LEWI 11:8 - ASII LAKDAP Bible (BSI)

⁸ Arthun nyamse ngam ka naq phaq rongkiq. Aphaq ka jawa michong. Atsai arki amaa chhi han jiimin jaq maq sham kai maimak. Arthun arka ashe.

Hawa Naga Bible 2001

⁸ Nuimshiq rueq kvruex phvnx nyvmx saz htenc ngvmx kuex phuiuz mvy muq, vmaungx muinz shuimc mvy muq; kvruex kuex sawc muq phvnx rvtueq.

LEWI 11:8 Referencias Cruzadas

ISAIA 52:11

Bebilon mung baiqthü miitu khekham sironglaq, namshiq wiita Shomjam hupsam pitibi raq! Apii chang phan hupsam riiqkhiq jaq maq naqsham rongkiq; namkhum ka asii maq thüronglaq. Lantea kra mung wa laü wan tlo ronglaq.

Hosea 9:3

Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.

LEWI 11:7

Waq ka naq phaq rongkiq. Arthun ka ashe nguta tiima ratlo. Tsangshiq hoksan ka atiikho asi. Shatmaq atsam ka awok mong wa bliiq raüta sho phaq mak.

LEWI 11:9

Namshiq raq arakong asi phan nai asak asi phan ngiq thun ka asea mimai.

LEWI 5:2

Kiimaq maiq ashi ra raq hemak lam maq apii ashe phan kra ajaq maq than sham rat raüla, bom shiiton atsai arki ngam maa ngu i, kra ngu raüla apaiq ka ashe miishe mijaki. Kiimaq apaiq raq kra thoheri li she apaiq ka ashutwe miishe mijaki.

Matthew 15:11

Maiqse raq anü mong na jamlai wa thii wan tlaq kra riika, apaiq ka Shiikeawe man na ashe miika tiija mak. Shatmaq, apaiq raq anübok maq jamlai phan bomtsi wa bom tlaq, kriiraq apaiq ka Shiikeawe man na ashe ma tiija tlo.”

Matthew 15:20

Arthun ara raq kata maiqse ka Shiikeawe man na ashe ma tiija tlaq. Shatmaq tsangshiq raq namshiq nangnga jaq ka thungtri riikhaqli maq hetse wan lili raüta tü, adung ka phaqsiq wan lili riichang nguta chongtlaq kra riika, maiqse ka Shiikeawe man na ashe ma tiija mak.”

Mark 7:15

Maiqse raq tri riikhaqli maq, jaq hehü miili, lairap phaqsiq tlaq, kra riika maiqse tsantsii ka tiishe mak. Shatmaq, maiqse tsan mong na ashe ashi tiima rüm tlaq, kra raq tiina, maiqse tsantsii tiishe tlaq kra.

Mark 7:18

Kiijiishe Jesuq raq tsangshiq ma, “Namtsam armin, mungmaiqse thaq na setsii ka riiman nya? Namtsam riimin tak man sha? Maiqse khum ka anü maq thii tlaq kra riika, tiishe shi mak.

Mark 7:2

Tsangshiq raq Jesuq jaqshisetiim phong wa, wiijamti raq tsangshiq jaq ka thungtri na chongtlaq kra phanphan hehü, jaq ka apii, ashe miili tsangshiq tü adung ka phaqsea kra chhito. Tsangshiq jaq ashe ngutlaq kriika, Phorisinok raq thungtri chongkuq tlaq kra tiiphan phan hemak nguta ngo nangnga ngutlo.

Acts 10:28

Kiijiishe, Petar raq tsangshiq ma akhiishe chongkuq phahoto, “Jehudinok thungtri na Jehudi phan maiqse raq, Pongnok phan maiqse rai jam riidükai maimak kiimaq wa riinyiim min maimak, apii riiqkhiq nguta chongtlo. Arka namshiq tarü raq aheawiq asap han siisaq. Shatmaq, maiqse ngusaq wiika, jumin ashe ashi phan nai tsangshiq rai wa ka adam na nyiim maimak nguta naq tseatsiiqkiq nguta, ngi ma Shiikeawe raq tiichhikuqto.

Acts 15:29

Sumla phra noq ma akuq aphaq asea chang phan ka naq phaq siq rongkiq she. Kiimaq, ngam tiijai kiimin naq phaq siq rongkiq she. Kiimaq abuq na atiishak, tiijai tiidong baiqhü maq atsat ngam ka naq phaq siq rongkiq she. Kiimaq sethoq sepii ngarai naq tang rongkiq she. Arthun ara namshiq raq pen wan han jiika, namshiq ma ahea miraq. Naishiq raq namshiq miitu phumram khamkok toshat.”

Romans 14:21

Riita, akha raki tlaq arkha maq, namkongti we kra, ngarai na dea mak chang miitu, namshiq raq ngam ka naqphaq siq rongkiq li na. Che-atsam kiimin naq nyang wan rongkiq li na. Kiimaq jamlai phan sham raü jiiwa, namphuno we ka ngarai na chhan kai chang asi, kriika naq phaqsiq rongkiq na.

1 Corinthians 8:8

Riita nawokpo na jamlai wa thii tiikai, tü adung riika nashiq nai Shiikeawe liipan na kamasham lam na jamlai liip dong chang min ahü. Nashiq raq akhnok ngam ka phaqsiq mai ngu raü min, jamlai sumchang min ahü. Kiimaq kra phaqsiq laita jamlai amet dong rai chang min riimak.

2 Corinthians 6:17

Kiimaq ara chongtlaq arai mren, TATIWE raq akha asengi ma chongtlo, “Namshiq raq thatsang maiqse ka baiqthü raa dongdii; Lanta, namshiq ka pong na trai lanta sirong laq; Ashe ashi rai kongshi ka naqsi rongkiq. Namshiq ka trai lanta asii maq sihan jiila, ngi raq namshiq ka I wokhong na mitiisiha.

Ephesians 5:11

Nanok raq amiinu ahü, ranyaq jaqsham thun jamlai wa sham tlaq, kriika alii min naqlii ki dam rongkiq. Kra rii na, ranyaq jaqsham thun kriika, rawü li na khot lanta, tiichhikuq ronglaq.

Ephesians 5:7

Ara chongtiikang arkha maq, ümchaü sanha, namshiq ka akhnok maiqse rai, kongshi hai nga ka raa mak she.

Colossians 2:16

Ara chongtiikang Khristo raq thawe kharü ka adii baiq kun she kha maq, ümchaü sanha, maiq raq namshiq ma arphan arka aphaq asea mimai, arphan arka aphaq asea maimak, apii chang nguta tri raü arun baiq wishe kra thongshiri hali, namshiq ma khakuq tlaq kriika, naq tiikha nong rongkiq. Rahiq jipi kiimin, arka jihea ranaiq, arka jibi ranaiq nguho. Kiimaq Jinye Dong Poi ka alang chang nguho. Asii Niitiitsak ranaiq ka alang chang maa nguho.

Hebrews 9:10

Arthun honglu kuq tlaq arka, aphaq asea chang phan, raipo wonglo, anyang chang phan phaq asea, kiimaq alam alam na seng raüta khuliiq tsaichhin wan, mrochhi phaq wan chang sitlaq thun kra nangnga li chongtlo. Arthun arka rakhü-tsiri na lang wan chang thungtri li. Arthun arka Shiikeawe raq maiqse rilung lamphan lamjong anye kra mitan kuq shaq pat na lang chang li.