John 9:7 - ASII LAKDAP Bible (BSI)

⁷ Kra raütiishe, apaiq raq, “Kilaq, Silom Thamchum na ümthea ka maikikiq,” ngutiishe makchuk we ka thaüto. (Silom liichum ka “tiikito” nguta ngo riito). Krai mren, makchuk we ka thamchum kiina kihoto. Raüta athea ka maito. Kiimaq amak ka heakisaq li she heakito. Raüta apaiq ka maiqhea tingsang she ajam na jang wanto.

Hawa Naga Bible 2001

⁷ “Kaz kuiux, Siloam yuix Jumx nuex hoal kaz kuiuz,” ngoz tueq jungx kuq tueq. (Siloam ngoc vlvmz kuex “Tvkay” ngoc rvtueq,) piq kaz vtueq hoal kaz koq tueq vmuik kuex kalc wvnc ruiux yek waung tueq.

Muklom

⁷ etho piq aa batta, “Ka u, Siloam jung o khol ka u.” Siloam ta “Takat.” Piq ka eq khol kat ta, etho miik they khi eq welta.

John 9:7 Referencias Cruzadas

NEHEMIA 3:15

Kiimahali, Mijpa wang pengti Kolhoje se Shollum riika, Khamdü Kilamchong ba kra tiihea haito. Apaiq raq Kilamchong lam kra tiiham wandamto. Raüta kilü ka tiihea haito. Raüta kilü ka kilüchü tiihong chang ba kiijaq riikhaqli tiihong hainongto. Raüta kilü tiipha chang jinpan maq keabaiqto. Kiimaq kilü lachang jinpan thun tiihongto. Apaiq riika Shela Thamchum ba maq phaho raüta, hokham petsiro sonruk na saüli tiiham raüta, Dawit Chela ngutlaq hiq ba maq maiqkhum chang long hiqkhuphi lam kiijaq saüli tiihea haito.

Tvtsvmc 146:8

Kiimaq makchukti ma mak tiipiiqkuqtlo. Apaiq raq juwa hiq na riwantiiti ka ra na ado riikuqtlo; apaiq asengi kechu maiqsebi ka lungwiitlo.

DUNGWVNC 4:11

Kiijiishe Tatiwe raq apaiq ma nguto, “Maiqse ma anübok keti ka juwa? Kiimaq apaiq ka juro nibii ma tiijabaiqtla? Riimakla apaiq ka juro nütang ma tiijabaiqtla? Apaiq ma amakpo ka juro kuqtla? Riimakla juro amak ka tiichukbaiqtla? Arka Ngi, Tatiwe raq klo tiikang.

ISAIA 32:3

Tsang mak thun nai tsangni thun ka mungmaiqse ma rongraatlaq thun kra chhi miitu tiipiiq shat miraq.

ISAIA 35:5

Makchukti raq min michhi she, kiimaq nibiiti riimin mitai she.

ISAIA 42:7

Ümniiraq makchuktibi ma mak mitiipiiq haü, kiimaq ranyaq tangtang phaqtek mong na sitibi ka midakuq haü.

ISAIA 43:8

Shiikeawe raq ngutlo, “Isenginok ka rung na tiichap ronglaq. Tsangshiq ka wiimak shatmaq makchuk; tsangshiq ka wiini, shatmaq nibii!

ISAIA 8:6

Apaiq raq nguto, “Arnok raq Shiloa kham raise wa kitlaq khangririhea kham ka miimbaiqto. Raüta Hokhamwe Rejin nai Hokhamwe Peka khaki na atiikhai rokshrok haitlo.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Luke 13:4

Riita, Silom wa maiq roqshi ri tiichat, kongmong chong raq pat raüta tsaitaq kriiha? Namshiq nga tsangshiq ka, Jerusalem na siti mungmaiqse thaq na ngarai homa jonghea hotibi kha maq tsangshiq ka kiikha tsaito ngutiisha tiima tlan?

Luke 2:32

Apaiq ka Pongnok phan maiqse ma, Ümrawü li tiichhike wanti, Apaiq ka ümsenginok Israil mung ma, ümkhushü jonglu kra tiichhike wanti.”

John 10:36

Riita ngi arka I We raq dadüdü atsea riiwan raüta mangjong hiq na tiikito. Kriikha maq, ngi ka Shiikeawe Se nguta tiichong tiikang. Ara tiichong tiikang arkha na, namshiq raq ngi ma riikhiq apii ashut bom tlaü nguta kha ka jamkho nyan tlan?

John 11:37

Shatmaq, maiq wiijamti raq, “Riita, apaiq raq makchuk we mak santla tiihea kuqtaq. Ikhiijiika, Lajaras kiimin mitiichhun kuq lot wa riishatmaq kata,” nguta tsangshiq nai tsangshiq liipan na riibomto.

John 9:11

Kiijiishe, “Maiq weshi, Jesuq nguta chongtlaq we kriiraq, boqda se ka da raüta, i mak na nyat kuqto. Raüta, apaiq raq ngi nangnga Silom thamchum na kilaüta, ümthea ka maikikiq nguta thaüto. Krai mren, ngi ka thamchum na kilata, i thea ka maiki kang. Ngi raq i thea mai kang rai mren, i mak armin piiqki saqli she heakito,” nguta apaiq raq tsangshiq bom ka treto.

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

Galatians 4:4

Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.