John 3:13 - ASII LAKDAP Bible (BSI)

¹³ Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

Hawa Naga Bible 2001

¹³ Raungmungx maq vsvt kaz Miq Saz vruex maq lvy vtueq ukhaq muinz raungmungx nuex httuiuc wuez muq doc.”

Muklom

¹³ Miqna Sa mungtan wang kata pha, piq tha dakchak eq mungtan náng utang tho wang moq angta.”

John 3:13 Referencias Cruzadas

TAKSU LAK 30:4

Ramungtan phaqchi tsinti juwa? Jurwa rahai ka ajaqphi na, khon raüta shamti? Jurwa sammoktra chum ka, khea thum na thopti? Juwa hiq rai ra rai kra, chumtapti? kriiwe mang ka juwa? ümniiraq asap haü shea? ase mang juwa?

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 17:5

I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

John 3:12

Ngi raq namshiq ma ara mangjong hiq wa bomtsi chongkuq tiikang arma santla lam man riitlan, ikhiijiika, ngi raq namshiq ma ramungtan wa bomtsi kriishe chongkuqha jiika, jamkhii she wa mikam han?

John 3:31

Ra maq asatki maiqse kriika tarü thaq na ajong. Phiija maiqse kriika phiija hiq rii li dongdii adong. Kiimaq mangjong maiqse hon atsii kli mithü. Shatmaq, ramungtan wa asaüki we kriika, mangjong maiqse tarü thaq na ajong.

John 6:33

Ara jamkhano chongtiikang ngukla, Shiikeawe raq kuqtlaq winsii ka ramungtan maq mangjong hiq na satkito she. Raüta, phiija maiqse ma rilung kuqtlo.”

John 6:38

Ara jamkhano chongtiikang ngukla, ngi ka ramungtan maq mangjong hiq na satkikang arka, i tsiitsii maq jaqsham kai akiha ka riimak. Shatmaq, ngi tiikaiti we Shiikeawe raq jamlai wa thapthi tlaq, kra shamkai kikang.

John 6:42

Kriikha maq tsangshiq ka, “Apaiq ka Joseph se Jesuq riimak sha? Nashiq raq awe nai anyung ka asap i. Riita apaiq riika, apaiq ka ramungtan wa asatki we ngutiika, jamkho tiishom ra rai tla?” ngutiishe bottrang hoto.

John 6:46

Maiqse raq Awe sham ka jurmin chhi mak dea. Ngi ahata Awe pha wa akiha. Ngi tlea raüta Awe ka jurmin chhi mak dea.

John 6:51

Ngi ahata ramungtan wa asaüki atra tsitsü raü winsii. Jurwa ara winsii ara miphaq, kriiti ka pattup pat-sa atrali she misi wan. Ngi raq apaiq ma winsii mikuqha ngutiikang arka, i han ngam phu ara mikuqha. Ara i ngam phu kuq tiikang arka, mangjong maiqse ka atra tiisi wan miitu kuq tiikang.”

John 6:62

Bom shiiton, namshiq raq Maiq Se ka apaiq sichüchang ba kiijaq jang wan nong chhihan jiiha? Jamlai she wa mitiima han?

John 8:42

Kiijiishe, Jesuq raq tsangshiq bom ka treto, “Riita ngohea dea, Shiikeawe kiidea namshiq ma Awejong ngu raüka, namshiq raq ngi ka milungwii han wa. Ara jamkhano chongtiikang ngukla, ngi ahata Shiikeawe pha wa akiha. Lata, ümchaü namshiq rai sitiikang. Ngi ka i tsiitsii maq asaükiha ka riimak. Ngi ka apaiq raq atiiki.

Acts 2:34

Ara jamkhano chongtiikai ngukla, Dawit apaiq ka Jesuq jamkho wawantaq, kiikha ra niika wawan mak dea. Shatmaq, Dawit raq akha ngutli waiq thüto, ‘Shiikeawe raq i Tatiwe ma chongto: Ümniika ngi ma jaqtsi nü na ngalaq,

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Romans 10:6

Shatmiitiq Asii bomtsi na hali, maiqse ka kamtsantsii lü miitiq, Shiikeawe raq apaiq rai wehea ma tiija wantlo, nguta chongkuq tlaq lak jaq niika, “Ümtsan mong niika, Ramungtan niika juwa midü wa lot?” ngutiika naq riiwea kiq. (Arka ümniiraq, ümniika ramungtan na walaüta, Khristo nangnga, mangjong hiq na satki nongkiq, nguta ngo liichum ikhiima mijaki.)

1 Corinthians 15:47

Maiq lai apha wanti we Atam khum ka hiq da wa atiiq. Krai mren, apaiq ka ara mangjong hiq wa maiqse. Shatmaq anai ngoja Atam ka ramungtan wa asatki.

Ephesians 1:23

Riita, phungtu ka Khristo khum. Arka Khristo apaiq khum kamshok kamshi she aklo wan. Arka apaiq riili she phanrap na kiimaq barap na tiikupi wan tlo.

TRI CHONGKE 30:12

Arka ra tsan mong niika riimak. Ümniiraq ara miitu, ‘Ra na juwa midü wa, raüta kra naishiq ma milam kuqwa, kra bomtsi ka atai hai chang? Laita naishiq raq kra alang hai chang wa?’ nguta waisea ngo min raamak.