Jona 2:9 - ASII LAKDAP Bible (BSI)

⁹ Shatmaq ngi riika ümnaq tiitsam kam wan, shinge kli mishinge ha. Ümniima honglu kli mikuq ha. Lata ngi raq kongphiq kha kang kra, ümniima mikuq wan ha. Tiichhii wantiwe ka Tati ümniili!”

Hawa Naga Bible 2001

⁹ Yuq muinz ngaz kuex mnoz muex shix ngoyx tvtsvmc shaungx; ngaz rueq mnoz muex shomc nawk kuy shomc kuq vtueq, ngaz rueq bomkhvmc taq tauk rulc rv-ngvlc shuimx shaungx. Palc daungc wvnc lvmz kuex Yehowa kox wawc vkaz rvtueq!” ngoz tueq thoz tueq.

Jona 2:9 Referencias Cruzadas

RAPHA HIQWA LAK 35:3

Nashiq ka armaq alaü she mirho rong i. Laita Bethel hiq niishe mikiho rong i. Kiijaq ngi raq ngi khrum keti Shiikeawe, ngi ma litkot chamchao ranaiq khrum ketiwe kiimaq ngi ümriiba niiwa khum wan kang kiijaq ngi rai nong nong maq siwantiwe ma berong-wacha ashi mihaiha.”

2 SAMUEL 15:7

Wiiblai jai miishe Absalom raq Hokhamwe ma akha nguto, “Tuwe lei, ngi ka Hebron chela na kipha. Lata ngi raq Tatiwe ma kongphiq akhakuqha kra diibaiq ki pha.

YOBA 22:27

Ümtiikiiwa ümniiraq achu mijaü haü, apaiq raq ümniima mitre kuq, kiimaq ümniiraq ümkiq kham kongphiq thun kra apaiq ma midii kuq haü.

Tvtsvmc 107:22

Tsangshiq raq apaiq ma honglu takuq raüta kechutum ratlo, raüta apaiq raq ümtinkhan wa jaqshamtaq kra ashi lam maq chong raüta shinge ratlo.

Tvtsvmc 27:1

Tatiwe ka ngi ma rawü li, kiimaq ngi tiichhiiti; ngi ka jumiimin hai mang. Tatiwe raq ngi ka ahaisong chang tlotli wa tiiwongtlo; Ngi ka ümtiikiimin haimang.

Tvtsvmc 3:8

Rekhat ka Tatiwe raq tiitang kuqtlo, apaiq riitiq asenginok ka mishman kuqlaq.

Tvtsvmc 50:14

Shiikeawe miika kechutum honglu kra kuqlaq, kiimaq Ajong Shiikeawe ma jamlai mikuqha ngutiiwa kiq khamlaü kra kuqlaq.

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

Tvtsvmc 68:20

Nashiq Shiikeawe ka nashiq chhiiti Shiikeawe; apaiq kata Tatiwe nashiq Tatiwe, apaiq raq nashiq ka atsai wa tiichhiitlo.

Tvtsvmc 95:2

Nashiq apaiq khaki na warong i kechutum wa laita chojong chise maq tiitsamkam shinge rong i.

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

John 4:22

Namshiq Samaria phan riika, riikhaqli maq juwa shomnoq tlan kriika sap man. Shatmaq, naishiq Jehudinok phan riika juwa shomnoq tiikai kriika asap hai. Ara jamkhano chongtiikang ngukla, Shiikeawe raq maiqse ka jamkho tiichhii tlaq, kra lam phan chongketi ka, naishiq Jehudinok phan lümaq chongkuqtlo.

Acts 4:12

Maiqse chhiiti ka apaiq kli. Ra raq aham mangjong hiq raikhü na, Shiikeawe raq apaiq kli nashiq chhii wanti we nguta tiikito. Apaiq tlea raüta, ahin ka jumin ahü she.”

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

TRI CHONGKE 23:18

Kiimahali, akha mephe jaq sham raüta alap kampho ka Tatiwe üm Shiikeawe jam na sinkiitiq kiqkham honglu na kewan maimak. Tatiwe raq sumla phra shomjam na mephe jaqshamti ka kai saisitlo.

Hebrews 13:15

Krai mren, ümchaü sanha nashiq raq wranaiqshe, Shiikeawe kli she shomra laita, si rong i. Nashiq raq Shiikeawe ka, Jesuq mang na shomra wan tiikai arka, nashiq raq Shiikeawe ma honglu kewan. Nashiq raq apaiq kiidea Tatiwe nguta shomnoq tiikai arka honglu kewan ashi.

Revelation 7:10

Raüta, tsangshiq ka tiihong raüta akha rü trangto taikang: “Hokham ngacho na ngati, nashiq Shiikeawe nai Skuse raq, rekhat tangto she!”

1 SAMUEL 12:21

Namshiq raq arot phra thun jai ka naq phan rongkiq. Tsangshiq raq namshiq ka khrum kuq lot mak. Kiimaq tiichhii kuq lot mak. Jamkhano ngukla tsangshiq ka riikhaqli Shiikea riimak.