LEWI 15:2 - ASII LAKDAP Bible (BSI)

² Arka Israilnok miitu. Maiqwe khum wa haibiitsi raq ahupsam maq kham dong raüla kra kham dongtlaq kriika ashe.

Hawa Naga Bible 2001

² Moshe nuiyc Arun muex kuq tueq. Miqwaz ukhaq yuq muinz miqmac hupsvmx maq tvjuiuz dung ruiux yuq, kvkhoc phvnx kuex sawc muq rvtueq.

LEWI 15:2 Referencias Cruzadas

2 SAMUEL 3:29

Kiimaq arkha miitu mo ka Joab nai apaiq jamtitiim ata awii riishetiq miho phaq wan laq! Maiqpat aweatek na tsangta liipan na maiq ka tsukut haibii tsi raq michamchao laq. Riimakla, thupbi thati tsisi raq michamchao laq. Riimak la, tsangta wa maiqwere ka jechakre jaqsham kriili shetiq misham laq. Kiimaq re na mitsailaq. Riimakla, amang alei, songtsi ramtsi riili mitsai laq!”

Tvtsvmc 78:5

Apaiq raq Israilnok ma thungtri raütu kuqto kiimaq aming raütu thun ka Jakob saüsetiim ma kuqto. Apaiq raq natitiim ma apaiq thungtri raütu ka tsangsaü tsangsetiim ma shrinke raa nguta tsii chongkuqto,

LEWI 15:1

Tatiwe raq Mosheq nai Aron ma arthun thungtri ara kuqto.

LEWI 15:3

Kra akhum kiiwa akham ka dongruqli lo riimakla atsaq she riiki raü min apaiq ka ashe.

LEWI 22:4

“Aron saüsetiim phong wa juwa akhum na thabitsi ami atsi asi riimakla akhum wa kham dongtlaq atsi siraüla, asii honglu thun ka akhum ka apii mitiisii shaq wiiwii phaq sea maimak. Ramwebi jurwa jamlai phanli jiimin maiq maa niishe tiithantaq hupsam kra ajaq maq thantaq jiila, riimakla apaiq khum wa akham ka dongtlaq jiila, apaiq ka ashe she miraq.

LEWI 5:3

Kiimahali maiq ashi ra raq sapmak lam maq maiq khum wa adong ashe ashi phan kra ajaq maq than rat raüla, jamlai phan li jiimin, apaiq raq kra tho ka heraüla, apaiq ka ashutwe miishe mijaki.

WEAWEA 5:2

“Israilnok ma aming kuqlaq, namshiq piitiip mong wa maiq thabitsiti, riimakla akhumwa ashe kham dongtlaqti kiimaq maiq loweatek juwa maiq amaa dü na tiithantaqti maiq thun ka piitiip wa kinphai na jobaiq ronglaq.

Matthew 9:20

Maiq nyung ashi ka akhing khing na tiijai dong tsi raq chamchao raitlo. Apaiq ka akha wiiroqshi ri wiinai she chamchaoto. Kra nyung ka Jesuq jai nü maq dongchhaq raüta, Jesuq raq samtlaq samtong jong kaü kiijaq ajaq ma shamsaq shamto.

Mark 5:25

Kiijaq maiqnyung ashi ka wiiroqshi ri wiinai she, tiijai kaitsi raq chamchao raitlo.

Luke 8:43

Kra maiqphong mong na, wiiroqshi ri wiinai she, tiijaidong tsi raq chamchao raiti, jechak nyung ashi min asi riito. Krii nyung raq ajaq na kampho lakshii ümchuwa sitlaq kriika taktot maq ma wiita sumto. Shatmaq, apaiq thatsi kriika jurmin tiihea kuqlot mak riito.

Romans 3:2

O, phanrap na tsangshiq ka sinkhu niidea wawan tlo na! Arka tengto dea na. Apha na Shiikeawe raq, Jehudinok ma apaiq bomtsi kra rümkom wan miitu, arang kuqto.