LEWI 14:3 - ASII LAKDAP Bible (BSI)

³ Raüta ramwe raq apaiq ka piitiip phai na misheaho. Raüta apaiq khum wa ami atsi kra mishri ra lii. Raüta athatsi ka aheakai wishe jiika,

Hawa Naga Bible 2001

³ shomc waz rueq kvruex waz kuex ke-phic nuex tvdung shvlx laq vtueq wisoz lawc rax. Mkhoc shoc maq vshungx vshoyx hvlx kaz ruiux yuq,

LEWI 14:3 Referencias Cruzadas

2 HOKHVMX 5:14

Krai mren, Naaman ka Jordan rai na kihoto. Raüta Elisha raq apaiq ma chongkuqtaq kra phan phan khamchum mong na tiitsam hihi jang miishe tiitsamto. Kiimaq athatsi ka klang miitaq tiitsiirai heakito. Apaiq khum wa ahan ngam ka phintsaq tsaq heashe, tsindang dang heashe, nonose han ikhiishe nyeajok jok hea heakito.

2 HOKHVMX 5:3

Ranaiqshi kriise raq atijong nyung ma nguto, “Ngi lai itijongwe ka Samaria na siti shammiwe phana kilap raüjaq ahea riichang nguta tiimatiikang! Shammiwe raq apaiq thatsi ka mitiihea kuq wa.”

YOBA 5:18

Shiikeawe raq apaiq raq atiimi ka ajop riikuq tlo; ajaq miili ümkhum na tiimi tsi tlo, kiimaq ajaq miili ümmitsi ka mitiihea kuq nong.

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

LEWI 13:2

Riita maiq ashi ra khum na rakhütsiri na ami shiiroro achhang siraüla, riimakla atsam siraüla, riimakla, ami ka rampun mitsi ikha siraüla, apaiq ka Aron phan ramwe phana shea wan chang.

LEWI 13:46

Apaiq khum na kra thabi tsi ka sishat wiiwii, apaiq ka ashe miraq. Kiimaq apaiq ka nokwe piitiip maq chiiphai na, alu na sichang.

LEWI 14:48

Kiimaq ümtiikiiwa ramwe ka jam kra shri ra liiwa watlaq, kiitiikaq apaiq raq jam ka boq anye maq lojai thathaü ka longmak she jiila, apaiq raq kra jam ka asii she apii chang ahü she nguta bom ka mitoqtan. Jamkhano ngukla thathaü ka tiisiirai alambaiq kun she.

Matthew 10:8

Lanta, atsiti thun ka chhintsii kuq wan rong laq; kiimaq atsai arkiti thun ka ama wa tiijang kuq wan ronglaq. Thupbi thati ashong ashai tsisiti thun kra tiihea kuq rong laq. Kiimaq tsak amii tha thun kra jobaiq ronglaq. Namshiq raq ara ningkun ara phe maq alap han, krai mren namshiq riimin nanok ma phe maq jaq ka shamkuqki rongkiq.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Luke 4:27

Kiimahali, shammi we Elisha pat niimin, Israilnok mung na, thabi tsisiti chamchao maiqse ka pahea asi riito. Shatmaq, tsangshiq phong wa, juwe thatsi min tiihea kuq mak dea riito. Shatmaq, Siria mungti Naaman thatsi kli tiihea kuqto.”

Luke 7:22

Kiijiishe, apaiq raq Johan tsasoqtiwe nai kiima bom ka akha chongkuq raütiishe tiiwato, “Namnai ka Johan phana jang wan nong ronglaq. Lanta, namnai mak maq jamlai phan jaqsham kaiwa wa chhitai lan kra thun ka, apaiq ma chong wan ronglaq: makchukti riimin chhi nong tlo she; hokküti kiimin akhum she riinong tlo; thabi tsi chamchao rai tliiti thun kiimin wiita tiisii hekuq wan tlo she; ni biiti riimin maiq bom tai tlo she; maiq ka amaa wiimin tiijang wan nongtlo she; kiimaq Tsütsa Ahea kra miitsan maiqse ma chongkuq wantlo.