LEWI 3:9 - ASII LAKDAP Bible (BSI)

⁹ Kiimaq arthun ngamrea ka phaqsea-honglu na Tatiwe ma mikuq: Apü thun kra, amai ta wa apü asi thun kra maichong arai kong rii tiinap maq tap chang, kiimaq among wa apü thun ka wiita,

Hawa Naga Bible 2001

⁹ kvmaq ngvmx phuinz vphux maq Yehowa muex phuiuz svy shomc kuy juing kuex: vpuiz, vpuiz waq vmiz bungc, vpuiz kvyop yaq vwuk wawc vyox lotlaz,

LEWI 3:9 Referencias Cruzadas

2 SAMUEL 6:17

Tsangshiq raq Tek kaü ka lam wanto. Raüta Dawit raq kra thü chang Tombutiip tiije haitaq kiijiishe thü wanto. Kra raütiishe apaiq raq honglu thun kra takuqto kiimaq rintii-honglu thun kriishe Tatiwe ma kuqto.

1 HOKHVMX 3:15

Solomon ka akon maq samkito. Raüta Shiikeawe raq rawa ma maq apaiq ma chongkuqto ngutiishe takto. Kra raütiishe apaiq ka Jerusalem na wawanto. Raüta apaiq ka Tatiwe Tongshong Tek khaki niishe chapto. Raüta chaqtlii-honglu thun kiimaq rintii honglu thun ka Tatiwe ma kuqto. Kra lot jai she apaiq raq awokhong na siti ajong alabi ma phaqsea poi jonghea ashi klo kuqto.

1 HOKHVMX 8:63

Apaiq raq minsaü kong ka 22,000 takuqto. Kiimaq skukong ka 120,000 rintii-honglu na takuqto. Kriithun kra takuq raüta hokhamwe nai mungmaiqse raq Shomjam ka Tatiwe ma kiinong kuqto.

1 HOKHVMX 8:64

Kra ranaiq niisii hali, apaiq raq wangmong rinkea thung, kiimaq Shomjam rinkea thung kriimin ramkham maq tiibok raüta, Tatiwe ma kiinong kuqto. Kra lot raütiishe apaiq raq kiijaq wiipumtam maq wa na chaqtlii chang honglu thun kra, kiimaq rai awong honglu thun kra, kiimaq rintii-honglu ataakuq thun kiiwa ngampü thun kriishe honglu na kuqto. Apaiq akha kuqtaq arka miikingam maq atiiq berong-wacha kriika arthun honglu ara take miitu ka aran se kha maq, honglu thun ka akha takuq wanto.

1 KAÜWA WERAÜ 16:1

Tsangshiq raq Tongshong Tek ka Dawit raq tombutiip ashi tiije haitaq kiijiishe tiip mong na thü wanto. Raütiishe tsangshiq raq Shiikeawe ma honglu thun kra kiimaq rintii honglu thun kra takuqto.

DUNGWVNC 29:22

“Sku pongse ngam apü thun kra pong na lamlaq. Apü asi amaita kra, among wa atsan among thun wa apü thun kra, atsan ahea pinthum ba kra, akeapo wiinai kra wiipumtam maq, kiimaq awüko hoktsi nüti kra lam thülaq.

TAKSU LAK 23:26

Ise lei, tsan tiitsi laüta, i rilung lam ara phan laq.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

LEWI 17:5

Riita ara aming liichum ka ümchaü sanha Israilnok raq man na wak ram na nyamse thun ta phaq tlaq kriika tsangshiq raq Tatiwe phaniishe milam kuq wan. Ümchaü sanha tsangshiq raq nyamse thun kriika ramwe ma Tatiwe asi Tombutiip kilamchong kiijaq milam kuq wan. Raüta kriithun ka rintii-honglu miishe mitaa.

LEWI 7:3

Kiimaq kra ngampü thun ka wiita lam chang. Raüta berong-wacha na honglu ka kechang. Amaita wa apü thun kra, atsan among wa ngampü thun kra;

LEWI 8:25

Raütiishe apaiq raq ngampü thun kra, amaita wa ngampü thun kra, among wa atsan among thop chang ngampü thun kra, atsan wa ahea pinthum ba kra, akeapo wiinai ka apütam nong nong maq, kiimaq awühok hoktsi nüti thun kra lamto.

LEWI 9:19

Aron raq minsaü pongwe ngam wa ngampü thun kra kiimaq sku pongwe ngampü thun kra lamto.

1 SAMUEL 10:8

Ümniika ngi ma sinkhu na Gilgal chela kiina wawan li laq. Kiijaq ngi ka ümniirai mirhum kang. Lata chaqtlii-honglu thun kra nai rintii-honglu thun kra mitakuqha. Kiimaq ngi misaüha shaq wiiwii, ramiishi na saüli khelaq. Kiimaq ngi raq ümniima jamlai klo chang wa miraq kra michong kang.”