John 7:16 - ASII LAKDAP Bible (BSI)

¹⁶ Kra tairaütiishe Jesuq raq tsangshiq bom ka treto, “Ngi raq namshiq ma shrinkuq tiikang bomtsi arka, i tsan mong maq acham ka riimak. Arka Shiikeawe nübok maq atiidea bomtsi chongkuq tiikang.

Hawa Naga Bible 2001

¹⁶ Yesu rueq, “Ngaz rueq tvluing kuq vphaungx kuex ngvy kvjaz rvmuq, ngvy tvkay jix waz kvjaz rvtueq.

Muklom

¹⁶ Jesu aa ning ma thawel batta, “Nga tatal ang raa iraaq ang moq, etharin nga takatteywa raaq.

John 7:16 Referencias Cruzadas

John 14:10

Philip, riita, ümniiriika ngi ka i We rai, i We ka ngi rai pumshi hanshi maq sitiikai ngutiika kam maü shiita? Ngi raq namshiq ma bom chongkuq tiikang arka, ngi raq, i tsiitsii maq achong kuq ha ka riimak. I We ka i khum na si raüta, apaiq tsiitsii maq jaqsham tlo.

John 14:24

Jurwa ngi ka lungwii mak, kriiti ka, i bom chong armin lang mak miraq. Ara i manphan i jüche namshiq ma ümchuwa phanchan kuq tiikang arka, i tsiitsii maq achong kuq ha ka riimak. Shatmaq, ngi tiikaiti we, i We raq ngi ma jamlai kiq wa tiidea kuq tlaq, kra bomtsi kli tlü chong kuq tiikang.

John 17:14

Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak.

John 17:8

Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

John 3:31

Ra maq asatki maiqse kriika tarü thaq na ajong. Phiija maiqse kriika phiija hiq rii li dongdii adong. Kiimaq mangjong maiqse hon atsii kli mithü. Shatmaq, ramungtan wa asaüki we kriika, mangjong maiqse tarü thaq na ajong.

John 5:30

“Ngi raq i tsiitsii maq tri raü ka sham mang. I We raq chongkuq tlaq kra phanphan li shin tiikang. Kriikha maq, ngi raq jamlai wa shin tiikang, kriika khaqkhaq shin tiikang. Ara jamkhano chongtiikang ngukla, ngi riika i mang jong miitu sham mang. Shatmaq, ngi tiikaiti we raq ahea nguta jamlai wa thimi tlaq, kriili sham tiikang.

John 6:44

Ngi tiikaiti i We raq shunshea raüta, tiinyap wan hü miika, i puk na jumin nyap wan lot mak. I puk na nyap wanti ka phangthum ranaiq na, ngi raq amaa wa atra mitiidong wanha.

John 8:28

Kriikha miishe, apaiq riili tsangshiq ma bomtsi ka akha tru chongkuq nongto, “Namshiq raq ümtiikiiwa, Maiq Se ka pumsongkham na mitübaiq han, kra ranaiqtiq namshiq raq ngi arka, ‘Ngi Santla Ngi,’ ngutliiwe kriidea ngutiishe misap han. Kra akhing niitiq ümchaü ngi raq namshiq ma ümchuwa jaqsham kuq tiikang arka, i tsiitsii maq asham ha riimak, shatmaq i We aming maq siisaq li dea sham tiikang nguta mitak han.

2 John 1:9

Juwa Khristo raq achongkuq bomtsi aming wokhong na simak, aming jin raüta lamjiq nü na kiho tlaq, kriiti ka Shiikeawe rai adam na simak she. Shatmaq juwa Khristo rilung manphan bomtsi chong tlaq kra lang raüta sitlaq, kriiti ka Awejong Shiikeawe kiimaq Ase tsangnai wenai wiita wokhong na sitlo ngushat.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.