LEWI 5:1 - ASII LAKDAP Bible (BSI)

¹ Arthun ngarai klo raüla ngarai honglu kechang miraq. Maiq weshi ra ka rung na hakhi kewa miitu tiihea raüjaq, apaiq raq jamlai wa chhitaq kra chong mak, riimakla ani maq taitaq kra hakhi kuq mak raüla, kra kha miitu apaiq ka chamchao raa dongdii.

Hawa Naga Bible 2001

¹ Mvrax kvdawc shomc kuy yauk shuimc kuex vkhoc rvtueq. Mkhoc shoc maq miq washiz shiz kuex tvrac rungx maq hakhix yaungc tvkoc gvl ruiux yuq, piq rueq khiz tueq, tay tueq rulc rv-ngvlc jungx kuq muq ngoz ruiux yuq, mvrax yaq gay muex yaungx yaq.

LEWI 5:1 Referencias Cruzadas

1 HOKHVMX 22:16

Shatmaq Ahab raq treto, “Ümtiikiiwa ümniiraq Tatiwe mang na ngi ma bom chongtlaü, tengteng bomtsi kli chonglili riilaq! Arka ngi raq ümniima achongtsi riimin aniishe?”

1 HOKHVMX 8:31

“Ümtiikiiwa maiq ashi raq ashi ma mra tangto nguta kha nyantlaq, raüta kra nyantliiwe ka ara Shomjam mong na, üm berong-wacha arjaq shea wan raüta tiichaptlaq, raüta apaiq ka jiqmak sepii dea nguta tumkham tiinyang tlaq, raüla

2 KAÜWA WERAÜ 18:15

Shatmaq Ahab raq treto, “Ümtiikiiwa ümniiraq ngi ma Tatiwe mang na chongtlaü, teng teng bomtsi kli chonglaq! Ngi raq ümniima ümchu jang she wa chongtiikang!”

Tvtsvmc 38:4

Ingarai jüchhang na ngi ka ache she riiwan kang; ngarai ma thun ka laihea holot mang.

DUNGWVNC 22:11

Kra kha nyantlaq we ka noqku jam na wa ratlo. Raüta kiijaq arewe nyamse ka apaiq raq huk-ho mak dea nguta atiitum ratlo. Kiimaq kra nyamse ka huk-ho mak dea jiika, kra mokitaq kriika atatiwe sumli she miraq. Krai mren arewe raq apaiq ma athamke ka raamak.

TAKSU LAK 29:24

Ahukwe kongti ka, apaiq ma wesang. Rung na apaiq raq riikhaqli chong raüla, apaiq raq mo miho. Apaiq raq chongmak raüla, Shiikeawe manson miho.

TAKSU LAK 30:9

Ngi ka rongboqhea riihala, ümniika moshipoq mirha sham, kiimaq ngi ka miitsan hea riihala, i ramtsi ma ahuk mojakai miraq, lata Shiikeawe mang motibi miraq.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

EJEKIEL 18:20

Jurwa ngarai thun klotlaq kriiti ka mitsai. Awe ngarai ningkhan na ase ka tiichamchao maimak. Kiimaq awe kiimin ase ngarai thun ningkhan tiichamchao maimak. Maiqshaqti raq riikhaqli jaqshamtaq kra miitu poksi mikuq. Kiimaq abi kloti ka apaiq raq abi klo wan kha na michamchao.

EJEKIEL 18:4

Maiqse loweatek rilung ka Ngi rii. Anyungwe rilung kiimin kiimaq ase rilung kiimin. Maiq ümriiti riiwa ngarai tangtlaq kriiti ka mitsai.

LEWI 17:16

Apaiq kra klo mak raüla, apaiq ka achamchao chang she dongdii miraq.

LEWI 19:8

Maiq ashi ra kra ngam ka phaqsiq raüla, kriiti ka ashut we she mijaki. Jamkhano ngukla Ngi ma akiinong kuq hupsam kriika apaiq raq hiqtili hupsam ikha tiijabaiqto. Kriikha na apaiq ka isengi nguta weadam mak she miraq.

LEWI 20:17

Kiimaq maiq weshi ra raq anyi ashea-nyung lo ano ashea-nyung lo, riimakla ashea-nyung awe ma ase riimakla anyung ma ase rai sra haüla, tsangnai ka nokwe man na jea tiingaü chang. Raüta hiqshong wa ajo baiq chang. Jamkhano ngukla apaiq raq ashea-nyung rai srato. Krai mren kra kha ka apaiq khupo na ho raa dongdii.

LEWI 4:2

Israilnok phong wa jurwa sapmak lam maq ngarai tangtlaq kiimaq Tatiwe aming thun jintlaq, kriiti raq arthun tri ara lang chang nguta chongto.

LEWI 5:15

Maiq ashi ra raq sapmak lam maq Tatiwe ma asii honglu ake chang wa kuqmak dea laq baiq raüla, apaiq raq kra kuq mak dea riitaq kra miitu Tatiwe ma tiitham-honglu kenong chang. Kriika sku pongwe ashi riimakla chhechhi akhum nyeajokjok ami atsi jam min ahü kra kechang. Kra thii ka mung raq langtlaq thii riikhaq li maq kechang.

LEWI 5:17

Kiimahali, maiq ashi ra raq, sapmak lam maq Tatiwe aming thun kiiwa aming poshi ra kriila jin raüla, apaiq ka ashutwe she miraq. Krai mren apaiq ka atsa chang miraq. Kiimaq apaiq riika dok rashe.

LEWI 7:18

Kiimaq ranaiqtsam ngoja na kra ngam bung kla phaqsiq raüla, Shiikeawe raq kriiwe honglu ka tao mak she miraq. Kra honglu ka apaiq raq kuqto nguta weamak she miraq. Shatmaq kriika ashe miishe mijaki. Krai mren jurwa kra phaqtlaq, kriiti raq mra miho. Raüta chamchao mirhum.

WEAWEA 9:13

Shatmaq juwa akhum ka asii taü maq kiimaq apaiq ka wanhiq khum lam na riimak, shatmaq apaiq raq Tiichhiiwan Poi ka lang mak raüla, kriiwe ka isengi nguta wea dam maimak she. Jamkhano ngukla apaiq raq kra akhing ranaiq na Ngi ma honglu kuqwa mak riito. Apaiq raq ngarai tangtaq kra miitu apaiq ka chamchao raa dongdii she.

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

PHOWEBI 17:2

Apaiq raq anyung ma nguto, “Ümtiikiiwa maiq ashi raq ümjaq wa kampho kamsii hingshi ri shishi huk-hotaq kra akhing na, ümniiraq ahukwe ka ason rea riilaü. Ümniiraq kriiwe sonrea ka ngi riimin ataiha. Liimaüta, kra kampho ka ijaq na. Kra kampho lamhoti ka ngi ahata.” Kiijiishe anyung raq nguto, “I se lei, Tatiwe riitiq ümniima achu mishman kuq laq.”