John 4:6 - ASII LAKDAP Bible (BSI)

⁶ Jakob raq apaiq pat na athu thü khappong ashi ka kriiba na asi. Jesuq ka wanhiq khumtsi raq anü rai raüta, kra khappong kii na niitiitsak anga riito. Kra akhing ka ranaiq shethung shekham bala riito.

Hawa Naga Bible 2001

⁶ Kvruex yuq Yaku yuix jumx httax yaq, Yesu kuex lvmx khuemc nyec hvlc ningkhvnc nuex kvruex yuix jumx hep kvyuq ngaungc tueq. Kvruex baunglaung kuex shalhtungx rvtueq.

Muklom

⁶ Jacob khopong ethina angta. Jesu lam qhing wang nángtik angta, ethirangma piq eshi khopong kang relthina tong ta. Ira rangney rangham angta.

John 4:6 Referencias Cruzadas

Matthew 27:45

Ranaiq shethung shekham akhing na, mangjong tlotli na nari tsam na saüli ranyaq kito.

Matthew 4:2

Jesuq ka raroqblai, ranaiq rawa amang miili siwanto. Kriikha maq apaiq ka ramtsihea riito.

Matthew 8:24

Tiihanghiiq miili she henghea rathaiq rahai wanto. Raüta thamchum ka wiita brakshaq baiq wanto. Krai mren lai ka jü mong na sang wan nam nam ikhiishe riito. Shatmaq Jesuq ka akon makaiq.

Luke 2:7

Meriq raq ase chhikhu se ka humto. Apaiq raq noshii ka no napkhea maq jobto. Raüta minsaü tsam thiike chang long pinkhü na tiikonto. Kiitiikaq tsangshiq jap miitu wanjaptiip na khok ka bin mak, ahü.

Luke 9:58

Kiijiishe, Jesuq raq abom ka, “Miikakoi miika abum chang asha asi. Kiimaq peshap wushi sitlaq kra miimin, achhü ka asi. Shatmaq, Maiq Se miika, rawa mak tiichuk chang wuchüse ikha dongdii min jam ahü.”

John 11:9

Kiijiishe, Jesuq raq treto, “Ranaiq shi niika, nari roqshi ri anai riimak sha? Krai mren, juwa ranaiq na khum tlaq, kriiti ka tiithap tha mak maq khum tlo. Ara jamkhano ngukla, apaiq raq mangjong hiq wa rawii li ka chhi shat.

John 4:12

Ara khappong arka, naiti tipai Jakob raq naishiq ma akuq thü. Naiti pat na, asaü asetiim nai tsangshiq nyamse ümchuwa rümtaq thun wiita raq, kham ka arwa nyangto. Ümniika naiti Jakob thaq niimin ajong ngutiika tiingo maü sham na?”

John 4:5

Apaiq ka Samaria wang na Saikar chela na saüto. Saikar chela ka richü pat na Jakob raq, ase Joseph ma wenkuq thütaq, wakram kra tho niili riito.

John 4:7

Kra liipan niili, Samaria nyung ashi ka kham thiikai aki kiijaq saükito. Jesuq raq apaiq jaq wa, “Ngi ma kham anyang chang kuqlaq,” nguta jaüto.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

Hebrews 2:17

Riita, ara chongtlaq arai mren, apaiq ka mangjong maiqse ikha, tiijai han-ngam na shamshi ngamshi pokai chang dongdii she raa kito. Apaiq maiqse han-ngam na akha pokitaq arka, apaiq ka tsangshiq miitu, tsapsaü kapse mangchan tsantsii jonghea maq, tsangshiq thaq na Ramwe Ajong Pinthum we ma jawan miitu pokito. Raüta apaiq ramwe jaqsham lümaq, Shiikeawe tsankhiq ka tiishi wanto. Krai mren, Shiikeawe raq tsangshiq ngarai kra diikuqto.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.