John 4:11 - ASII LAKDAP Bible (BSI)

¹¹ Kiijiishe, Jechak nyung raq waito, “Shiilangwe, ümjaq na kham khechang balting min ahü. Kiimaq ara khappong arka atsaüwiq. Kra chong tlaü rilung tsitsü kham ka ümbawo milap haü?

Hawa Naga Bible 2001

¹¹ Yalxjuik nyuiuz rueq, “Taungjix lex, mnoz rueq yuix khoay juing muinz vguez, yuix jumx muinz thuiuz hvlc rvtueq. Kvkhoc rvtueq mnoz rueq yvmx wawc lac rullungx tvraungx juing yuix kuex lvp shuiux?

Muklom

¹¹ Miqnu they piq ma batta, “Tangteywa, bajak na jung qhot ma chamtho ahung, etho khopong rapney alip hal; rollung jung sha ba jakna bari wang thupha?

John 4:11 Referencias Cruzadas

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

John 3:4

Riita, “Maiq la kaü ka rawü thongnai ka jamkho michhi wan nong? Anyung puk na thongshi nyap wa nong raüta rawü jangnai ka chhilot mak sham na!” nguta Nikodemas raq Jesuq ma waito.

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

Acts 10:14

Kiijiishe, Petar raq treto, “Tatiwe akhiiwiqwiq ka phaqsiq mang! Ümchaü niitaq ngi raq apii ashan chang phan ngam angiq ka i nü na thü mang shaqli!”

1 Corinthians 2:14

Jurwa Asii Wenyi lap mak dea, kriiti riika Shiikeawe Asii Wenyi raq akuq kongphiq ka lap lot mak. Akhiiti riika Asii Wenyi kongphiq ka jamlai wa, kra asap min sap mak. Apaiq ma Shiikeawe kongphiq thun kriika hiqtili ikhiili. Ara jamkhano chongtiikai ngukla, Asii Wenyi jaqsham tsingo kriika Wenyi maklii maq liiwan raütiq athü ka misap.

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”