LEWI 18:2 - ASII LAKDAP Bible (BSI)

² Israil ma akha chongkuq laq nguta chongto, “Ngi ka Tatiwe namshiq Shiikeawe.

Hawa Naga Bible 2001

² vkhoc Israel miqsaz htenc muex jungc tvkoc nvr tueq, “Ngaz kuex Yehowa nuimshiq Tishox rvtauk.

LEWI 18:2 Referencias Cruzadas

RAPHA HIQWA LAK 17:7

“Ngi raq ümniirai ikiq kham tiikang ka ümniirai kiimaq rawiichii pat achat na ümlai ümla thun rai min pattup pat-sa tongshong ma mitiijaha. Ngi ka üm Shiikeawe she kiimaq ümlai ümla thun Shiikeawe she.

Tvtsvmc 33:12

Ümra mungti Shiikeawe wa Tatiwe, kra mungti ka peohea; apaiq raq apaiq riishe nguta tsea wantaq mungti ma peohea!

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

EJEKIEL 20:5

Ngi raq jamlai wa chongtiikang ara tsangshiq ma chongkuqlaq. Ümtiikiiwa Ngi raq Israilnok ka tsea kang, Ngi raq tsangshiq ma kiqkham raüpot khakuq kang. Ngi raq pumsii maq tsangshiq rai Ejip mung na kilata isham tiichhikuqki kang. Lata tsangshiq ma akha chongkuq kang: Ngi ka namshiq Tatiwe namshiq Shiikeawe.

EJEKIEL 20:7

Ngi raq tsangshiq ma tsangshiq raq lungwii raüta shomnoqtlaq maiqphai asi sumla phra thun ka wiita tiikübaiq ronglaq. Kiimaq Ejip mungti arot akiq sumla phra thun kriimaq tsangshiq khum ka tiisheshi raamak nguta chongkuq kang. Jamkhano ngukla Ngi ka tsangshiq Tatiwe tsangshiq Shiikeawe.

LEWI 11:44

Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.

LEWI 18:1

Tatiwe raq Mosheq ma

LEWI 18:30

Kiimaq Tatiwe raq nguto, “Ngi raq aming thun kuq kang kra lang rong laq. Kra mung na namshiq ma kongkhu na shong wantinok raq jamlai wa klo wantaq kra klo wan maimak. Kiimaq namshiq raq arthun ashe jaqsham thun awa phanshi ra ka sham wan lanta, namkhum ka ashe ma naq tiijabaiq rongkiq. Ngi ka Tatiwe namshiq Shiikeawe.”

LEWI 18:4

Ngi aming thun kra lang rong laq. Kiimaq Ngi raq aming kuq tiikang kra sham ronglaq. Ngi ka Tatiwe namshiq Shiikeawe.

LEWI 19:10

Namshiq spiqro wa aso atiichongki kra naq panki rongkiq she. Riimakla spiqtsi hiq na arokki kra naq riichomki rongkiq she. Kriika miitsan maiqsetiim ma nai wanshawe pong mungti thun miitu mirlaq. Ngi ka Tatiwe namshiq Shiikeawe.

LEWI 19:34

Namshiq maiqmii Israilnok jamkho makliishi maq liitlan kiikhiisii tsangshiq kiimin liironglaq. Kiimaq namshiq maiqmii ka jamkho lungwiitlan kiikhiisii tsangshiq kiimin lungwii ronglaq. Namtsan na tiitsang ronglaq akhing ashi na namshiq kiimin Ejip mung na wanshawe siwan lan. Ngi ka Tatiwe namshiq Shiikeawe.

LEWI 20:23

Kra mung na sitinok maiq mung thun thung nai lai ka naq lang rongkiq. Ngi raq tsangshiq thatsang maiqse phan thun ka wiita jobaiq wan tiikang. Kriika namshiq ka kra mung na tiinyap wan miitu. Tsangshiq raq abi klo wanto. Raüta Ngi ma iphai tiisito.

LEWI 20:7

Nam khum ka asii thüronglaq. Jamkhano ngukla Ngi ka Tatiwe namshiq Shiikeawe.