LEWI 26:26 - ASII LAKDAP Bible (BSI)

²⁶ Ngi raq namshiq phaqsea lun wan chang lam thun kra ashang mirbaiqha. Kra ningkhan ramtsi ma jechak nyung roqshi raq tsangshiq winsii lumchang wacha ka ashi kiijiili she milum. Ashong lumchang min ahü she miraq. Tsangshiq raq rai awong ka akhüse kli she mishong phaqsiq. Kra ningkhan namjaq na sitlaq kra phaqsea lot jai, namshiq ka ramtsi hot hot li misi han.

Hawa Naga Bible 2001

²⁶ Ngaz rueq phuiuz vsvy htenc kuex tvhtemc rvmc kuy ningkhvnc nuex, yuimx jungjix nyuiuz rokshiz rueq shoay juing wanx kuex nyuiuz shiz rueq shoay juing khvnc dvyx shex httax tuex. Nuimshiq rueq kvruex lotlaz rv-phvlc phauk saq gay ruiux muinz rvmc thuiuz rvhumc tuinx.

LEWI 26:26 Referencias Cruzadas

2 HOKHVMX 6:25

Re raq chela kombaiq kha maq, chelati ma phaq nai sea ka thümhea she riito. Kra ningkhan kumtoq kaü khupo ka kampho kamsii roqtiichat pha shatlo kiimaq rum na acham siqkhupo ka gram shinai ka kampho ngam kamsii siibiingingi pha shatlo.

Tvtsvmc 105:16

Tati raq tsang mung na ram tiidongto kiimaq tsangshiq dungpin wiita raübaiqto.

ISAIA 3:1

Riita ümchaü sanha Tati, Ajong Pinthum Tati raq, Jerusalem wa nai Juda mung wa maiqse jaq na jamlai phan wa riimtlaq kra kiimaq jamlai phan mo maiq loweatek raq tlamtlaq thun ka wiitashe milam wan. Apaiq tsangshiq tü atsam nai kham anyang chang thun kra milam wan.

ISAIA 5:10

Spiqtsiro hektor roqshi bagan kriiwa atsi ka riichom pan raüla, spiqtai ka litar tiichatli she midong. Kiimaq litar shishi ri litar roqtiichat püwong rai kra chhi raüla litar roqshiri litar tiichat püwong rai kli she midong.”

ISAIA 9:19

Jamkhano ngukla Ajong Pinthum Tatiwe ka atsan khiqhea, arningkhan tiina apaiq raq tsangshiq ma mo tiihotlaq wa ka tsang mung tlotli na wakchaq walü wa ikha tiinyai chaq wantlo. Raüta mungmaiqse ka wiita thumpak tsatbaiq wantlo. Kiimaq maiq pumsii loweatek ka apaiq miituli she sitlo.

ISAIA 9:20

Tsang mung barapse na, maiqse angu raq tsangshiq mak maq achhichhi, maiqjaq na phaq nai sea phan akhiishe kra chhi raü min nyeawat wat raütli she riichhin phaqsiq hotlo. Kra taümaq dongdii min tsang ramtsi ka tsaqmak. Tsangshiq raq tsangsetiim noshiisetiim kra dongdii min aphaq riitlo!

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

EJEKIEL 14:13

“Maiqse lei, maiq mung ashiti raq ngarai klo haüla, raüta iwokhong wa ahin na juho raüla, Ngi raq ijaq ka tiipii lata, tsangshiq rai awong lun lam tsamtiip thun kra mishthen baiqha. Ngi raq ram mitiidongha. Lata ram raq maiq nai jam nyamse thun ka wiita kun kun mijiipbaiqha.

EJEKIEL 4:10

Kra wongwin kiiwa ranaiq shi na 230 gram kra winsii ma lum laüta miphaq haü. Kra phaq tlaü kriika anap ranaiq na saüli miitu miraq.

EJEKIEL 4:16

Kiimaq apaiq kiijaq tiitsuqsaq nguto, “Maiqse lei, Ngi raq Jerusalem na phaq nai sea howan chang lam ka achum she mirbaiqha. Kiijaq siti mungmaiqse ka haikhiq lam miili rai awong kra haptase maq shin raü raüta mishongsiq. Kiimaq kham kiimin shin raütli minyang.

EJEKIEL 4:17

Tsangshiq phaqsea chang rai awong nai kham anyang chang ka athum mirki. Raüta tsangshiq ka pitlang pitthea miraq. Raüta tsangshiq ngarai kha na tsangshiq rilung ka simi wanii jam wantlaq ikha chao sususe maq jam wan raüta misa wan.”

EJEKIEL 5:16

Ngi raq ümniima rai awong chomromke wan chang lam ka ashang mirbaiqha. Lata ümniika ram ma mitiihaüha. Ümniiraq ramtsi raq pitlang pitthea chamchao tsi ka liq maq ahiip atsai wan she ikha misap haü.

Hosea 4:10

Namshiq raq Tatiwe baiqthü lan kha, ümchu phaqsiq han min, nam wok phe mak. Kiimaq namshiq raq, saü ase shiimanketi sumla noq wan lan. Shatmaq laihü nyungre miili ja wan lan, kra kha maiq ka puwan man,” nguta Tatiwe raq nguto.

LEWI 26:27

“Kiimaq atinkhan mo tiiho taü miimin, namshiq raq ikiq ka khiiwan ruqli la sru han jiila, lanta ibom tai man tlea ruq li sihan la,

Mikha 6:14

Ümniiraq dung siqhaü min, wok miphe riimak, ramtsi riili mihaü haü, ümniiraq hupsam lam wan laüta, apaü riihaü min, chiithe mijahaü riimak, ümniiraq jamlai wa rümtlaü, kra ngi raq redong na mitiithen baiqha.

HAGAI 1:6

Namshiq raq wak jaqsham tlan kiiwa tü atsam ka ümtinkhan chhijang wan tlan, riishatmaq, atsi ango ka ahü. Tsam ka atsapse li jut tlan. Namshiq tsam ka asi laptlan. Shatmaq namwok ka phemak. Namshiq jaq na spiqtai ka asi. Shatmaq phetaktak nyang wan li chang ka ahü! Namkhum na asam han khea ka asi. Shatmaq ra lammak. Kiimahali ranaiq ningchang jaq sham wantibi riimin, awok pheli chang ningchang ka lap mak.