LEWI 20:3 - ASII LAKDAP Bible (BSI)

³ Kiimaq maiq ashi ra raq asetiim phong wa ashi ka Molekh phra shomnoq miitu kuq raüla, raüta ijam asii Tombutiip kra tiishe shi raüla, raüta imang asii kra tiibi raüla, Ngi ka apaiq ma wesang mijaha. Lata apaiq ka isengi nguta wea mang she mirha.

Hawa Naga Bible 2001

³ Mkhoc shoc maq miq vshiz shiz rueq vsaz kuex Molek tishox muex kuq vtueq, ngvy vsawc Tap kuex tvshuy shac ruiux, ngaz vsawc muingc jungc kuex yomnamc jix waz ukhaq yuq muinz, ngaz rueq khawx gay ruiux piq kuex ngvy miq wawc tvdux gay shaungx.

LEWI 20:3 Referencias Cruzadas

DUNGWVNC 30:33

Kiimaq jurwa akha tel ka phoq tlaq, riimakla arwa maiq ahinti juwa ramwe riimakti khum na nyat kuq raüla, kriiti ka isengi nguta weamak she miraq.’”

EJEKIEL 20:39

Tati Rakaü Hiqwe raq nguto, “Riita, ümchaü namshiq wiitarü Israilnok lei, maiqmii kli polosiq rong liina! Namshiq sumla phra thun kra noqsiq rong liina! Ahea kata! Shatmaq Ngi raq namshiq ma phaq thaq nithak lata sontiikang. Arjai miishe ka namshiq raq ibom tai chang she miraq. Lanta namshiq sumla phra thun ma kongphiq kuq lanta, imang asii ka tiibi tlan kra atsaq chang she miraq.

EJEKIEL 5:11

“Arningkhan, Ngi atra Shiikeawe raq ngutiikang - arka Ngi, Tati Rakaü Hiqwe bomtsi. Jamkhano ngukla, ümniiraq abi pinthum maiqphai asi klowan laüta, i Shomjam ka tiishebaiq laü. Ngi raq ümniika tiihang mang maq michumbaiqha.

LEWI 15:31

Tatiwe raq Mosheq ma chongto Israilnok ka tsangshiq khum ashe sitlaq bala tiihai shat maq siraatlo nguta. Kriika tsangshiq raq apaiq asi Tombutiip tsangshiq piitiip thun mong na sitlaq kra tiisheshi mak chang miitu honlam bom chongtlo. Tsangshiq raq kra tiishe shi raüla, tsangshiq ka Tatiwe raq atsea mirbaiq.

LEWI 17:10

Kiimaq Israilnok wa maiq weshi ra raq, lo riimakla wanshawe pongmungti tsangshiq rai asiwa raq ngam ka wiitiijai tam maq lum phaq raüla, Tatiwe ka apaiq ma wesang she miraq. Kiimaq apaiq ka asenginok wa weshi nguta weamak she miraq.

LEWI 18:21

Ümsetiim wa jumin Molekh phra shomnoq miitu honglu na naq kiinong kuqkiq. Kra raüla Shiikeawe, Tatiwe mang ka shummii miraq.

LEWI 19:12

Namshiq raq jaqsham maq tiichhi man chang ka imang na kiq naq kham rongkiq. Kra riika imang tiibi changli. Ngi ka Tatiwe namshiq Shiikeawe.

LEWI 20:4

Shatmaq nokwe raq apaiq mra kra shummü mak, kiimaq apaiq ka tiitsailaq tsat baiq mak raüla,

LEWI 21:6

Apaiq ka asii siraa dongdii. Kiimaq apaiq raq imang chong tiibi maimak. Apaiq raq Ngi ma phaqsea-honglu kuqtlo. Kiimaq apaiq ka asii siraa dongdii.

LEWI 7:20

Shatmaq maiq weshi ra juwa asii riimak kriiti riila phaqsiq raüla, apaiq ka Shiikeawe sengi nguta weamak she miraq.

LEWI 7:21

Kiimahali, maiq weshi ra raq, maiq khum wa adong apii chang phan, riimakla apii chang phan ngamse ka ajaq maq sham jai na, ara ngam ka phaq raüla, apaiq ka Shiikeawe sengi nguta weadam mak she miraq.

WEAWEA 19:13

Jurwa maiq maa ka jaq maq shamtlaq raüta akhum ashe pii tiishimak riitlaq, kriiwe ka apii asheli riishatshat miraq. Jamkhano ngukla akhum na phum ram kham maq bat mak dea. Kra ningkhan apaiq raq Tatiwe Tombutiip ka tiishetlo. Krai mren apaiq ka Tatiwe sengi nguta wea dam mak she miraq.

WEAWEA 19:20

Juwa akhum ka apii ashe ma jakitlaq, kiimaq akhum ka tiisii mak maq sitlaq, kriiti ka ashe li miraq. Jamkhano ngukla akhum tiisii chang phumram kham maq akhum na bat mak dea. Apaiq raq Tatiwe Tombutiip ka tiishe baiqto. Kra ningkhan apaiq ka Shiikeawe sengi nguta weadam mak she miraq.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

1 Peter 3:12

Ara jamkhano chongtla ngukla, Shiikeawe raq asengi ka achi ara khong na rüm tlo. Kiimaq apaiq raq tsangshiq achu jaü ka tre tlo. Shatmaq Shiikeawe raq abi kiimungti ka liiro mak.”