John 2:11 - ASII LAKDAP Bible (BSI)

¹¹ Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.

Hawa Naga Bible 2001

¹¹ Yesu rueq Galile mungx Kana ghaq maq vphaungc shauk shauk vwangc juing kuex tvkhic wvnc vtueq, kvyuq vpiq ngauz vngax kuex dung tueq nuiyc vpiq sangac bix muinz vpiq muex kvmluimx wvnc wuez tueq.

Muklom

¹¹ Jesu aa Galilee Cana samhaq na phang patja takhi eq uphun amun sha takhita etho ujiphantey tang aa piq tha hanta.

John 2:11 Referencias Cruzadas

1 HOKHVMX 17:24

Kiijiishe kriinyung raq treto, “Ümchaü ngi raq sapkang she. Ümniika Shiikeawe maiqse dea. Kiimaq Tatiwe riika ümnübok miidea bomtlo!”

Tvtsvmc 72:19

Apaiq mang chhainyii jonglu kra pattup pat-sa tiitsam ronglaq! Apaiq khushü liliim raq mangjong hiq raikhü ka wiita mililiimlaq. Amen! Amen!

Tvtsvmc 96:3

Chiiriim lanta apaiq khushü jong ka maiq mung thun na chong ronglaq, apaiq raq ningkun henghea maq jaq shamtaq thun kra maiq phan tlotli ma chong ronglaq.

DUNGWVNC 14:31

Kiimaq Israilnok raq Tatiwe raq ningkun henghea maq Ejip mungti ka khat raüta tangtaq kra chhi raüta, tsangshiq ka khakii huhu maq Tatiwe ka shrengto. Kiimaq tsangshiq raq Tatiwe ma kamto kiimaq apaiq jaq shi se Mosheq ma kamto.

DUNGWVNC 4:9

Kiimaq ara awang chang laknai she arma min tsangshiq ka ümniima kammak li la raüla, kiimaq ümniiraq jamlai wa chongtlaü kra ma kammakli raüla, Nail rai wa kham ka khulaq, laüta hiq na nyuklaq. Raüla kra kham ka tiijai miishe mijaki.”

THARC TVLUINGC 9:7

Kriq na. Phesiq laq. Phetaktak phaqsiq laq. Chojong chise maq silaq. Wiiche wiitsam phetaktak phaqsi laüta silaq. Chochikhiq maq silaq. Shiikeawe arka ahea siili.

ISAIA 40:5

Kiijiishe Tatiwe khushü kra mitiichhikuq, kiimaq maiq phan tlotli raq kra michhi. Arka Tatiwe apaiq raq kiq akhamkuq.”

MALAKI 2:2

Namshiq raq ngi ka namshiq jaqsham maq shreng ratlo. Namshiq raq ibomchong taiman riihan la, ngi raq namshiq khuthaq na manson mitiisaüha. Namshiq ramwe jaqsham jaq maq hupsam lap tlan thaq na tüsaiqsaiq misonha. Riikhaqli miika ngi raq man ason kun she. Jamkhano ngukla, namshiq raq ngi aming shreng lanta lang man.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 1:43

Kiimaq napjai ranaiq niishe, Jesuq ka Gelili hiq nü na wawan miitu tiijeto. Kra akhing na apaiq raq Philip ka chhito. Krai mren, “Philip, ümniika ngi rai wa i!” nguta apaiq raq Philip ka hea wanto.

John 1:50

Kiijiishe, Jesuq raq, “Ngi raq ümniika phupmup chong ji na nga raü chhikang ngu pha tiisha ngi ma kamtlaü? Ümniiraq arthaq niimin awang chang jonghea michhi haü shaq dea asi!” nguta apaiq bom ka treto.

John 10:41

Mungmaiqse pahea ka kiijaq apaiq phana kito. Raüta, “Johan raq awang chang jaqsham ka sham mak dea. Shatmaq, apaiq raq arwe miitu bom ümchuwa chongtaq irka, ümchaü sanha arwe khum niishe teng wanto,” nguta riibomto.

