LEWI 3:5 - ASII LAKDAP Bible (BSI)

⁵ Ramwebi raq arthun ngamrea arka chaqtlii-honglu thun krai adam na berong-wacha kiijaq michaq. Ara phaqsea-honglu khiimtsang ka Tatiwe ma tsan tiiheali.

Hawa Naga Bible 2001

⁵ Shomc waz bix rueq kvruex htenc lotlaz kuex shomrawx htauk nuex jauk yaq wvr maq jauk shomc kuy juing htenc rulc vdvmz nuex juiuz gay rax. Vkhoc shomc kuq yaq vhomc vtumc thuingc kuex Yehowa rueq raungc raq yaq.

LEWI 3:5 Referencias Cruzadas

1 HOKHVMX 8:64

Kra ranaiq niisii hali, apaiq raq wangmong rinkea thung, kiimaq Shomjam rinkea thung kriimin ramkham maq tiibok raüta, Tatiwe ma kiinong kuqto. Kra lot raütiishe apaiq raq kiijaq wiipumtam maq wa na chaqtlii chang honglu thun kra, kiimaq rai awong honglu thun kra, kiimaq rintii-honglu ataakuq thun kiiwa ngampü thun kriishe honglu na kuqto. Apaiq akha kuqtaq arka miikingam maq atiiq berong-wacha kriika arthun honglu ara take miitu ka aran se kha maq, honglu thun ka akha takuq wanto.

2 KAÜWA WERAÜ 35:14

Arthun ara klo lot jai she, Lewinok raq ngam ka tsangshiq maiqmii miitu she riiphea phaqto. Kiimaq Aron saüse phan ramwebi ma kuqto. Jamkhano ngukla ramwebi ka rawa na saüli wiipumtam maq wa na chaqtlii nyamse honglu ataakuq thun kra chaq wan kiimaq honglu na akuq ngampü thun kra wa na chaq jaqsham na mosiqto.

DUNGWVNC 29:13

Kra laütiishe atsan among thun na ngampü thun ka wiita lamlaq. Kiimaq atsan wa ahea pinthum ba kra lamlaq. Kiimaq akeapo wiinai kriimin apü thun kra nong nong lamlaq. Kra laütiishe arthun ka berong-wacha na Ngi miitu honglu na wa na chaqlaq.

EJEKIEL 44:15

Tati Rakaü Hiqwe raq nguto, “Shatmaq Lewi phan wa Jadok saüse weraü wa ramwebi thun riika, Israilnok mungmaiqse abiti thun raq Ngi ka miimthü raüta sumla phra shomnoqkai kihotaq akhing niimin, tsangshiq ka iwokhong na siraüta tsapkapkap maq Ngi shomnoq wan Shomjam na jaqsham wanto. Arningkhan ümchaü, tsangshiq raq Ngi ka mishlilii kiimaq ikhaki na chap raüta, Ngi ma ngampü honglu nai tiijai honglu kra wa na michaq.

EJEKIEL 44:7

Tsangshiq raq pong mungti atho hanhütibi kiimaq Ngi aming lang makti maiq phan ka, Shomjam na Ngi ma nyamse honglu na ataakuq ngampü nai ngam tiijai kuqtlaq akhing na Shomjam mong na tiiwa damtlo. Raüta wiita tiishe baiqto. Raüta isenginok raq Ngi raq tongshong raütu akhakuqha kra akha maiqphai asi jaqsham raüta tri raütu ka jin wanto.

LEWI 1:13

Kriiwe raq among wa apuk aji thun nai awühokpe wiinai thun kra kham maq he ratlo. Kiimaq ramwe raq honglu ngam thun ka Tatiwe ma mikuq. Raüta ngam tlotli ka berong-wacha na michaq. Ara phaqsea honglu khiimtsang ka Tatiwe ma tsan tiiheali.

