Luke 1:22 - ASII LAKDAP Bible (BSI)

²² Apaiq ka jam mong maq dongki raüta sanha, tsangshiq rai ka riibom lot mak she riito. Kra chhi raüta, apaiq ka Shiikeawe rai riihumto sham nguta tsangshiq raq takto. Apaiq ka abom dong mak she kha maq, nokwe miika, ajaq maq thi nam raütli she bom ka chongkuqto.

Hawa Naga Bible 2001

²² Piq dung kaz tueq nuex vbomc dung muq, kvkhoc rvtueq Shomc Yuimx mungx nuex piq rueq romzyac khiz tueq kuex tsuingshiq rueq tuiuz wuez tueq. Piq kuex vnuix tuingc kay ningkhvnc nuex yaukshuiuq yahtaz maq tsuingshiq muex jungx kuq tueq.

Muklom

²² Piq ran náng sey thalat atho piq miqtang jamoq raaq may wan moq sey angta, etho iri rangma ning they samta piq aa rangnuk him na Shkewa wang chamli ashey máng khita. Piq raaq qhong raaq moq angko eq jak tha thamot eq chamli takhi chey ta.

Luke 1:22 Referencias Cruzadas

EJEKIEL 3:26

Ngi raq ümtili ka atiitsai mirbaiqha. Krai mren, ümniiraq ara ikiqkhii srutinok ma honlam bom ka chongkuqlot maü she mirhaü.

Luke 1:21

Kra liipan bala, Shomjam kinphai na thungti nokwe thun riika, Jekeria ka Shomjam mong wa dong kai kra khe, athe ange she riito. Kiimaq, tsangshiq raq apaiq ka Shomjam mong na luhea jamto khing watiinya nguta, tiimakhiq she riito.

Luke 1:23

Shomjam na apaiq ramwe jaqsham kra lot raütiishe, apaiq ka ajam niishe wawanto.

Luke 1:62

Kiijiishe, tsangshiq raq awe ma, jaq maq tiichhi raüta, apaiq raq ase ka jamkhii mang wa rotla nguta waito.

John 13:24

Simon Petar raq kriiwe ma atsise maq, “Kra tiithai tlaq we kriika juwa ahiq?” nguta bom ka tiitsang waito.

Acts 12:17

Apaiq raq tsangshiq ma ajaq maq nam raüta, ajong maq naq bom rongkiq nguta chongto. Raüta, Shiikeawe raq apaiq ka jamkho phaqtek mong wa tiichhii kuq wantaq kra tsangshiq ma chongto. “Ara tsütsa arka Jakob nai phunainotiim ahinti miiri tiitai ronglaq” nguta apaiq raq tsangshiq ma chong kuqto. Raüta, apaiq ka kiimaq ahin niishe kihoto.

Acts 19:33

Nokwe phong wa maiq wiijamti raq tiima ka, Alekjendar kra sham tatso niqti we ka nguta tiimato. Kra jamkhano tiima wanta ngukla, Jehudinok raq apaiq ka rung na nokwe khaki na tiichapto. Kiimaq apaiq ka chap raüta, mungmaiqse ma heashi sang rong liishaq nguta bom chongke ma nguta, ajaq ka ra na do raüta, ajaq maq japto. Kiimaq apaiq raq apaiq khum tiichhii bom kra chongla nguta danto.

Acts 21:40

Krai mren, kra siihiipjong we raq Paul raq mungmaiqse ma bom chongke miitu akhing she kuqto. Kiijiishe Paul raq long hiqkhuphi na chap raüta, ajaq ka ra na do raüta, mungmaiqse ma heashi sang rong liishaq nguta ajaq maq japto. Riita, kra chhi raüta, mungmaiqse kiimin sangrang she sangkito. Krai mren, Paul raq Jehudi bom miishe arkha nguta mungmaiqse ma traho bom she chong kuq phahoto: