LEWI 10:1 - ASII LAKDAP Bible (BSI)

¹ Aron senai Nadab nai Abihu, tsangnai raq maiqmii jaq na wa pinkhü doraq chhaq riito. Raüta kiijaq wachan wiiwa ka thüto. Raüta kiijaq homseng honglu kra thiito. Raüta kra Tatiwe ma kuqto. Shatmaq ara wa arka asii riimak. Jamkhano ngukla Tatiwe raq tsangnai ma kiikha kuq ronglaq nguta aming kuqmak dea.

Hawa Naga Bible 2001

¹ Arun sanueyc Nadab nuiyc Abihu kuex miqmac nuex seng yaq wvr panx kuex lvmz vtueq, wvr kuinx htawc ruiux vhomc vtumc phvnx wuinc vtueq Yehowa muex yauk noalc kuq tueq. Yuq muinz kvruex wvr kuex sawc muq, yvmx khoc lac ngoz ruiux lec kvkhoc yauk noalc kuy tvkoc Yehowa rueq nvr muq.

LEWI 10:1 Referencias Cruzadas

1 HOKHVMX 18:38

Krai mren Tatiwe raq klang miitaq walütu ka ra wa tiisatto. Raüta kra honglu ngam thun ka wiita khiimphaqto, pe phong thun kra, kiimaq longkaü thun kriimin wiita khüm phaqto. Kiimaq hiq kriimin wiita shinriiq khiimphaqto. Kiimaq berong-wacha tro na nala wa kham kriimin wiita shinriiq trü baiqto.

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

DUNGWVNC 24:1

Tatiwe raq Mosheq ma nguto, “Pum na dü wan lanta Ngi phana wa rongra. Ümnaq rai Aron, Nadab, Abihu, kiimaq Israilnok welabi roq miishi kra shea wan laüta wara. Kiimaq namshiq ka phanshi alu lin miili hiq na bum lanta Ngi ka shomnoq ronglaq.

DUNGWVNC 24:9

Kiimaq Mosheq, Aron, Nadab, Abihu, kiimaq Israilnok welabi roqmiishi ka pum kiina wa wanto.

DUNGWVNC 27:3

Kiimaq wabun akhap arapwiq thun kra thiichang winpin thun kra hailaq kiimaq atsoq baiq chang belcha thun, nüchhong winpin thun, khaiq thun, kiimaq wapin thun kra tiihonglaq. Arthun hupsam arka miiki maq klochang.

DUNGWVNC 28:1

Tatiwe raq Mosheq ma nguto, “Ümphu Aron nai asetiim Nadab, Abihu, Eleajar, kiimaq Ithamar thun ka tiihea kikiq. Laüta tsangshiq ka Israilnok phong wa pong na tsea laüta thülaq. Raüta tsangshiq ka ramwebi ma ja raüta Ngi mishkumpanlaq.

DUNGWVNC 31:11

ramram chang tel kra, kiimaq ahomwiq-homseng honglu Asii Khok na kechang thun kra klo miitu ningkun kuq kang she. Tsangshiq raq arthun hupsam klotlaq akhing na Ngi raq ümniima aming kuq kang kra phan phan klo ratlo.”

DUNGWVNC 37:29

Kiimaq apaiq raq asii ramram chang tel kra kiimaq ahomwiq-homseng honglu kra khum na nyat chang homseng riishottlaq ikha kloto.

DUNGWVNC 38:3

Kiimaq apaiq raq berong-wacha krai lang chang hupsam thun kriimin kloto. Kriithun ka arthun ara: winpin thun, belcha thun, nüchhong winpin thun, khaiq thun, kiimaq wa tso chang winpin thun kra kloto. Arthun hupsam ka miiki maq siisaq kloto.

DUNGWVNC 40:27

Raütiishe ahomwiq-homseng honglu kra Tatiwe raq aming kuqtaq kra phan phan wa na chaqto.

DUNGWVNC 6:23

Aron raq Elisheba lamto. Apaiq ka Amminadab se kiimaq Nashon ma ano ashea nyung. Kriinyung raq apaiq ma asetiim ka Nadab, Abihu, Eleajar, kiimaq Ithamar humkuqto.

DUNGWVNC 8:27

Naishiq ka ranaiq tsam lam loq na kumtsaiphii rumnyangkhi wang kiina kaiho chang ratlo. Laitiitiq Tatiwe naishiq Shiikeawe raq naishiq ma aming kuqtaq kra phan phan honglu ka takekai chang dongdii rakito.”

JEREMIA 19:5

Kiimaq tsangshiq raq Baal phra ma honglu take miitu berong-wacha pahea haito. Raüta tsangsetiim ka honglu na takuqto. Arka ngi raq tsangshiq ma akha klo ronglaq nguta aming min kuq mang riishatmaq klo wanto. Arka ikhutsai na min ahü dongmak dongdii.

JEREMIA 32:35

Tsangshiq raq Hinnom Thung Tan na Baal phra shomnoq chang honglu wacha thun haito. Kriika tsangsetiim maiqwe sere nai jechak sere ka honglu na Molekh phra kaü ma take wan ma haito. Ngi raq tsangshiq ma arthun ara klo wan miitu aming ka kuq mang dea. Tsangshiq raq arthun ara miklo wan raüta, Juda mungti ka ngarai na mitiidea wan ngutiika ikhutsai na akhiismin ahü dongdii riito.”

JEREMIA 44:15

Kra tai raütiishe maiqwere jurwa tsangnyungre raq laihin phra thun ma honglu takuq wantlo nguta asap, kiimaq jechakre ümchuwa kiijaq chap raq raq raüta ibom chong kra taiti raq, kiimaq Ejip mung shemai nü mung na siti Israilnok thun kriiraq, mungmaiqse kong ka pahea thungtlaq kriiraq ngi ma akha nguto,

JEREMIA 44:8

Namshiq raq ara Ejip mung na silanta sumla phra thun kra shomnoq wan lanta kiimaq laihin phra kong ma honglu takuq wan lanta, itsankhiq ka jamlai nguto shaütlan? Namshiq raq arthun ashut klo wan tlan ara, namshiq maiqmii rilung kra tiithenbaiq wan miitu klo tlan riimak sha? Krai mren mangjong hiq na maiq mung ümchuwa sitlaq kriiraq namshiq ka thophi riiqphi raüta mishummii wan, kiimaq namshiq mang ka chong raüta maiq ma mansonke bomtsi ma mitiija wan riimak sha?

JEREMIA 7:31

Tsangshiq raq Hinnom thung na Topheth nguta berong-wacha ashi tei wanto. Kriika kiijaq tsangsetiim raq maiqwe sere nai jechaksere ka honglu na takuq wan raüta wa na chaq miitu shongto. Ngi raq tsangshiq ma akha thatsang wan ronglaq nguta chongkuq mangdea. Arka i khutsai niimin tiido wan mak dongdii.

LEWI 16:1

Aron se nai ka tsangnai raq Tatiwe ma ashe honglu wa kewan kha na Tatiwe raq tsat baiqto. Kra jai maq Tatiwe raq Mosheq ma akha chongto.

LEWI 16:12

apaiq raq wa-tso chang winpin na wachan anyai alai kra berong-wacha kiiwa mitso. Kiimaq homseng honglu win ka jaqkhon maq jaqkhonnai kra milam. Raüta kriithun ka Asii Pinthum Khok kiijaq milam wan.

LEWI 22:9

“Ramwebi tarü raq Ngi raq akuqha thungtri raütu thun kra lang ratlo. Riimakla tsangshiq ka ashut ma mijaki. Raüta atsai miraq. Jamkhano ngukla tsangshiq raq asii thungtri raütu ka langmak jinto. Ngi ka Tatiwe. Kiimaq Ngi raq tsangshiq ka asii tiija tiikang.

LEWI 9:24

Tiihanghiiq miili Tatiwe raq wa tiisatto. Raüta chaqtlii-honglu akuq ngam kra nai ngampü akuq berong-wacha wiika wiita khiimbaiqto. Mungmaiqse raq kra chhi raüta, tsangshiq tarü gitrangto. Kiimaq tsangshiq tarü hiq na bumtlii kurang raüta shrengto.

WEAWEA 16:46

Kiimaq Mosheq raq Aron ma nguto, “Üm wapin ka ümjaq na shamtlolaq. Laüta berong-wacha kiiwa wachan wiiwatam maq kiijaq tso laüta thiilaq. Laüta homseng honglu wiijam ka wapin na thiilaq. Laüta kra ümjaq na doshat maq jaqlo thit thit mungmaiqse khum kra tiisii wan mro ka chhikuq tlolaq. Kotsi jaqlo! Tatiwe tsankhiq walü ka anyai wan kun she. Thabi tsi ka adong wan kun she.”

WEAWEA 26:61

Nadab nai Abihu ka tsangnai raq Tatiwe ma ashe honglu wa kuq raüta tsaito.

WEAWEA 4:18

“Kohath weraü phan wa maiq ka

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.

TRI CHONGKE 17:3

laihin phra thun kra shomnoq raüta jinto, riimakla rashe kaü, riimakla jipi kaü kra noqpi raüta riimakla, raiqsaiqthun kra Tatiwe aming jin raüta shomnoqto nguta tsütsa ka mitaihan.

TRI CHONGKE 4:2

Ngi raq namshiq ma jamlai aming wa kuqtiikang arthaq na namshiq raq ahin naq tiitsuq rongkiq. Kiimaq arthun aming arwa poshi ra min naq lam baiq rongkiq. Ngi raq namshiq ma Tatiwe namshiq Shiikeawe aming thun kuqkang kra lang ronglaq.

Hebrews 9:4

Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.