LEWI 7:2 - ASII LAKDAP Bible (BSI)

² Ara honglu na akuq nyamse ka berong-wacha maq shekhu nü siim na, nyamse thun chaqtlii-honglu tatlaq kriiba kiijaq tachang. Raüta kra ngam tiijai ka berong-wacha siimblai wiita na raübaiq chang.

Hawa Naga Bible 2001

² Vruex shomc kuy tvkoc nyvmx saz thvy juing baung nuex nyvmx saz kuex thvy juing rvtueq, kvruex tvguiy kuex shomrawx samx bvlic htauk kvyuq buit juing rvtueq.

LEWI 7:2 Referencias Cruzadas

ISAIA 52:15

Shatmaq ümchaü ka maiq mung paheati raq apaiq ma pinthum awang mirwan, kiimaq hokhambi thun ka apaiq sham ka chhiraüta tsang nübok maq abom min dongmak she miraq. Tsangshiq raq michhi raüta misap wan, tsangshiq raq man na chhitai mak phan kriishe misap wan,”

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

EJEKIEL 40:39

Ara among na nyap wan chang khok na chamrii ka blai asi. Khok mong na siimko nairi na chamrii ka anainai asi. Arthun chamrii thaq na tiibum raüta nyamse thun honglu na kechang kra tatlo. Wa na wiipumtam maq chaq chang lo, ngarai miitu take chang lo, riimakla thiitham khatham honglu thun kra arjaq tatlo.

LEWI 1:11

Apaiq raq nyamse ka berong-wacha shekhu nü siim na tachang. Kiimaq ramwebi raq ngam tiijai ka berong-wacha siimblai ri wiita na miwan.

LEWI 1:3

Apaiq raq aminsaü kong wa ashi ka wiipumtam maq chaqtlii honglu na takuqtlaq akhing na, apaiq raq minsaü pongwe ka nyeajokjok hea jamlai ami atsi min ahü kechang. Apaiq raq kra Tatiwe asi Tombutiip rinkea na kewan ratlo. Kra raütiq Tatiwe raq apaiq ka mitao wan.

LEWI 1:5

Apaiq raq kra minsaü pongwe ka kiijaq ataa miraq. Kiimaq Aron phan ramwebi raq ngam tiijai ka Tatiwe ma mikuq. Raütiishe Tombutiip kilamchong tho na berong-wacha sitlaq kra arong shokblai ri wiita na ngam tiijai ka miwan.

LEWI 14:13

Raüta apaiq raq kra sku pongse ka asii ba ngarai-honglu nai chaqtlii-honglu tachang ba kiijaq mitaa. Apaiq raq arka klo raa dongdii. Jamkhano ngukla thiitham-honglu ka ngarai-honglu ka ramwe rii kiimaq arka pinthum asii.

LEWI 3:2

Kriiwe raq ajaq maq nyamse khupo na shamchang. Raüta nyamse ka Tatiwe asi Tombutiip na walam kilam chong kiijaq ta chang. Raüta Aron phan ramwebi raq ngam tiijai ka berong-wacha siimblai ri na miwan.

LEWI 3:8

apaiq raq ajaq maq nyamse khupo na shamchang, raütiishe Tombutiip rinkea na tachang. Raüta ramwebi raq ngam tiijai ka berong-wacha siimblai ri na miwan.

LEWI 4:24

Apaiq raq ajaq maq chhechhi pongwe khupo na misham. Raüta berong-wacha maq shekhu nü siim na, chaqtlii-honglu ke chang ba kiijaq mitaa. Arka ngarai tiisii miitu ataakuq honglu.

LEWI 4:29

Raüta apaiq raq ajaq ka chhechhi kaü khupo na misham. Raüta kra nyamse thun chaqtlii-honglu thun take chang berong-wacha maq shekhu nü siim kiijaq mitaa.

LEWI 4:33

Apaiq raq ajaq maq nyamse khupo na misham. Raüta kra berong-wacha maq shekhu nü siim na chaqtlii-honglu nyamse thun take chang ba kiijaq mitaa.

LEWI 5:16

Apaiq raq ake chang wa kuq mak dea tlea baiqtaq kriika keraa dongdii. Kiimaq kriithaq na amet shishi khu na roqnai tliip raüta keraatlo. Apaiq raq kra ramwe jaq na mikuq. Kiimaq ramwe riishe kra nyamse ka kriiwe ngarai miitu mitaakuq. Kiimaq apaiq mra ka midiikuq.

LEWI 5:7

Kiimaq maiq weshi ra raq sku kaü lo kiimaq chhechhi lo kriimin kuqlot mak raüla, apaiq raq apaiq ngarai tham miitu Tatiwe ma haütaü kaünai riimakla paro kaünai ka honglu na kewa ratlo, kaüshi ka ngarai-honglu miitu kiimaq kaüshi ka chaqtlii-honglu miitu kewan ratlo.

LEWI 5:9

Raüta atiijai wiijam ka berong-wacha siim na miwan. Kiiwa chantlaq tiijai wiijam ka berong-wacha jichong kiijaq mitiichaü baiq. Arka ngarai tiikhoi miitu honglu.

LEWI 6:25

Aron nai asetiim ma ngarai-honglu thungtri arthun ara kuqlaq nguta chongto. Ngarai-honglu ma akuq nyamse ka berong-wacha maq shekhu nü siim na wa na chaq chang nyamse honglu thun takuqtlaq kriiba na ta chang. Arka asii pinthum honglu.

LEWI 6:7

Ramwe raq kriiwe ngarai miitu honglu ka mitaakuq. Raüla apaiq ngarai ka midiikuq.

WEAWEA 6:12

Kiimaq apaiq akhing ka Tatiwe ma thongshi ri hali Najiraiq phan ma jawan miitu kiinong kewan nong ratlo. Kongkhu lak na apaiq khum kiinong kuq wantaq kra akhing lea wantaq kriika wea mak she miraq. Jamkhano ngukla akhu asii athü wan kriika atiishe shi riiwanto. Kriikha na apaiq raq thongshiri athamke honglu arawii wiishi skuse ka ke wan chang.

Hebrews 11:28

Kiimahali, Mosheq raq kamtsantsii maq, Tiichhii wan Poi ka pha wanto. Apaiq raq, kamtsantsii maq, poi na ataa sku tiijai ka Israilnok jamki tek, kilam da na nei miitu, aming kuqto. Kriika, Maiqtseati Rase raq, Israilnok jamkitek wa, maiqwe se chhikhu setiim ka tsatmak mitiichhii kuq laq nguta neito.

Hebrews 12:24

Namshiq ka, Jesuq phana she saü wan lan. Apaiq raq tongshong anye shongkuqto. Kiimaq Abel tiijai nam ma araa, apaiq tiijai maq nei kuqto. Raüta ümchaü sanha, araa phan mikuq ha nguta kiqkham kuqtaq kriiwe phana niishe saü wan lan!

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.