John 21:1 - ASII LAKDAP Bible (BSI)

¹ Arjai maq hali, Jesuq ka ajaqshisetiim rai, Tiberias Thamchum kii maq jangshi hali riihumki nongto. Apaiq raq tsangshiq rai ka akha riihumto.

Hawa Naga Bible 2001

¹ Kvruex yimaq Yesu kuex Tiberia jumx kawx maq vpiq sangac hez muex shvmx laukshiz kvkhic tueq. Kvruex lauk kvkhic tueq kuex vkhoc rvtueq.

Muklom

¹ Iri raaq jio Jesu aa piq Tiberias shitim kangna ujiphantey tang ma takhi ta. Esha irimal angta.

John 21:1 Referencias Cruzadas

Matthew 26:32

Shatmaq ngi ka ama wa dong wan jai she, namshiq ma sinkhu na Gelili wang na miwa wanli kang.”

Matthew 28:16

Ajaqshisetiim roqshi ri weshi ka Jesuq raq tsangshiq ma jamkho chongkuqtaq, kra phan phan, Gelili wang na hiqlam ashi kiina wawanto.

Matthew 28:7

Lanta namnai ka ümchaü jaqlo witwit warong laq. Lanta ajaqshisetiim ma, ‘Apaiq ka ama wa dong wanto she. Kiimaq ümchaü apaiq ka namshiq ma sinkhu na Gelili wang na wawanli tlo. Namshiq raq apaiq ka kiijaq mirhum han!’ nguta chongwa rongkiq. Namnai tsan na samhea tiitsang ronglaq, ngi raq jamlai bom wa chong kuq pha ara,” nguta rase raq tsangnai ma chongkuqto.

Mark 16:12

Arjai miishe, Jesuq ka tsangshiq phong wa wenai pha na, phanshi pong linlin maq, tsangnai ka hiqshong na awarai lam na dongki raüta riihumkito.

Mark 16:14

Atiisup niishe, Jesuq ka ajaqshisetiim roqshi ri weshi pha na, tsangshiq dungsea rea liipan na dongkito. Tsangshiq raq apaiq ka ama wa atra she dong wanto nguta kammak kha na, kiimaq nanok raq apaiq ka atra chhi kai nguta tsütsa chongkuqtaq kriima kammak maq, tsangshiq tsan ka wanshakshak li tiitsin wan kha na, apaiq raq tsangshiq ka ason rea riito.

Mark 16:7

Riita, ümchaü min, namtsam ka walanta, ajaqshisetiim ma, Petar miitaq nong na ara tsütsa ara chongwa rongkiq: ‘Apaiq ka namshiq ma sinkhu na, Gelili na wawan litlo. Kiijaq namshiq ka apaiq rai mirhum han. Arka apaiq raq namshiq ma chongkuqtaq kra phanphan miraq.’”

John 21:14

Riita, ara chongtiikai, Jesuq raq ajaqshisetiim rai riihumkitaq arka, apaiq ka amaa wa dong wan li maq, laktsam ngoja riihumkai bom she riito.

John 6:1

Kra jai miishe Jesuq ka ajaqshisetiim rai Gelili thamchum konü thamreko shoknok (Tiberias Thamchum ngutiimin ngutlo) binjü nü na jin wanto.

John 6:23

Kiijiishe, Tiberias hiq nü wa asaüki lai wiijam ka, Tatiwe raq achu jaü raüta, nokmaiqse phong ma winsii tiiphaq siqtaq hiq tho thamchum kii niishe saükito.

Acts 1:3

Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.