LEWI 6:4 - ASII LAKDAP Bible (BSI)

^4-5 Ümtiikiiwa maiq weshi ra raq arthun ngarai klo raüla, apaiq raq arot akiq raüta jamlai phan hupsam wa lam hotaq, kra miitu ka asongke ratlo. Ümtiikiiwa apaiq shut phit kra sap jiiq, kra ranaiq apaiq raq hupsam tatiwe ma kra hupsam thii ka wiita thamke ratlo. Kriithaq na amet shishi khu na roqnainai maq thamke ratlo.

Hawa Naga Bible 2001

^4-5 Kvkhoc lvmz phvnx shishiz piq rueq yaq gay tueq ngoz ruiux yuq, kvkhoc yauk laungc maq vlvp hup svmx kuex vyez kuy rvyek rax. Piq htauk nuex mvrax vhttax lvmz tuiuz wvnc shuex raungnuiyq, miqmac rueq lvmz tueq kvruex htauk nuex pasen 20 vjvnc vtaungjix muex kuy rax.

LEWI 6:4 Referencias Cruzadas

RAPHA HIQWA LAK 21:25

Kiimaq Abraham raq Abimelekh ma khappong ashi ka apaiq sengi raq nyeahoto nguta shokto.

NEHEMIA 5:11

Tsangshiq raq, namshiq ma athamke chang ümchuwa sitlaq, kampho anam lo, tü atsam anam lo, che anam lo, olip petsitai anam lo, krii thun raüpot akha ka wiita she diibaiq rong laq. Lanta, tsangshiq wak thun ka, spiqro thun ka, olip pero thun ka, kiimaq jam thun ka, wiita tsangshiq ma jangkuq rong laq!”

YOBA 20:19

jamkhano ngukla apaiq raq miitsan maiqse ka nanshan shan raüta shishe wanto kiimaq maiq ahinti raq ahai jam thun ka ningkun ningkaq maq nyea wanto.

YOBA 24:2

Maiqse raq maiqhiq nit wan miitu trai longshong kaü thun ka atiisot shongtlo; tsangshiq raq maiq skukong ka huk raüta tsangshiq skukong rai rümtlo.

EJEKIEL 18:12

Apaiq raq miitsan maiqse kra laoliiho. Kiimaq thiimeaq ma jasha, kiimaq apaiq jaq wa kampho namwati raq kongphiq kha hupsam kuqtlaq kra jaüthütlo. Kiimaq apaiq ka thatsang maiqse raq shomnoq tlaq phra thun shomjam na kiraüta maiqphai asi sumla thun kra shomnoq kitlo ngu i.

EJEKIEL 18:18

Awe riika, maiq laolii wanto. Thiimeaq ja raüta maiq tekto. Kiimaq maiqse wiitarü ma abi kli kiimung wanto. Kra ningkhan apaiq ka tsaito. Apaiq maiqmii ngarai homa raq tsatto.

EJEKIEL 18:7

Apaiq raq maiq ka lao mak. Kiimaq maiq jumin thümki mak. Apaiq riika apaiq jaq wa hupsam maiq raq nam tlaq akhing na kongphiq khakuqtlaq kra jaüthümak, anamtiwe ma ajang riikuqtlo. Kiimaq apaiq raq maiq amang aleti kiima tü adung kuq phaqsiq tlo. Kiimaq thüm waq manti khuhü kheahüti ma khu akhea kuq samtlo.

EJEKIEL 33:15

bom shiiton, apaiq raq kampho namti jaqwa hupsam phanshi ra namtaq kra miitu shiila raükha kongphiq atiikha kra jangkuq raüla, riimakla apaiq raq ahukho hupsam kra atati ma jangkuq nong raüla, kiimaq apaiq raq ngarai klomak she tsaqki raüla, raüta rilung keti tri raütu kra phan phan shonga wan raüla, apaiq ka tsai mak miraq, shatmaq atra misi.

EJEKIEL 44:19

Tsangshiq ka Shomjam kinphai keathung kiina mungmaiqse tiichang ba kiina mikiho shaq na, tsangshiq miirii Shomjam mong na jaqsham lam maq samchang kriika aklai riichang. Raüta kra khea thun ka asii khok thun kiijaq thüthü ratlo. Raüta tsangshiq ka laihin khea samho raütiitiq kai chang miraq. Arka tsangshiq asii miirii kriimaq mungmaiqse ka shiithen mak chang miitu chongtlo.

LEWI 24:18

Kiimaq jurwa maiq hupsam nyamse ka tiitsailaq tsat baiqtlaq, kriiwe raq kra nyamse ka asongke ratlo. Tri ka tsitsü ka tsitsü maq songke chang.

LEWI 24:21

Jurwa maiq nyamse tsatbaiq tlaq, kra apaiq raq nyamse maq songke ratlo. Shatmaq jurwa maiq tsattlaq kriiwe ka atsea baiq ratlo.

LEWI 4:12

Raüta arthun ka kem phai na hiq ba asii apii chang riimak ba ngampü wabun raükitlaq ba kiina milamho. Raüta apaiq raq kiijaq chin phong chaq raüta kriithaq michaq baiqki.

AMO LUIK DVP (AMOS) 3:10

Tatiwe raq ngtulot, “Tsangshiq raq tri kappe tingting sham mak. Mattsiiq tsatsiiq siq raüta, kiitelong jam hai wantlo

Mikha 2:2

Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.

JEPHANIA 1:9

Ngi raq thatsang maiqse raq, shomnoqtlaq ikha shomnoqtibi, ahuk jati, kiimaq maiqtseati, raüta tsangtijongwe jam ka, ahuk arot tsiiq tum maq tiima wantibi ka, wiita mitiichamchaoha.

MALAKI 1:13

Namshiq raq, ‘Ara ramwe jaqsham arka atuli, maiqdam atsi li hunnii tiikai!’ nguta ngutlan. Lanta, nammak lü ka ngi ma shipotpot maq liitlan. Krai mren, namshiq raq ngi ma nyamse honglu kuq tlan kriimin, ahuk arot hupsam kuq tlan. Riimakla, akü ashii, riimakla, atsi asi nyamse kuq tlan. Namshiq raq ngi ma akhnok kuq tlan arka, ngi raq mitao ngutiisha tiima tlan?

WEAWEA 5:7

apaiq raq apaiq mra ka atiidii ratlo. Raüta apaiq kha tham ka kunli adok ke ratlo. Kriithaq na achan shishi khu na roqnainai amet kuq raüta akha ka juwe mo shuttaq kriiwe ma dokke ratlo.