John 7:4 - ASII LAKDAP Bible (BSI)

⁴ Jurwa maiqmii mang tiijong tiima tlaq, kriiti raq maiqmii jaqsham kaiwa ka ahukse miika sham mak. Riita, ija, ümniiraq ri, ümjaq sham ka sham tlaü she dongdii kha maq, mangjong maiqse raq sapli chang she sham wan lili riiliina!”

Hawa Naga Bible 2001

⁴ Muingc dungc roc jix waz ukhaq yuq muinz piq rueq shuimx yaq yvmx phvnx yauk shuimc yuq muinz kvhttuiyq kvpuiuc maq shuimx muq. Mnoz rueq vwangc juing yauk shuimc shuimx vshuiux ngoz ruiux kuex, mlvmz mungkawx wvtaungx muex tvtuiuz shuiuz!” ngoz tueq vpiq muex ngoz kuq tueq.

Muklom

⁴ Utang tho asam atol qhong ma nuk ajo tapu eq somlo moq. Nang aa iri tang jaksom raa som chey ujo nang ni nang raa mingkang ro takhi nu.”

John 7:4 Referencias Cruzadas

1 HOKHVMX 22:13

Kiimaq anü na shammiwe Mika heakai ajongwe kiitaq kra riimin apaiq ma akha nguto, “Nanok shammibi thun wiita raq hokhamwe ma apaiq riidea rekhat ka mitang nguta riisham bomtsi chongkuqto. Krai mren ümnii riiminla kiikhiili chongkuq maü maq.”

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Matthew 4:6

Raüta, Jesuq ma nguto, “Riita, ümniika Shiikeawe Se dea jiika, ara wukhupong armaq doq wan liina. Jamkhano ngukla, Asii bomtsi na akha chong tlo, ‘Shiikeawe raq apaiq rasetiim ma aming mikuq, raüta rasetiim raq ümniika rawang win wiili, tsangshiq jaq maq mikamho, krai mren, ümhok ümjaq ka chong along niimin tiingoq maü mirhaü.’ ”

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 6:5

“Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Luke 6:45

Maiqshaqti riika, atsan mong na tiima tsantsii ahea rüm tlo, kiiwa athuk atsom bomtsi siisaq li bom tlo. Maiq abiti riika, atsan mong na tiima tsantsii abi rüm tlaq, kiiwa abom asa niimin, abi ati siisaq li bom tlo. Ara jamkhano chongtiikang ngukla, tsan mong na jamlai wa rümtlaq, kriika anübok maq bom tlo.”

John 18:20

Kiijiishe, Jesuq raq apaiq bom ka treto, “Ngi riika nokwe man na kholam kholiiq maq traho bom chongkuq wan kang ihata. Ngi raq mungmaiqse ma traho bom chongke wan ka nokwe riitam nga chang sinagok thun nai Shomjam mong maq chongkuq wan kang ihata. Ngi raq adam apaü lam maq, jamlai bom min chongkuq mang.

John 7:3

Kriikha maq, Jesuq ma anotiim raq apaiq ma akha bomto, “Ümniika arwa Judia wang na kiho liina. Laüta, kiijaq, awang chang jaqsham laüta ümsengi ma tiichhikuq kikiq na.

John 7:5

Tsangshiq raq ara jamkhano nguta ngukla, anotiim raq dongdii min, apaiq miika kam mak kha maq akha nguto.