John 11:15

Shatmaq, namshiq ma ahea miitu, apaiq langpit akhing na ngi ka tamii ba chakang. Kra ningkhan, ngi ka kai chochi tiikang. Ara jamto chochi tiikang ngukla, namshiq raq ngi ma mikam wan han. Riita, ümchaü minla, nashiq ka apaiq phaniishe kirong pha.”

John 11:47

Krai mren, Phorisinok nai ramwe jongbi ka welabi rai ngongthun raüta bom ka akhiishe riiwaito, “Riita, ümchaü nashiq raq ara jamkhii riichang wa? Liimanta, apaiq raq atinkhan she awang chang jaqsham tlaq ara!

John 12:18

Mungmaiqse phong wa maiq pahea raq, apaiq taokai lam na kirai witaq thun kriika, apaiq raq ara awang chang jaqshamtaq tsütsa kra taiwi raüta kiraito.

John 12:37

Apaiq raq tsangshiq makki na atinkhan awang chang jaqsham maq tiichhike wanje taü miimin, tsangshiq raq apaiq miika kam mak riito.

John 12:41

Isaia raq ara riisham bom chongkuq thütaq arka, apaiq raq jai na Jesuq khushü jonghea dong wan chang dea asi shaq, kra chhi raüta chongthüto.

John 14:13

Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong.

John 16:27

Ara jamkhano chongtiikang ngukla, Awe apaiq raq namshiq ka kai lungwii tlo. Apaiq raq namshiq lungwii tlaq arka, namshiq raq ngi lungwii tlan kha maq lungwii tlo. Kiimaq, ngi ka Shiikeawe pha wa akiha dea nguta kam tlan kra kha maq, apaiq raq namshiq ka lungwii tlo.

John 16:30

Ümchaü ka, naishiq riimin sap wan kai she. Ümniiriika maiqse tsan mong na tiima tsantsii ümchuwa sitlaq, kriika wiita akhon haü siisaq. Maiqse raq ümniima awai aso wan ngo min rarai mak. Phanrap ka ümniiraq asap haü siisaq. Ara chhi wan laitiishe naishiq raq ümniika Shiikeawe pha wa aki haü dea ngutiishe kamwan tiikai.”

John 2:1

Kriimaq ranaiq nai jai maq, Gelili wang na Kana hiqshong na maiqlam poi riito. Jesuq nyung kiimin kiijaq asi.

John 2:23

Jesuq raq Tiichhii Wan Poi liipan bala, Jerusalem maq awang chang jaqsham ka pahea shamto. Kra chhi raüta, maiq pahea raq apaiq ma kam wanto.

John 3:2

Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

John 4:3

Nanok raq apaiq tingkhu na bom riichong sia rai kra tai raüta, apaiq ka Judia wang maq, Gelili wang nü niishe hali jang wan nongto.

John 4:46

Kra jai miishe, Jesuq ka Gelili wang na, Kana hiq na hali wawan nongto. Apaiq raq kongkhu ji na, kham ka spiqtai ma tiija wantaq kriika Kana hiq maq riito. Kiijaq mungrümti siihiip we ashi asi. Ase maiqwe se ka Kaparniam na atsi riito.

John 4:54

Arka Jesuq raq Judia wang maq Gelili wang na wa raüta, thong nai ngoja awang chang jaqsham she riito.

John 5:23

Krai mren, maiqse angu wiita raq, Awe raq jamkho shreng tlaq kiikhiisii hali, Ase kiimin mishreng. Jurwa Ase shreng mak, kriika Ase tiikaiti we, Awe kiimin shreng mak.

John 6:14

Jesuq raq kra wangchang jaqshamke kra chhi raüta, mungnyung mungse raq, “Arwe arka Asii Bomtsi na jai maq shammi weshi mangjong hiq na mikilii nguta chongtlaq we kriidea saükito sham!” nguta tsangshiq liipan na bom ka riichongto.

