John 6:6 - ASII LAKDAP Bible (BSI)

⁶ (Apaiq raq Philip ma bom waitaq arka Philip kamtsantsii kra tei ma nguta waito. Apaiq raq Philip ma miwai shaq niiphü, jamkhii raüta tiiphaq sia chang wa kriika, atsan na atiije wishe riito.)

Hawa Naga Bible 2001

⁶ (Vpiq rueq wiz tueq kuex Philip httoarc helc tvkoc rvtueq: vsuing yvmx khoc ruec juing lac kuex vpiq rueq tuiuz yaq rvtueq.)

Muklom

⁶ Jesu aa iri raaq raa Philip tari rangma pitta, chammatakoi piq aa thanga chamlang somlo ching tha usam eq ta.

John 6:6 Referencias Cruzadas

RAPHA HIQWA LAK 22:1

Kra jai maq ashaqpuq sijai na Shiikeawe raq Abraham ka maitaito. Apaiq raq Abraham ka heato, “Abraham!” Kiimaq Abraham raq treto, “O, ngi ka ajiilii!”

2 KAÜWA WERAÜ 32:31

Kiimaq Bebilon mung wa kiimwebi kiraüta Israil mung na jamlai wa awang chang mra pahea pintaq thun kra sidi kai saü kitaq akhing niimin, Shiikeawe raq apaiq raq athithi na kiimung wan miitu apaiq jaq khon ka phanshi atiihiim riikuqto. Kriika apaiq hon atsii kra maitai miitu tiihiim kuqto.

2 Corinthians 13:5

Namshiq rilung ka samhea wiq chechiip lanta sirong laq. Kra shin tlan na, namshiq raq tok ka tang han jiitiq tiina, namshiq ka riikhaqli dea, Jesuq Khristo sengi awongsii dea sitlan nguta, mitiingo lot han. Namshiq raq tok ka tanghan jiila, riikhaqli apaiq ka namshiq rai dea sitlo ngushat miraq.

TRI CHONGKE 13:3

apaiq bom na ümniika naq shonbiikiq. Tatiwe üm Shiikeawe raq apaiq ka üm tsantsii kra maitaitlo ngushat. Kriika ümniiraq Tatiwe ka tsan nai mongjii wiita kuq laüta sha lungwiitlaü lungwii maü wa nguta maitaitlo.

TRI CHONGKE 33:8

Apaiq raq Lewi phan miitu akha nguto: “Tatiwe lei, ümnaq tiima tsantsii ka Urim nai Thummin maq tiichhikuqlaq, ümjaqshisetiim Lewinok raq tsapkapkap jaq shamtlaq kra lümaq. Ümniiraq tsangshiq ka Massa hiq ma maitailaü Kiimaq tsangshiq ka Meriba khamraisetiim maq Kiimaq tsangshiq ka riikhaqli dea nguta maitailaü.

TRI CHONGKE 8:16

Kumtsaiphii mung maq apaiq raq namshiq ma manna kuq raüta dungto. Kra dung ka namtitiim raq jangshi ra min phaqsiq wan mak riito. Apaiq raq namshiq ma chamchao tiisaü wanto. Kriika namshiq maitai wan miitu. Kriika atiisup na namshiq ma apaiq raq phanrap ahea awa phan maq achu shiiman kewan miitu riito.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.

Revelation 2:2

Namshiq Ephisia na siti Phungmaiqse raq jamlai wa sham lan, kriika ngi raq asapha. Namshiq ka pinthum jaqsham shiikut chaq wan tlan. Kiimaq namshiq tiichamchao wan taq kiimin tsan tiibum lanta nin wan lan. Ngi raq asapha, namshiq raq maiq abi lamphanti, namshiq phana awa ka ninlot man riilan. Kiimaq jurwa kiimwebi jatiikai nguta, namshiq makki na tiichan ne wi taq, kra namshiq raq chechiip lan. Lanta, tsangshiq ka awong riimak, achhü nguta sap lan.