John 2:2 - ASII LAKDAP Bible (BSI)

² Kiimaq Jesuq nai ajaqshisetiim kiimin maiqlam poi na atiihea araq, kiijaq poi lomdam asi riito.

Hawa Naga Bible 2001

² Yesu nuiyc vpiq sangac hez muinz kvruex miqlvmc moalx kvyuq gvl tueq.

Muklom

² Jesu nia ujiphantey tang tho eshi rungsat shináng halta.

John 2:2 Referencias Cruzadas

Matthew 12:19

Apaiq ka maiq rai min riikhii lea mak miraq. Kiimaq chiiheawea wea na khum raüta gisii mak miraq.

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Matthew 25:45

Kiijiishe, Hokham we raq tsangshiq bom ka mitre, ‘Ngi chongpha, namshiq raq ümtiikiiwa ara wepuq wese phong arwa weshi ma khrum kuq man riilan, kriika ngi ma khrum kuq man riilan.’

John 2:12

Arjai miishe, Jesuq ka anyung nai anohiitiim, kiimaq ajaqshisetiim rai Kaparniam hiq na wawanto. Raüta, kiijaq hiawiashi se sithüto.

John 2:17

Ara chhi raüta, “O Shiikeawe lei, ümjam ma lungwii tsii ka, i tsan mong na walüwa ikha nyai tlo,” nguta Asii Bomtsi na chong tlaq kra bomtsi ka, ajaqshisetiim tsan mong niishe tiidoto.

John 2:22

Ara chong keje she kha maq tiina, Jesuq ka amaa wa dong wan jai she, ajaqshisetiim raq apaiq raq achong kuq thü irdea kuwanto nguta tak wantaq. Kiimaq tsangshiq raq asii bomtsi na chong tlaq kra, kiimaq Jesuq raq tsangshiq ma jamlai wa chongkuqtaq kriima kamto.

John 2:3

Spiqtai ka athum she chhi raüta, “Tsangshiq spiqtai ka athum she,” nguta Jesuq nyung raq apaiq ma chongto.

John 3:22

Arjai miishe Jesuq nai ajaqshisetiim ka Judia wang na kihoto. Kiijaq heashi sithü raüta, mungmaiqse ma kham ka lam kuq thüto.

John 4:2

(Riikhaqli miika, Jesuq apaiq riika ju miimin kham ka lamkuq mak dea. Asengibi riili nokmaiqse ma kham ka lamkuqto.)

John 4:33

Kra tai raütiishe, “Riita, ashi ra raq apaiq ma tü adung sha kuqta nya?” nguta ajaqshisetiim liipan na bom ka riiwaito.

John 4:8

(Kra bala, ajaqshisetiim ka chela wa phaq asea tü adung ritkai kihoto.)

John 6:12

Nokwe raq phetak phaqsea lot jai she, Jesuq raq ajaqshisetiim ka, “Apun awun seabung atiichong ka wiita riichom ronglaq. Akhiismin tiiwiihii raa mak,” nguta thaüto.

John 6:16

Rajiko niishe, Jesuq jaqshisetiim ka thamchum kii nü na kihoto

John 6:60

Apaiq jaiphan wanti maiq apako raq, ara traho bom chongke ara tai raüta, “Ara chong tlaq tri arka tsinhea. Arka juwero milanglot?” ngutiishe riibomto.

John 6:66

Ara atsin maq bomchongke ara tai raütiishe, Jesuq jaiphanti phong wa, maiq pahea raq apaiq jai ka phan mak she tsaqkito.

John 6:67

Kra ningkhan she, apaiq raq ajaqshisetiim roqshi ri wenai kiima bom ka akhiishe waito, “Riita, namshiq ha? Namshiq min jai niishe sha mijang wan han?”

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”

John 6:71

Apaiq raq ara tiithai raüta chong tlaq arka, Simon Iskariot se Judas kra ngo nang riito. Ara jamkhano tiithai tlaq ngukla, Judas ka ajaqshisetiim roqshi ri wenai phong wa ashi. Shatmaq, apaiq raq Jesuq ka maiq jaq khon mong na mishaphaq baiq wan.

John 6:8

Ajaqshi se ashi, amang Andru, Simon Petar ma ano raq Jesuq ma chongto,

John 7:3

Kriikha maq, Jesuq ma anotiim raq apaiq ma akha bomto, “Ümniika arwa Judia wang na kiho liina. Laüta, kiijaq, awang chang jaqsham laüta ümsengi ma tiichhikuq kikiq na.

Acts 11:26

Apaiq ka Saul rai riihum raüta sanha, apaiq raq Saul ka Antiok chela niishe sheahoto. Raüta, tsangnai wiita adam miishe, phungtuti rai wiitang wiishi sidam raüta, maiq pahea ma Shiikeawe bomtsi shrinkuqto. Antiok chela maq, kamasham maiqsetiim ka Khristan nguta mang phahoto.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

1 Corinthians 7:39

Maiq ma waje nyung maiqchak she sitlaq kriika, awese atra sitlaq wiiwii, apaiq tsiitsii maq silot mak. Shatmaq awese tsaikai jai she riiwe kla, apaiq raq ümriiti wa lungwii tlaq, kriiwe ma wawan mimai. Shatmaq tiina kriiwe ka Phungmaiqse riichang.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.

Hebrews 13:4

Maiqta khan na, maiqlam poi ka wiitarü raq pinthum shreng chang. Ata awii ngutiishe sitlaq kriika, awesetiim nai atanyungtiim liipan na, pinthum riilung riiwii maq siwan raa tlo. Jurwa ashong angawi she maq, maiq ahinti rai sethoq jaki tlaq, kiimaq maiqchak maiqse rai sraki tlaq, kriiti ka, Shiikeawe raq thaq mak, kha mitiiho.

Revelation 3:20

Tai ronglaq! Ngi ka kilam da na chaplata kilü na buk tiikang. Ashi ra raq tai raüta, ngi ma kilü ka dikuq kihaü jiila, ngi ka apaiq jam mong na miwaha, lata apaiq rai adam miphaqsiq ha, kiimaq apaiq riimin ngi rai adam miphaqsiq.