Jona 2:2 - ASII LAKDAP Bible (BSI)

² “Ngi chamchao tiikang akhing na, O, Tatiwe lei, achu jaü wan kang. Kiimaq ümniiraq, ngi achu jaü tre kuq laü. Ngi raq wulum mung maq, ümjaq wa achu jaü kang. Ümniiraq ngi achu jaü tre kuq laü. Kiimaq khrum kuq laü.

Hawa Naga Bible 2001

² “O Yehowa lex, ngaz vgvrx rvhumc vtaungx ningkhvnc nuex mnoz gvl vphaungx, mnoz rueq tvralc koq. Wulumx mungx maq ngaz muex romc kuy tvkoc, guyc sez phaungx tueq, mnoz rueq ngvy guyc tay toq.

Jona 2:2 Referencias Cruzadas

2 KAÜWA WERAÜ 33:12

Achamchaotsi miishe apaiq tsantsii ka anin she riito. Raüta amiira ka tiiduto kiimaq Tatiwe apaiq Shiikeawe wokhong na nyap nongto. Kiimaq apaiq jaq wa khrum kuqlaq nguta achu jaüto.

Tvtsvmc 116:3

Ngi ka lumkükiq na adea wan wishe riikang; atsai wan haisi raq ngi ka akomwishe riito; ngi ka tsaihü jihü chapa raq atsai riikang.

Tvtsvmc 120:1

Ngi chamchao rai tiikang na, ngi raq Tati jaq wa achu jaükang, krai mren apaiq raq ngi achujaü treto.

Tvtsvmc 16:10

Jamkhano ngukla ümniiraq ngi ka atsai ningkun jaqkhon mong wa tiichhii kuq laü, Ngi raq ümniika tsapkap shiikumpan wan kang, krai mren ümniiraq ngi ka wulum mung na tiiki baiqmaü mirhaü.

Tvtsvmc 22:24

Apaiq raq miitsan maiqse tiishaüji mak kiimaq tsangshiq chamchao ka shipoq mak; apaiq ka tsangshiq pha wa ahin nü na müwan mak, shatmaq ümtiikiiwa tsangshiq raq khrum jaüjiiq kra trekuqtlo.”

Tvtsvmc 34:6

Ümkoq ümphaqti raq apaiq mang chongtlo, kiimaq apaiq raq tsangshiq bom tretlo; apaiq raq tsangshiq ka chamchao litkot wiita wa tiichhii kuqtlo.

Tvtsvmc 4:1

Ümtiikiiwa ngi raq achu jaü tiikang trelaq, O Shiikeawe lei, ngi tiikhup wongti! Ümtiikiiwa ngi chamchao kang, ümniiraq ngi khrum kuq laü. Ümchaü min ngi mangchan laq, laüta ngi achujaü trelaq.

Tvtsvmc 61:2

Ümkha ijasiq jam maq luhea na kriikha na ngi raq ümnaq heatiikang! Ngi ka atiiwong chang na shea wan laq.

Tvtsvmc 65:2

jamkhano ngukla ümniiraq naishiq achujaü trelaü. Mangjong maiqse barapse ümjichong na miwa

Tvtsvmc 86:13

Tiipitmaüphan ngi lungwiitlaü ka pinthum jonghea! Ümniiraq ngi ka maakho bok wa chhiilaü.

ISAIA 14:9

“Wulum mungti ka ümchaü Bebilon mung hokhamwe saühotlaq kra tao miitu khekham maq sitlo. Mangjong hiq na siji na ajong alabi thun majikong wulum mung ka wiita tiishai baiq wanto. Kra hokhambi majikong ka tsangshiq maiqmii hokham ngacho thun wa tiido rang she shai wanto.

AJONJÜ 3:55

“Tatiwe lei Kho mong maq, ümmang hea lata hoqkang.

EJEKIEL 26:20

Ngi raq ümniika richü pat niiphü wulum mung na sitinok pha niishe mitiikiha. Lata Ngi raq ümniika hiq mong nyang na pattup pat-sa miitu then wantaq kra mung na maiq atsai arkiti rai she mitiisiha. Krai mren, ümchela na maiq ka ümtiikiimin simak she miraq. Kiimaq ümniika atra siti mung na mang ahüshe miraq.

EJEKIEL 31:14

Riita arningkhan, ümchaü armiiphat sanha, pechong ka chongshi ra min, kham maq ümtinkhan li nyuk raü jiimin, kra chong jongtaq kiikhiika, diiluhea jongmak she, riimakla achong mun ka ra na phumda tleali jong mak she miraq. Kiimaq atinkhan diiluhea ka jongmak she miraq. Tsangshiq wiita atsaikaiti siisaq, maiqse tsaiki tlaq ikha, wulum mung na kaihodamti kong siisaq.”

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Luke 11:10

Ara jamkhano chongtiikang ngukla, jurwa jaütlaq, kra raq milap. Kiimaq jurwa rit tlaq; kriiti raq mihum. Kiimaq kilü na jurwa buk tlaq; kriiti ma kilü ka midi kuq.

Luke 22:44

Krai mren, atsan na tsihea maq hali, apaiq raq achu ka jaü nongto. Apaiq achu jaü na riilong wantaq kriikha maq, apaiq khum na ralam sa wa ka, tiijai da ikha hiq na sato.

Acts 2:27

Shiikeawe ümniiraq ngi ka wulum mung na tiinam baiq maü. Ümjaqshise maiqshaq ashi ka, maakho niili ka triim baiq maü.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.

1 SAMUEL 1:16

Ngi ka thiihü nyung ngutiika naq tiimakiq. Ngi ka ümkha ijasiq kha maq akha achu jaütiikang.”

1 SAMUEL 30:6

Dawit miika pinthum chamchao chapa jonghea akhing ashi riito. Jamkhano ngukla asengibi thun ka tsangchak tsangsetiim re raq tsuq wan kiita, tsangshiq tsankhiq bisi tsi miishe, Dawit apaiq kriimin long maq tiiq raüta tseabaiq wan ngutiishe tankhanto. Shatmaq Dawit Tatiwe, apaiq Shiikeawe raq, Dawit ma ningkun shoqkuqto.