LEWI 26:9 - ASII LAKDAP Bible (BSI)

⁹ Ngi raq namshiq mishman kuqha. Kiimaq namsetiim ka pahea mitii puchikuq kang. Ngi raq namshiq rai tongshong raütu kha wan kang kra Ngi raq ümchu shamchang wa kra misham kuqha.

Hawa Naga Bible 2001

⁹ Ngaz rueq nuimshiq muex ruimruimc kuy ningkhvnc nuex nuimshiq suiuz vsaz paunghvlc pux panz wvnc tuex; nuimshiq rulc bomkhvrc vtaq kuex ngaz rueq rvkhauk laz tv-phaungx shaungx.

LEWI 26:9 Referencias Cruzadas

RAPHA HIQWA LAK 1:28

raüta tsangshiq ka shiimanto, kiimaq akha nguto, “Namsetiim pahea hum ronglaq, krai mren namsaü namsetiim ka hiq raikhü na barap binrii na mishonglaq, raüta hiq raikhü ka tsangshiq wokhong na mirümlaq. Ngi raq ümniika ngiq, wushi thun, kiimaq rum nyamse tlotli khuthaq na arang kuq tiikang.

RAPHA HIQWA LAK 17:20

Ümniiraq Ishmael miitu achu jaülaü kriimin taikang she. Krai mren Ngi raq apaiq ka mishmanha. Lata apaiq ma asetiim ka pahea mikuqha. Kiimaq alai ala phan ka pahea mikuqha. Apaiq ka hokhamsetiim weroqshi ri wenai ma awe miraq. Kiimaq Ngi raq apaiq lai ala phan ka maiq mung jonghea ashi miishe mitiijaha.

RAPHA HIQWA LAK 22:17

Ngi raq kiqkham lata chong tiikang, Ngi raq ümsaü ümsetiim ka ra na raiqsaiq jamkho diimtlaq, kiimaq khamjong chum kii na kumtsai phü na kumtsai riiphongtlaq ikha mipuchiha. Ümsaü ümsetiim phan raq tsangshiq jaqtinok thun ka mitang wan.

RAPHA HIQWA LAK 26:4

Ngi raq ümsaü ümsetiim ka ra na raiqsaiq diimtlaq kiikha awealot mai mitiipu kuqha. Kiimaq Ngi raq tsangshiq ma armung thun ara tlotli mikuqha. Ngi raq ümsaü ümsetiim shiiman kuq kang kiikha, maiq mung thun tlotli raq tsangshiq kiimin shiiman kuqlaq nguta Ngi jaq wa mijaü.

RAPHA HIQWA LAK 28:14

Tsangshiq ka hiq raikhü na botkhulai riiphongtlaq kiikha awea lot mai miraq. Tsangshiq raq tsangshiq hiq rai ka trotam na mitiijong wan. Kiimaq ümnaq lümaq nai ümsaü ümsetiim lümaq, Ngi raq maiq phan thun ka mishman kuqha.

RAPHA HIQWA LAK 28:3

Ningkun Ajong Shiikeawe raq ümjam kun shongnga wan tlaü ka mishmanlaq. Raüta ümsetiim ka pahea mitiipuchi kuq wanlaq. Raüta ümniika maiq mung pahea ma awejong mitiijalaq!

RAPHA HIQWA LAK 48:4

Apaiq raq ngi ma akha nguto, ‘Ngi raq ümniima ümsetiim ka pahea mikuq kang. Krai mren ümsaü ümsetiim ka maiq phan pahea ma mipu wan. Ngi raq armung ara ümsaü ümsetiim ma pattup pat-sa tsangshiq tachong hupsam miitu mikuqha.’”

RAPHA HIQWA LAK 6:18

Shatmaq Ngi raq ümniirai ka tong mishongha. Ümniika lai mong na ümchak rai, ümsetiim rai, kiimaq ümnam-nyungtiim rai nyap wanlaq.

1 HOKHVMX 3:8

Riita ija ümchaü sanha, ngi ka ara mungmaiqse ümniiraq ümsenginok miitu tingsang atseatsiiq wan haü phong mong na, ara mungmaiqse pahea awea lotmai phong niishe tiinga wanlaü.

2 HOKHVMX 13:23

Shatmaq Tatiwe raq tsangshiq ka mangchan shat kiimaq tiihang kuqshat riito. Apaiq raq tsangshiq ka re jaq na tiithenbaiq mak riito. Shatmaq tsangshiq ka khrum kuqto. Jamkhano ngukla apaiq raq Abraham, Isak, kiimaq Jakob rai tongshongto. Apaiq raq asenginok ka ümtiikiimin laqbaiq mak riito.

NEHEMIA 2:20

Kiijiishe, ngi raq tsangshiq bom ka akha tre kang, “Sanseng ramungtan na sitiwe Shiikeawe raq naishiq ma ara jaqsham pha wan tiikai arka mitiinyi kuq wan. Naishiq ka Shiikeawe sengi. Krai mren, ara Jerusalem tro wa long ruk athen arki thun ara tiihea hai jaqsham, athuk atsom arka, naishiq raq misham pha wan hai she. Shatmaq namshiq riika, Jerusalem na sitlaq tachong hupsam kriiwa, kiimaq hup nai sam sitlaq kriiwiika, jamlai phan min lap wan lot man. Kiimaq Jerusalem arka naiti naiwi hiqshong dea nguta, mungmaiqse manphan wura riimin namshiq ka ham wan dam mak she.”

