Jona 1:9 - ASII LAKDAP Bible (BSI)

⁹ Kiijiishe, “Ngi ka Jehudinok phan. Ngi ka ra nai hiq kiimaq sammoktra jü tiiq wanti Tati Shiikeawe shomnoqti,” nguta Jona raq treto.

Hawa Naga Bible 2001

⁹ Yona rueq, “Ngaz kuex Hebre phvnx rvtauk. Ngaz kuex ghaq nuiyc svmuktvrax kuex tvdungc sungc jix Yehowa raungmungx Tishox muex nawk palx jix waz rvtauk,” ngoz tueq jungx tueq.

Jona 1:9 Referencias Cruzadas

RAPHA HIQWA LAK 1:10

Apaiq raq hiq ka “Hiq” nguta mangto. Kiimaq kham adam na riichomtaq kriika apaiq raq, “khamjong” nguta mangto. Kiimaq Shiikeawe raq kra chhi raüta khoqriiqkhiq riito.

RAPHA HIQWA LAK 14:13

Shatmaq maiq weshi ka lun raüta juto. Raüta ara tsütsa ka Hibru phan Abram ma chong wato. Abram ka kiitiikaq maiq weshi Amoraiq phan amang nin Mamre kriiwe asii pero hiq tho na sito. Kiimaq Mamre nai ano wenai Eshkol nai Aner ka Abram rai pongti kongshiti riito.

RAPHA HIQWA LAK 24:7

Jamkhano ngukla, Tatiwe, ramungtan Shiikeawe raq, ngi ka iwe jam wa kiimaq ita iwii sichang hiqshong wa, ana sheahoto. Kiimaq apaiq raq ngi ma sinkham raüta armung arka isaü isetiim ma mikuqha nguta kiqkham raüpot shatkuqto. Apaiq raq arase ka ümkhaki na sinkhu na mitiiwa. Kiimaq ümniiraq ise miitu kra mung wa achak ka mihum hohaü.

RAPHA HIQWA LAK 39:14

apaiq raq ajam na jaqshamti jaqshisetiim thun ka heato. Raüta akha nguto, “Liirong laq ara! Ara Hibrunokse, ijamtiwe raq arjaq jaqsham ma asheaho se raq nashiq ka shummiitlo. Apaiq ka itap na nyap wato. Raüta ngi ka haihiila nguta danto. Shatmaq ngi raq tiihong lata siiho kang.

2 HOKHVMX 17:25

Tsangshiq ka kiijaq shongpha wanji na tsangshiq raq Tatiwe ka shomnoq mak riito. Kra ningkhan apaiq raq hangsikong tiiwato. Raüta tsangshiqnok wa maiq wiijamti kaq baiqto.

2 HOKHVMX 17:28

Krai mren Israilnok phong wa ramwe weshi Samaria wang wa munglu shumwi ma atsuq wandam ka kiina tiijangki nongto. Raüta apaiq ka Bethel chela na sikito. Raüta apaiq raq mungmaiqse ma Tatiwe ka jamkha shomnoq chang wa kra shrin kuqto.

EJRA 1:2

“Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.

EJRA 5:11

“Kra waiso wan kaita tsangshiq raq naishiq ma, ‘Naishiq ka ratsan ramong nyang na siti Shiikeawe ra nai hiq rümtiwe sengi. Kiimaq naishiq raq ara Shomjam tiihea hai wan tiikai. Ara Shomjam arka man na pat na Israilnok hokham ajongwe ashi siwantaq kriiwe pat na ahai wan. Raüta thepthep tiihongtha tiimiikhiiq wan raüta thü wanto.

NEHEMIA 1:4

Ngi ka ara tsütsa tai lata ngaki kang. Latiishe hoqsiq kang. Ngi ka ranaiq naitsam dung min siq mang maq, makphai trok lata hoq wan kang. Lata Shiikeawe jaq wa akha achu jaü wan kang.

NEHEMIA 2:4

Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

NEHEMIA 9:6

Kra jai maq Israilnok raq mra tiidii akha achu jaüto: “Tatiwe lei, ümniili kata Tatiwe. Ümniiraq ramungtan thun tiiq laü, ra na raiqsaiq diimtlaq kra tiiq laü. Ümniiraq mangjong hiq nai sammok tra jü kra tiiq laü; kiimaq kiijaq siti wiita tiiq laü. Ümniiraq tsangshiq tarü ma tsitsü thiikuq laü. Ramungtan na siti ningkun rümti wiita raq, ümniili noqtlo.

YOBA 1:9

Kiijiishe Soitan raq treto, “Job raq ümnaq shomnoq raüta jamlai amet min lap mak raü ka mishomnoq shea?

Tvtsvmc 136:26

Ramungtan rümti Shiikeawe ma kechutum ronglaq; apaiq lungwii ka pattup pat-sa.

DUNGWVNC 1:15

Kiijiishe Ejip mung hokhamwe raq Hibrunok nyungre no wüchhi na achhü kamketi nyungnai Shiphra nai Pua ma akha chongto.

DUNGWVNC 2:13

Kriimaq napjai ranaiq she hali apaiq ka jangkinongto. Kiimaq Hibru wenai ka tatso riibuk sea chhito. Apaiq raq juwa ashut we kriima, “Ümniiraq maiqmii Hibrunok phan ka jam nguto tsat tlaü?” nguta tiiwinto.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

Acts 27:23

Ara jamkhano chongtiikang ngukla, ümwa rawa ngi raq shomnoq tiikang Shiikeawe rase ashi ka ngi phana kito. Kiimaq ngi ma bom ka akha chongkuqto,

Philippians 3:5

Ngi ka rawüchhi jai maq chepat shi ngo niili, i tho ka hanto. Ngi arka, i nyung pukdong Hibrunok phan dongdii. I weraü mang ka Benjamin weraü. Ngi ka chiisan Jehudinok lai. Thungtri lang wan lam na akaü ashi, Phorisi phan wa.

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”

Revelation 16:11

Kiimaq tsangshiq raq tsangshiq thatsi nai tsangmi tsi ma ramungtan na siti, Shiikeawe ka riikhiq miishe son wanto. Shatmaq, tsangshiq ngarai lamphan wiika jang wan mak dea.