John 6:2

Apaiq raq maiq atsiti tiiheake wan awang chang jaqsham wantaq kra thun ka chhiwi raüta, maiq phong ka khunyaq khukhi akong ada riishe apaiq jai ka phan wanto.

John 6:26

Kiijiishe, Jesuq raq treto, “Ngi raq chongtiikang arka tengteng: Namshiq raq ngi rit tlan arka, awang chang jaqsham kang kra liichum tak lantiika riimak. Shatmaq, namwok phetak chhaq phaqsiq lan kra miitu rit tlan.

John 6:30

Kiijiishe tsangshiq raq apaiq ma hali tre nongto, “Riita, ikha jiika naishiq raq ümniima kam wan li chang miitu ka, ümniiraq naishiq ma jamlai phan awang chang jaqsham kaiwa wa mitiichhi kuq haü? Ümniiraq jamlai phan jaq wa misham haü?

John 7:31

Shatmaq, mungmaiqse phong wa maiq pahea raq apaiq ma kam wanto. Kiimaq tsangshiq raq, “Ümtiikiiwa Khristo saüki jiiq, kra akhing na ümchaü arwe raq awang chang jaqsham wantaq arthaq na achat raüta, akao lin she sha misham wan nya?” nguta tsangshiq liipan na riibomto.

John 9:16

Kra tairaütiishe, Phorisinok phong wa maiq wiijamti raq, “Arwe mak tiihea keti we arka Shiikeawe pha wa aki ka riimak. Ara jamkhano chongtiikai ngukla, apaiq raq Asii Niitiitsak ranaiq tri ka lang mak,” nguta bom ka chechiipto. Shatmaq, tsangshiq phong wa maiq wiijamti riika, “Shatmaq, notsam, ngarai maiqse riika akha awang chang jaqsham arka misham lot sha?” nguta khiito. Krai mren, tsangshiq liipan niimin kongnai miishe riido riijin she riiphea kito.

2 Corinthians 3:18

Riita, ara chongtiikai arai mren, nashiq tarü raq nashiq theaphi ka panghü miishe, Tatiwe chhainyii ngao ka tliliim tiikai. Kiimaq ara chongtiikai chhainyii ngao, Tatiwe dü wa nashiq khum na saü tlaq arka, Asii Wenyi ahata. Ara Asii Wenyi ariiraq, nashiq rilung arka apaiq sham ikha achhai thaq niimin achhai anyii henghea she tiichhai nyii wan miitu she, nashiq rilung ara klai kuq wan tlo.

2 Corinthians 4:17

Ümchaü nashiq raq chamchao litkot lea wan tiikai arka alose miituli. Kiimaq arthun chamchao arka jai na nashiq raq lap wan chang sitlaq kiimaq thi hai jiika aranseli. Ara chamchao tiikai ara tsingo ka, rawiichii nashiq raq rahea, jonghea phan lap wan chang sitlo. Kriika pattup thenki mak phan. Kiimaq nashiq raq pattup pat-sa rilung milap wan rong i. Laita Shiikeawe rai adam na misi rong i.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

TRI CHONGKE 5:24

Raüta tsangshiq raq nguto, ‘Tatiwe nashiq Shiikeawe raq nashiq ma apaiq jonglu nai apaiq khushü ngao jonglu kra apaiq raq walütu mong maq bomtlaq taikai kiijaq nashiq ma tiichhi kuqto! Ümchaü ranaiq naishiq raq chhikai, Shiikeawe raq maiqse rai riibomdam raü min, maiqse ka tsai mak atra misilot nguta sapkai she.

1 John 5:13

Ngi raq ara waiq tiikang arka, namshiq ümriiti riiwa Shiikeawe Se ma kamtlan, kriiti thun raq pattup pat-sa rilung ka lap lanshe dea, nguta misap laq ngo maq ara waiq tiikang.