NEHEMIA 9:23

Tsangshiq saü asetiim phong ka, ra na raiqsaiq diimtlaq ikha, awea lot mai tiipu kuq wan laü. Kiimaq tsangshiq ma mung ashi kuq wan laü kra, Khat wan wan maq tiijü kuq wan laü. Kriika, ‘Namsaü namsetiim pat na mikuq kang,’ nguta tsangtitiim ma akhamkuq haü riito, kra phan phan kuq wan laü.

Tvtsvmc 107:38

Apaiq raq asenginok shiimanto, kiimaq tsangsetiim kong ka tere rüjong ma tiijato; apaiq raq tsangshiq nyamse kong tiijommak riito.

Tvtsvmc 89:3

Ümniiraq ngulaü, “Ngi raq tsea kangwe rai Ngi raq tongshong kang; Ngi raq ijaqshise Dawit maq kiqkham kuqkang.

DUNGWVNC 1:7

Shatmaq tsangshiq saü asetiim, Israilnok ka puwan raüta maiq ka pahea raham hiq ham she pu wanto. Kiimaq ningkun ajong aheng ahong ala siisaq Ejip mung ka tsangshiq nok riili mawanto.

DUNGWVNC 2:25

Apaiq raq Israilnok maiqdikong ma jaraüta chamchaotlaq kra chhito. Kiimaq tsangshiq miitu atsan tsito.

DUNGWVNC 6:4

Kiimaq Ngi raq tsangshiq rai itong min shong kang. Kra tongshong raükha kiqkham ka Ngi raq tsangshiq ma Kanan mung, tsangshiq wanshawe ma ja raüta shong wantaq kra tsangshiq ma mikuqha nguta kiqkham kuq kang.

ISAIA 55:3

“Taironglaq ümchaü, isenginok lei, lantea Ngi phana warong ra; warong ra, raüla namshiq raq rilung milap han! Ngi raq namshiq rai pattup pat-sa miitu tong mishongha, lata achu shiiman mikuqha, Ngi raq Dawit ma kiq akham kuqha kra.

JEREMIA 23:3

Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

EJEKIEL 16:62

Ngi raq itongshong raüpot ka ümniirai anye ma hali mitiija wan nongha. Kiimaq ümniiraq Ngi ardea Tatiwe nguta misap haü.

EJEKIEL 36:9

Ngi ka namshiq rai pongdam tiikang. Ngi raq namshiq wak thun kra shamsea miitu lam midi kuqha. Tü atsam kra mitiijangha.

LEWI 26:15

Namshiq raq Ngi raq akuqha thungtri thun nai aming thun kra lang man tlea hanla, kiimaq Ngi raq namshiq rai tongshong wan kang bomkham raütu thun kra jin wan hanla,

Luke 1:72

Apaiq raq na saü nase pat niimin, kaphap mangchan laq mang nguto. Apaiq raq tongshong khoqram kii ka thaq mang nguto.

TRI CHONGKE 28:11

Tatiwe raq ümniima mung ashi mikuqha nguta ümtitiim ma kiqkham kuqtaq mung kiijaq, ümniima ümsetiim kong, minsaü kong, ka pahea mitiipukuq. Kiimaq üm hiqshong mikuqha nguta ümtitiim ma kiqkham kuqtaq mung na ümniika rongboq mitiija wan.

TRI CHONGKE 28:4

“Tatiwe raq ümsetiim ka tere rü atang ikha mitiipukuq. Kiimaq aphe arong rongboq mitiijakuq. Kiimaq minsaü kong nai sku kong ka pahea mitiipukuq.

TRI CHONGKE 7:13

Apaiq raq namshiq ka milungwii kiimaq namshiq ma mishman kuq. Krai mren namshiq ka maiq pahea mipuchi wan han. Kiimaq namsetiim ka pahea miraq. Apaiq raq namshiq wak ram thun kra mishman kuq. Krai mren namshiq raq bunwong, spiqtai, kiimaq olip tsai thun chamtraq rongboq milap han. Kiimaq apaiq raq namshiq nyamse kong ka pahea mitiipu kuq. Kiimaq skukong ka pahea mitiipu kuq wan, Apaiq raq namtitiim ma mikuqha nguta kiqkham kuqtaq kra phan Kanan mung na namshiq ma arthun achu shiiman ara mikuq.

Hebrews 8:9

Kra tongshong anye shong nong tiikang kriika, man na tsangti tsangwitiim pat na, ngi raq tsangshiq ka I jaq maq hit wan lata, Ejip mung jaqkhon mong wa, tiidong shea wan kang ranaiq na, tongshong kang kiikhiika riimak she miraq. Ngi raq tsangshiq ka tongshong ramkham maq bat kang. Shatmaq tsangshiq raq tongshong bomkham ka shishe wanto. Kriikha na, Ngi riimin tsangshiq ka, I wura maq tiihamkuq mang she riikang.