mong na kop wan pha akhing miiphü ngi ka ngaraikaü.

Matthew 1:18

Jesuq Khristo rawüchhi ka akha. Jesuq ma anyung Meriq ka junriise. Kiimaq apaiq ka Joseph raq awai wishe. Shatmaq tsangnai ka mirlam shaq liipan niili, Meriq raq akhum na Asii Wenyi lümaq wiihan she nguta sapto.

Matthew 1:20

Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

Matthew 14:33

Kiijiishe lai mong na ngati ajaqshisetiim thun raq Jesuq ka, “Tengto, ümniika Shiikeawe Se dea!” ngutiishe shomnoqto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 4:3

Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Mark 1:1

Arka Shiikeawe Se Jesuq Khristo Tsütsa Ahea manphan tiichap phaho.

Mark 1:24

“Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.

Luke 1:27

Apaiq ka junsang se, amang min Meriq nguta kriima, tsütsa ashi chongke kai nguta kito. Meriq ka Joseph ma tiiwa ma nguta, awaiwi she riito. Joseph ka Hokham Dawit weraü phan wa.

Luke 1:34

Kiijiishe, Meriq raq rase bom ka tre nongto, “Riita, ngi ka junrii se shaqli. Maiq ma santla miwaha shaqli. Riita, ngi ka noshii nyung ma jamkho mija ha?”

Luke 1:36

Ümniiraq asap haü, nanok raq ümnyino nyung Elijabeth ka laihü nyung nguta tiima wanto. Kiimaq, apaiq ka wikaü she li jiimin, ümchaü ka wiihan she. Ümchaü ahan wa no ka jipi lütrok she.

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Romans 1:4

Kiimaq apaiq wenyi khum kriika, asii Shiikeawe Se. Apaiq ka asii Shiikeawe Se dea nguta tiichhike wan miitu, Shiikeawe raq apaiq ka amaa wa ningkun jonghea maq tiidong wanto.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Ephesians 2:3

Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.