John 9:4 - ASII LAKDAP Bible (BSI)

⁴ Rawü asi wiiwii, nashiq raq ngi tiikaiti we jaqsham arka sham wan ruq riichang. Ranyaq akhing she saü wan raüla, jurmin jaqsham wan lot mak she miraq.

Hawa Naga Bible 2001

⁴ Ngvy tvkay jix waz vpiq yauk shuimc kuex raungnuiyq baunglaung naungshiq rueq shuimc juing, uraq muinz shuimx lvp muq raungnyauk vkhing httuiuc wvnc tuex.

Muklom

⁴ Chamtan rangney aa eshitan itakattey jaksom sha hiqtang aa somlo ching. Rangpal uthuk sey angma ta, eshina utang eq tho jaksom jin som moq angna.

John 9:4 Referencias Cruzadas

THARC TVLUINGC 9:10

Ümniiraq jamlai sham-akai wa shamtlaü, kriika, tsapkapkap maq shamlaq. Jamkhano ngukla, ümnaq kaiho chang wulum mung kiijiika, jaqsham kaiwa min ahüshe; tiima tsantsii min ahüshe; phaqchi pinja min ahü she; taksutsii min ahü she miraq.

Matthew 20:7

‘Naishiq ara jurmin ningchang ma chong mak ahata,’ nguta tsangshiq raq apaiq bom ka treto. ‘Ahea, ikhiijiila, namshiq min i wak na ningchang shamwa rongkiq,’ nguta apaiq raq tsangshiq kiimin thaüto.”

Mark 3:3

Kiijiishe Jesuq raq atsiti we ka, “Ana tarü khaki na wara,” nguta heato.

John 10:32

Kiijiishe, “I We raq thaü tlaq krai mren, ngi raq namshiq makki na, ümtinkhan wa shamhea kaiwa awang chang shamkuq tiikang. Riita, arthun jaqsham kang arphong wa, ümriiti jaqsham na seng lanto, namshiq raq ngi ka long maq tiiq baiq chang nguta tankhan tlan?” nguta Jesuq raq tsangshiq ma waito.

John 10:37

Riita, ija, ngi ma i We raq, ara jaq sham laq nguta achong kuq kra sham mang sitiikang jiika, namshiq raq ngi ma kam chang ka ahü miraq.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

John 17:4

Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 5:19

Kriikha maq, Jesuq raq tsangshiq bom ka treto, “Ngi raq chongtiikang arka tengteng: Ase raq apaiq tsii tsii miika jamlai phan sham akai min shamlot mak. Apaiq riika Awe jaqtho kra liiraü tli shamtlo. Awe raq jamlai wa sham tlaq, kriili Ase riimin shamtlo.

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

John 7:33

Kiijiishe, Jesuq raq tsangshiq ma bom ka akha chongkuqto, “Ngi ka namshiq rai heashise lishe misiha. Lata ngi tiikaiti we phaniishe mijang wanha.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

Galatians 6:10

Ara chong tiikai arai mren, ümchaü sanha, nashiq raq ümtin wa akhing aten lap tiikai tek na, wiitarü ma, ahea kiimung kli she, apa shiichaq laita si rong i. Kiimaq, akhek ka nashiq ma, kamasham na naphu nano Phungmaiqse sitlaq kiima khrum kuq laita sirong i.

Ephesians 5:16

Akhing ahea ümchuwa lap tlan kra, jaqsham na khaqshkhaq shiitai ronglaq. Ümchaü liipan rahiq jipi ka abi.

Colossians 4:5

Thatsang maiqsetiim rai riibom lam maq, tsiilam shat maq sirong laq. Tsangshiq rai riihum tlan akhingtek na, nambom namsa na Phungmaiqse rilung angu asi maq bom ronglaq. Lanta kra riihum akhing ka amiinu asi ma tiija ronglaq.