John 20:9 - ASII LAKDAP Bible (BSI)

⁹ Tsangshiq raq kra thun kra chhi wan jai min, Asii bomtsi na, apaiq ka amaa wa dong wan chang dongdii miraq nguta chong tlaq bomtsi kriika takmakli shatshat riito.

Hawa Naga Bible 2001

⁹ (Yesu kuex vthueyc wawc yuing kvtenc wvnc tuex ngoz tueq Rumvrc luik nuex httax yaq kvjaz kuex tsuingnueyc rueq tuiuz muq dvyx doc.)

Muklom

⁹ “Jesu tha utik wang ulun ang ching” ta Asang likwit na batta tha ning aa jin sam moq angta,

John 20:9 Referencias Cruzadas

Tvtsvmc 16:10

Jamkhano ngukla ümniiraq ngi ka atsai ningkun jaqkhon mong wa tiichhii kuq laü, Ngi raq ümniika tsapkap shiikumpan wan kang, krai mren ümniiraq ngi ka wulum mung na tiiki baiqmaü mirhaü.

Tvtsvmc 22:15

Irot chü botkhulai ikha shinriiqriiq, kiimaq itili ka inü nüthaq nü niishe khap wato. Ümniiraq ngi ka botkhulai thaq na amaashe sham nguta baiqthü laü.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 26:19

Naishiqnok maiq ümchuwa tsaitaq thun ka thongshi atra misi wan nong! Tsangshiq maa thun ka atra mija wan nong. Ümchuwa maakho na kontlaq thun ka, asam mirwan raüta chochikhiq mishinge. Bangkham chhainyii raq hiqraikhü trap tlaq ikha, Tatiwe raq rathup na atsaikiti thun ka, atra mitiisam wan nong.

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

Matthew 22:29

Kiijiishe, Jesuq raq tsangshiq bom ka treto, “Namshiq raq maiq ka ama wa dong wan mak she ngutlan ka ajiq, bintang kata! Namshiq raq Asii Bomtsi kiimin sap man. Kiimaq Shiikeawe ningkun kiimin sap man.

Luke 24:26

Riita, Khristo riika, arthun chamchao walü mong maq lun wan chang dongdii miraq ngutiika sapphaq man dea sha: Raüta, apaiq ka apaiq chhainyii ajong rilung kra lap wan chang dongdii nguta sap man sha riilan?”

Luke 9:45

Shatmaq, ajaqshisetiim raq kra chongkuqtlaq bomtsi liichum ka sapmak dea. Kra liichum ka apaü raüta athü. Kriikha maq, tsangshiq raq taklot mak dea riito. Kiimaq tsangshiq raq Jesuq ma tiitsang wainong kiimin khu mak, ahai riito.

John 2:22

Ara chong keje she kha maq tiina, Jesuq ka amaa wa dong wan jai she, ajaqshisetiim raq apaiq raq achong kuq thü irdea kuwanto nguta tak wantaq. Kiimaq tsangshiq raq asii bomtsi na chong tlaq kra, kiimaq Jesuq raq tsangshiq ma jamlai wa chongkuqtaq kriima kamto.

Acts 17:3

Asii lakdap wa phat raü raüta, Khristo ka pinthum chamchao wan chang dongdii. Raütiitiq apaiq ka tsai chang. Raüta, amaa wa dong wan chang nguta, phanrap tiitho tiipha maq nokwe ma traho kuqto. Raüta, “Riita ümchaü ngi raq namshiq ma phanchan tiikang we Jesuq ahata Khristo,” nguta tsangshiq ma trahokuqto.

Acts 2:24

Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

1 Corinthians 15:4

Ara Asii bomtsi na waiq thütaq kra phan phan, apaiq ka amaa lap thüto. Kiimaq apaiq ka amaa wa ranaiqtsam jai maq, atra she tiidong wanto nguta Asii bomtsi na chong tlo.