John 5:5 - ASII LAKDAP Bible (BSI)

⁵ Kra phong na maiq weshi asi. Apaiq ka wiiroqtsam ri wiitiichat she atsi riito.

Hawa Naga Bible 2001

⁵ Kvruex yuq wawc 38 thuiuz jix miq washiz lomx yaq.

Muklom

⁵ Eshina miq ashey angta, bara pang roktom pang ashat wang sey taksa ta.

John 5:5 Referencias Cruzadas

Mark 9:21

Kra chhi raüta Jesuq raq, “No ara ümtincho phü atsi wa?” nguta awe ma waito. Awe raq, “Noseji miiphü,” nguta treto.

Luke 13:16

Riita, ümchaü ara Abraham lai maiqnyung ashi, Thawe raq wiiroqshi ri wiitiichat kharü maq kha raüta tiichamchao wanto. Apaiq kra tiq sha, Asii Niitiitsak ranaiq na kharü mong wa tiidong ra mak ngutlan?”

Luke 8:43

Kra maiqphong mong na, wiiroqshi ri wiinai she, tiijaidong tsi raq chamchao raiti, jechak nyung ashi min asi riito. Krii nyung raq ajaq na kampho lakshii ümchuwa sitlaq kriika taktot maq ma wiita sumto. Shatmaq, apaiq thatsi kriika jurmin tiihea kuqlot mak riito.

John 5:14

Kra jai miishe, Jesuq raq apaiq ka Shomjam na hali humto. Raüta, “Tai laq! Ümthatsi ka heakito she. Ngarai anye ka naq tang nongkiq she. Tangnong haü la, ümniima arthaq niimin chamchao jonghea misaü kiiphaü,” nguta apaiq ma akha tsii chongkuqto.

John 5:4

Jamkhano ngukla akhing khing na Tatiwe rase ka thamchum na satki lili raüta kham ka tiibrak tlo. Raüta atsiti juwa thamchum tiimejai na sinkhu na thamchum mong na satkitlaq kriiti thatsi ka heakitlo.

John 5:6

Jesuq raq kriiwe ka kiijaq bum raü chhito. Kiimaq apaiq raq kriiwe ka atsi luhea she sitlo nguta asap. Kriikha na, Jesuq raq, “Ümthatsi ka tiihea wan ro tlaü sha?” nguta apaiq ma waito.

John 9:1

Jangshi Jesuq ka lam na awarai riito. Akhum lam maq apaiq raq maiq weshi, anyung pukdong makchuk we kra chhito.

John 9:21

Shatmaq, ümchaü naise mak arka juro tiihea kuqtaq, kiimaq kriika jamkho tiipiiq kuqtaq, kra bom riiwe kla nainai anyung nai awe riimin sap mai. Kriika apaiq ma wai rong laq. Apaiq ri maiqla she. Namshiq ma apaiq raq michong kuq lot!”

Acts 14:8

Listra chela na siti maiq weshi ka anyung pukdong hokkü. Apaiq ka ari lung na jangshi min akhum nguta man lot mak dongdii.

Acts 3:2

Kiijaq, Shomjam rinkea na Shomjam ruk kilamda ashi asi. Kra Kilamda mang ka Atsomwiq Kilamda ngutlo. Kra Kilamda tho na, maiq weshi akü we asi. Apaiq ka anyung pukdong akü dongdii riito. Apaiq ka wranaiqtek anok raq piho lili raüta, Shomjam na wati jaq wa kampho bamhi phaqsiq laq nguta, Kilam chong na tiinga thüho lili riitlo.

Acts 4:22

Riita, ara chongtiikai, Shiikeawe raq awang chang jaqsham raüta, athatsi tiihea kuq tiiwe kriika, wiiroqblai pat maiq riito.

Acts 9:33

Kiijaq, apaiq ka maiq weshi, amang min Ainias nguta, kriiwe rai riihumto. Kriiwe ka ahan ama riiki raüta, atsi wiitiichat she, chang na weshat li chhi hoto.