John 7:12 - ASII LAKDAP Bible (BSI)

¹² Maiq muklung riinyiim rai tlaq liipan na, Jesuq miitu bom riiwaisoti maiq ka pahea riito. “Apaiq ka maiqshaq,” nguta maiq wiijam raq nguto. Kiimahali, “Riimak. Apaiq raq maiq tiishontlo,” nguta maiq wiijamti raq hali khiito.

Hawa Naga Bible 2001

¹² Nuk miqsaz htenc muinz vpiq nuex seng vtueq pinhtumc rvshuip shoyx wuez tueq. Miq wvyvmc rueq, “Vpiq kuex miq hvlx rvtueq,” ngoz tueq, wvyvmc rueq, “Rvmuq, nuk miqsaz muex lvmx tvmawc jix waz rvtueq,” ngoz tueq rv-ngoc wuez tueq.

Muklom

¹² Miq wan eq piq tung aa raaq tapu eq daqhan raaq wan tit chey ta; chamtey tey eq batta, “Piq miq qhal” Etho chamtey tey eq batta, “Ang moq, piq aa miqtang aja lam náng sol aa.”

John 7:12 Referencias Cruzadas

Matthew 10:25

Kriikha maq chong mang ka ashrinti we pumkhü kra sam raüta siwan miitu chochi khiq maq si chang li. Kiimaq dise riika atijong we pumkhü kra sam raüta sichang. Jamtati we nang santla Tha Mungtu we nguta slailii tlaq jiika, apaiq jamti thun thaq niika kra thaq niimin tiinanpot naolaq mang abi miishe mimang wan!”

Matthew 21:46

Kriikha maq, tsangshiq raq apaiq ka alap ma tanto. Shatmaq tsangshiq ka mungmaiqse ma ahai. Jamkhano ngukla Jehudinok mungmaiqse raq Jesuq ka shammiwe nguta langtlo.

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Luke 18:19

Kiijiishe, Jesuq raq, “Ümniiraq ngi nangnga maiqshaq we nguta jaram wa ngutlaü?” nguta apaiq ma waito. “Maiqshaq ngutiika jumin ahü. Shiikeawe kli maiqshaq.

Luke 23:47

Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.

Luke 23:50

Kiijaq Judia wang wa Arimithia chela na siti maiqwe ashi amang min Joseph nguta asi. Apaiq ka maiqshaq, kiimaq shiilang weshi riito. Apaiq ka Shiikeawe Mungtan saüho kra kheti we ashi riito. Apaiq ka Jehudinok Rung wa wela ashi li riikiimin, tsangshiq raq mat kha tankhan wantaq kiijaq apaiq ka pong dam mak dea.

Luke 6:45

Maiqshaqti riika, atsan mong na tiima tsantsii ahea rüm tlo, kiiwa athuk atsom bomtsi siisaq li bom tlo. Maiq abiti riika, atsan mong na tiima tsantsii abi rüm tlaq, kiiwa abom asa niimin, abi ati siisaq li bom tlo. Ara jamkhano chongtiikang ngukla, tsan mong na jamlai wa rümtlaq, kriika anübok maq bom tlo.”

Luke 7:16

Kra chhi raüta, tsangshiq tarü ka kai awang riito. Kiimaq ahai lam maq, “Nashiq ma shammi ajong pinthum ashi she saüto. Shiikeawe raq asenginok, nashiq ara chhiikai she saükito,” nguta tsangshiq raq Shiikeawe ka tiitsam kamto.

John 6:14

Jesuq raq kra wangchang jaqshamke kra chhi raüta, mungnyung mungse raq, “Arwe arka Asii Bomtsi na jai maq shammi weshi mangjong hiq na mikilii nguta chongtlaq we kriidea saükito sham!” nguta tsangshiq liipan na bom ka riichongto.

John 7:32

Phorisinok wiijamti raq nokwe phong na, Jesuq tsaki riishap shaü wan tlaq kra tho ka heto. Krai mren, tsangshiq nai ramwe jongbi raq Shomjam kheti hokrabi ka apaiq lapkai tiikito.

John 7:47

Kiijiishe, Phorisinok raq, “Namtsam kiimin apaiq mo niishe sha shang wan dam lan?

John 7:52

Kra tai raütiishe, tsangshiq raq, “O, ngo mai ri ahea kata. Ümniikiimin la Gelili hiqshongti sii dea riimak sha? Asii Bomtsi ka samhea phat laüta liiwan liina. Laüta, Gelili hiqshong wiika Shiikeawe shammi ka dong mak nguta bom chongtlaq kra misap haü,” nguta apaiq bom ka treto.

John 9:16

Kra tairaütiishe, Phorisinok phong wa maiq wiijamti raq, “Arwe mak tiihea keti we arka Shiikeawe pha wa aki ka riimak. Ara jamkhano chongtiikai ngukla, apaiq raq Asii Niitiitsak ranaiq tri ka lang mak,” nguta bom ka chechiipto. Shatmaq, tsangshiq phong wa maiq wiijamti riika, “Shatmaq, notsam, ngarai maiqse riika akha awang chang jaqsham arka misham lot sha?” nguta khiito. Krai mren, tsangshiq liipan niimin kongnai miishe riido riijin she riiphea kito.

Acts 11:24

Barnabas ka maiqshaq weshi. Apaiq ka Asii Wenyi raq ama kiimaq kamasham na srea weshi riito. Apaiq traho bomchong kra tai raüta, maiq pahea Tatiwe puk na nyap wanto.

Romans 5:7

Kechu maiqse ashi sitlaq kra khupi miitu, maiq ahinti weshi ra raq ngi ka apaiq khupi ma mitsaiha nguta kiqkham wanli chap wan miika ajese ka riimak. Kra thaq na kaü raüta hali, maiqshaq weshi sitlaq kriiwe ka khupi wan miitu ngi mitsaiha nguta chap wanti maiq ka hum wan lot mai.

Philippians 2:14

Arkha maq ümchaü sanha, phanrap jaqsham kaiwa ümchuwa sham tlan, jaqsham lam maq, naq bot tsaü rongkiq. Kiimaq jaqsham lam maq naq riikhii riilea rongkiq she.