John 8:44 - ASII LAKDAP Bible (BSI)

⁴⁴ Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

Hawa Naga Bible 2001

⁴⁴ Nuimshiq kuex nuimshiq waz ngoz vshuinx htaungc piq sahez rvtuit, kvkhoc ningkhvnc nuex nuimshiq waz thuinroc lvmx kuex phvnx vtueq shuimx kaz vshuinx, htaungc waz kuex vphaungc vyaungc maq phuex miq thvy jix waz rvtueq, piq htauk nuex tsuingrux lvmx vguez ningkhvnc nuex tsuingrux lvmx nuex httax lot muq. Piq kuex vrot vkaq bomjungc jix waz rvtueq, piq kuex vrot waz muex vwaz rvtueq, miqmac gvnngvmx thuinz rulc rv-ngvlc vrot vkaq dvyx jungx thenc yaq.

Muklom

⁴⁴ Nim raa nim wa thangwa sa tang etho nim aa nim wa tinuk phan ma nim nuk inn. Piq phang wang hun miq tatiktey, etho asing rangma jin tong moq, chammatakoi piq jamna asing ahung. Piq aa ahut alik bat ajo piq dangjang o hun somlo aa chammatakoi piq ahut alik etho ahut alik wa.

John 8:44 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

1 HOKHVMX 22:22

‘Jamkho milaü haü?’ nguta Tatiwe raq waito. Kiijiishe kra wenyi raq treto, ‘Ngi kilata Ahab shammibi kong kiima arot shammi bom mitiichongha.’ Kiijiishe Tatiwe raq nguto, ‘Kilaq. Laüta apaiq ka laükikiq. Ümniiraq apaiq ka milaolot haü.’”

1 KAÜWA WERAÜ 21:1

Thawe raq Israil mung khuthaq na chamchao tiisaü ritto. Krai mren, Dawit tsantsii na maiq ka awea chang nguta aming tiikuqto.

YOBA 1:11

Shatmaq nya ümchaü ümniiraq ajaq na tachong hupsam ümchuwa sitlaq kra wiita nyeaho liina. Raüla apaiq raq ümtheaphi na tho maq tho raüta man mison!”

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 13:15

Tsangshiq khutsai ka abikai kun she. Tsangshiq ni kiimin alan kai kun she. Kiimaq tsangshiq makpo kiimin achukkai kun she. Kra riimak ngu raü jiika tsangshiq raq michhi wan wa. Tsangshiq ni maq mitai wan wa; tsang khutsai na minyap wa. Raüta tsangshiq ka ngi phana miwa wan wa, kiimaq ngi riimin tsangshiq ngarai ka midii kuq wan ha wa,’ nguta Shiikeawe raq chongtlo.”

Matthew 13:38

Wak ngutlaq kriika mangjong hiq ara nangnga ngutlo. Tsam lai ahea kriika Shiikeawe sengi maiqse sitlaq kra. Sang ngutlaq kriika Thawe rii maiqse mangjong hiq na sitlaq kra chongtlo.

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

John 8:38

Ngi riika, i We raq ngi ma jamlai sham akai wa tiichhikuq tlaq, kriili chongkuq tiikang. Shatmaq, namshiq riika, nam we raq jamlai phan sham akai wa chongkuq tlaq kriili sham tlan.”

John 8:41

Riita, ümchaü namshiq raq jamlai wa klo tlan kriika, namwe raq jamlai phan wa sham wantaq, kriili namshiq riimin sham nong tlan.” Kiijiishe, “Naishiq ma Awejong ka Shiikeawe kli,” nguta tsangshiq raq apaiq bom ka treto. “Kiimaq naishiq ka apaiq ma aseshaq kong nguta sitiikai. Naishiq ka siqphinsetiim ri riimai.”

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

Acts 13:10

Raütiishe, Paul raq mintin we ka akhiishe sonto, “Ümnaq arka Tha Kaü ashi! Ümnaq arka ating arai jaqsham thun kra tangta baiqti we. Ümtsantsii ka abi thiikho. Kiimaq ümniiraq Tatiwe tengteng bomtsi kra, arot akiq ma tiija baiq wan kli tiima tlaü!

Acts 24:9

Krai mren she, Jehudinok riimin, Tartulas bom kra tiijorot raütiishe, apaiq dü na kra chong wantaq kha thun ka asi dea ngutiishe, apaiq jai na bom ka rong rang rang she, Paul ma kha ka nyanto.

Acts 5:3

Kiijiishe, Petar raq apaiq ma waito, “Ananias, ümniiraq namnai tachong hupsam hiqphu sha lanta, kra sha kampho wa khoko ka ümniirii thüho raü, khokoli kuq laüta, Asii Wenyi ma wiita kuqkang nguta arot chong miitu, ümtsantsii ka Thawe thongkhiiq na jaram wa rongki laü?

2 Corinthians 11:3

Ngi hairai tiikang arka, Ewaq ka jamkho lao wa taq, kiikha namshiq kiimin laoho jiiqla, nguta hai tiikang. Paü ka lulesang. Apaiq raq Ewaq ka lao wato. Kiikhiisii hali, namshiq tsantsii kiimin, apaiq raq mirap wiiqho. Raüta, namshiq tsantsii ka, Khristo lungwii tlan kiiwa, thawe raq mitiishonho.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

1 John 1:8

Kiimaq nashiq raq, nashiq khum na ngarai ahü, nguta ngu hai jiika, nashiq raq maiqmii trotphaq li she mija ki. Kiimaq nashiq mongjii na tengman tlaq bomtsi ka ahü ngushat miraq.

1 John 2:21

Ngi raq waiq tiikang arka, namshiq raq tengteng bomtsi kra sap man sham nguta waiq ka riimak. Shatmaq namshiq raq tengteng bomtsi kra asap han ngo kha maq, ara waiq tiikang. Kiimaq namshiq tarü raq asap han, tengteng bomtsi nübok wiika, arot bomtsi ka dong mak.

1 John 2:4

Shatmaq, weshi ra raq, apaiq raq Shiikeawe ka asapha nguta tiingo tlaq, shatmaq apaiq raq Shiikeawe aming thun kriika lang mak jiika, apaiq ka arot we ngushat. Kriika teng man tlaq Shiikeawe bomtsi ka atsan mong na ahü.

1 John 3:12

Nashiq ka Kain ikha siwan ka raa mak she. Apaiq ka aphaji miiphü Abi we kra ngam napti we dongdii. Kriikha miitiina, apaiq raq achhüthiq ano shaq, Abel ka tsat baiqtaq. Kain raq ano ka jamkhano tsat ta? Kain raq ano Abel tsattaq kriika, apaiq jaqsham ka ashut, ano jaqsham ka tingting. Kriikha maq, apaiq makshu tsi ninlot mak kha maq, ano ka tsat baiqto.

1 John 3:15

Aphu ano shuliiti ka matwe. Namshiq raq asap han, matwe khum na pattup pat-sa rilung ka ahü.

Jude 1:6

Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.

Revelation 9:11

Tsangshiq thaq niika hokham ashi asi. Tsangshiq hokham we ka hiqbikho rümti rase sitlaq kra. Apaiq mang ka Hibrunok bom maq Abadon ngutlo. Kiimaq Grik bom maq apaiq mang ka apolion (kra liichum ka “Ashthenti we”) nguta chongtlo.