LEWI 1:17

Apaiq raq wushi maa ka arakong wiinai maq sham raüta, arakongnai ka panbaiq mak miili panthit angam ka chai baiq chang. Raüta wiipumtam maq berong-wacha na chaq chang. Ara phaqsea-honglu khiimtsang ka Tatiwe ma tsan tiiheali.

LEWI 1:9

Kriiwe raq among wa apukji thun nai ahok thun kra kham maq heraatlo. Raüta kiijaq jaqshamti ramwe raq kra honglu ngam thun kra berong-wacha na wiita michaq baiq. Ara phaqsea-honglu khiimtsang ka Tatiwe ma tsan tiiheali.

LEWI 3:11

Kiijaq ramwe jaqshamti raq arthun ngam rea ka berong-wacha na Tatiwe ma phaqsea-honglu na mikuq.

LEWI 3:4

Akeapo wiinai kra kiimaq kiiwa ngampü thun kra, kiimaq atsan wa ngamhea pinthum ba kra.

LEWI 4:31

Kra raütiishe apaiq raq ngampü thun ka wiita milambaiq. Arka rintii-honglu na ataakuq ngam maa thun wa jamkho lambaiqtlaq ikha milambaiq. Raüta apaiq raq ngampü thun ka berong-wacha na michaq. Krai mren ara khiimtsang ka Tatiwe ma tsan tiiheali miraq. Akha ramwe raq kriiwe ngarai miitu honglu ka mitaa kuq. Kiimaq apaiq ngarai ka midiikuq.

LEWI 4:35

Kra raütiishe apaiq raq ngampü ka wiita milam. Arka rintii-honglu na ataa sku ngampü lamtlaq ikha milam. Raüta apaiq raq wa na phaqsea-honglu krai adam na Tatiwe wa na michaq. Akha ramwe raq kriiwe ngarai miitu honglu ka mikuq. Kiimaq apaiq ngarai ka midiikuq.

LEWI 6:12

Kiimaq berong-wacha na wa sitlaq kriika tiinyai chaq ruqli riichang. Kriika ümtiikiimin tiimat baiq mai mak. Wranaptek ramwe raq chin ka anye thümchaq wali li riichang. Raüta chaqtlii-honglu ka kriithaq na aheawiq tri thüli li riichang. Raüta rintii-honglu ka chaq lili riichang.

LEWI 7:28

Tatiwe raq Mosheq ma arthun thungtri kuqto.

LEWI 9:17

Apaiq raq wong-honglu kriishe kuqto. Kiimaq kiiwa bunwong win ka jaqkhon shi ajaq na lamto. Raüta berong-wacha na chaqto. (Arka ranaiqtek chaqtlii-honglu kuqtlaq kriithaq na kuqtlo.)

WEAWEA 15:8

Ümtiikiiwa minsaü pongwe ka Tatiwe ma chaqtlii-honglu na kuqtlaq riimakla sinkham tiikhoi honglu na kuqtlaq riimakla rintii-honglu na kuqtlaq,

WEAWEA 18:17

Shatmaq minsaü chhikhu se, sku chhikhu se, kiimaq chhechhi chhikhu se nyungtlaq thun kriika ari kuq raüta daa wan raamak. Kriithun ka Ngi riili dongdii kha maq honglu na take ratlo. Kra ngam tiijai thun ka berong-wacha kiijaq raübaiq laq. Kiimaq kra ngam pü thun kriika phaqsea-honglu akuq la na wa na chaqlaq. Kra khiimtsang ka Ngi ma tsan tiiheali honglu.

WEAWEA 28:12

Wong-honglu niika bunwong win olip tai rai shot laüta kuqlaq: minsaü pongsetiim loweatek rai, bunwong win kilogram atsam tsam chhaq; sku pongre se krai ka bunwong win kilogram anai kuqlaq;

WEAWEA 28:3

Tatiwe ma phaqsea-honglu kechang thun ka arthun ara: Ranaiqtek chaqtlii-honglu miitu ka, arawii wiishi skuse anai akhum nyeajokjok ami atsi ahü kra kechang.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.