John 4:1 - ASII LAKDAP Bible (BSI)

¹ Phorisinok riika Johan nam ma, Jesuq raq asengi ka apa she lap wan tlo kiimaq apaiq raq nokmaiqse ma kham lamkuqtlo nguta tsütsa ka taito.

Hawa Naga Bible 2001

¹ Yesu rueq Yohan htauk nuex muinz vjvnc yuix luip lvmz kuq vtueq sangac tvyaungc yaq kuex Pharise nuk rueq tay tueq.

Muklom

¹ Jesu aa jungthalam eq John phey náng eq ahan jiphantey thajoq aa ta Phorisi tang aa kap tatta ta Jesu aa sam ta.

John 4:1 Referencias Cruzadas

Luke 1:76

“I se le, ümniika, Ajong Pinthum Shiikeawe shammi ngutiishe mingu. Ümniika Tatiwe ma sinkhu na miki haü. Laüta, apaiq kai chang lam kra mitanho haü.

Luke 19:31

Maiq ashi ra raq namnai ma, jaram wa diirat holan nguta wai kiiphan la, Tatiwe ma ra tlo ngutli tre rong laq.”

Luke 19:34

Kiijiishe, tsangnai raq, “Tati ma ra tlo,” nguta tsangshiq bom ka treto.

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 7:19

Tatiwe phana bom tiiwai kai tiikito. Tsangnai ka Jesuq phana kiraüta, “Ümnaq ardea sha Johan raq, maiq weshi saüho tlo nguta chongtiiwe kra, sha naishiq raq ahinti miki nguta khechang wa miraq?” nguta waito.

John 3:22

Arjai miishe Jesuq nai ajaqshisetiim ka Judia wang na kihoto. Kiijaq heashi sithü raüta, mungmaiqse ma kham ka lam kuq thüto.

John 3:26

Kriikha maq, tsangshiq ka Johan phana waraüta, apaiq ma chongto, “Shrinketi we, ümtsan na tiitsangshat li riimak sha, Jordan raire shedong nü maq, ümniirai riihumtiiwe ira? Apaiq bom ka naishiq ma chong kuq laü we irchong? Lii maüta, apaiq raq nanok ma kham lamkuqtlo. Kiimaq nokmaiqse wiitarü ka apaiq jai phan wanti siisaq she, apaiq jai na warai wanto!”

Acts 10:36

Shiikeawe raq Israilnok ma Jesuq Khristo lümaq hansang lam phan Tsütsa Ahea chong kuqtaq kriika, ümniiriimin asap haü she. Apaiq ka maiqse angu wiita ma Tatiwe.

1 Corinthians 1:17

Khristo raq ngi ka kham lamke wa miituli ka tiiwa mak. Apaiq raq ngi thaütaq kriika Tsütsa Ahea kra phanchan kewa miitu tiina thaütaq. Kiimaq kra tsütsa chongke kiimin mangjong maiqse han-ngam phaqchi ka akhiismin shiinang mang maq chongke miitu ngi ka tiiwato. Kriika ngi raq chong tiikang ara lümaq Jesuq Khristo pumsongkham na tsaitaq kra ningkun tu ka akhiismin tiijom mang maq chongke miitu thaüto.

1 Corinthians 15:47

Maiq lai apha wanti we Atam khum ka hiq da wa atiiq. Krai mren, apaiq ka ara mangjong hiq wa maiqse. Shatmaq anai ngoja Atam ka ramungtan wa asatki.

1 Corinthians 2:8

Ara mangjong hiq langtibi hokhambi thun raq, ara phaqchi arka jurmin sap wan lot mak riito. Tsangshiq raq ara sapshat ngu raü jiika, achhai anyii Tatiwe ka pumsongkham na tübaiq mak mirwa.

2 Corinthians 4:5

Naishiq raq maiqmii mang ka tiichong mai. Naishiq raq Jesuq Khristo ka Tatiwe, kiimaq naishiq ka Jesuq mang na, namshiq jaqshisetiim nguta sitiikai.

James 2:1

Lungwii phunaino Phungmaiqsetiim lei, namshiq ka nashiq Tatiwe Jesuq Khristo, achhai anyii Tatiwe ma pharangrang maq kamwanti maiqsetiim nguta sitlan. Krai mren, namshiq raq maiqse ka rakhütsiri na, tsangshiq sham na liilanta, arka ajong, arka chiithe lüwa, kiimaq arka thümsaü litse nguta, naq tseatsiiq rongkiq.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”