John 19:4 - ASII LAKDAP Bible (BSI)

⁴ Pilat ka khok mong maq dongki nong raüta, jangshi ri hali Jehudinok mungmaiqse ma bom ka akha hali chongki nongto, “Liirong laq! Ngi raq apaiq dü na jamlai khü akha min chhi mang. Apaiq ka ümchaü arjaq namshiq man na tiichap nong tiikang ara. Apaiq tiishut chang kha ka, ngi raq apaiq dü na jam min ahü chhi mang.”

Hawa Naga Bible 2001

⁴ Kvkaq Pilat kuex yuz phic kox nuex laukshiz hulawx dung kaz vtueq nuk miqsaz htenc muex, “Lawc shuinz, vruex waz kuex vthueyc murx tvgurc juing mvrax yvmx muinz humc mauk kuex nuimshiq tvtuiuz kuy tvkoc vpiq kuex nuimshiq kox nuex tvdung laq vphaungx,” ngoz tueq.

Muklom

⁴ Pilate ran náng thalat eq miqtang ma batta, “Siin inn, nga piq wang cham ajat khi mong ta nim aa sam rangma nga piq raa nim relnáng wey sol kat taphang.”

John 19:4 Referencias Cruzadas

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Matthew 27:24

Kiijiishe Pilat raq mungmaiqse tsankhiq sru wan kra chhito. Kiimaq tsangshiq ka tri na ri wan damti ka riimak nguta sapto. Athi makjaq kharong khoti miraq ngutiishe, apaiq raq takto. Krai mren she, apaiq khum tiihe wan mungmaiqse makki na ajaq ka khampin na hewan lam maq, “Arwe miisaq tan tlan ara mat kha ka ngi raq sap mang! Arka namshiq mat kha!” ngutiishe apaiq raq kha ka tanto.

Matthew 27:4

Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Luke 23:4

Kiijiishe, Pilat raq ramwe jongbi nai mungmaiqse thungtlaq kiima, “Ngi raq arwe dü na apaiq tsaili chang kha ahü, jam min chhi mang,” nguta chongkuqto.

Luke 23:41

Nanai raq ho tiikai arka, riikhaqli ho tiikai. Nanai chamchao tiikai arka, nanai raq jamlai kha wa tang kai, kra mat hotiikai. Shatmaq, apaiq riika, jam min shutphit mak dea,” nguta arewe ka sonto.

Luke 23:47

Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.

John 18:33

Kiijiishe, Pilat ka hokham jam rinkhok kiijaq wawan nongto. Raüta, Jesuq ka akhaki na tiichap raüta, “Riita, ümniika Jehudinok Hokham we dea sha?” nguta Jesuq ma bom ka waito.

John 18:38

Kiijiishe, “Riita, ikhiijiika, tengteng bomtsi ka jamlai wa?” ngutiishe hali Pilat raq Jesuq ma wai nongto. Kra ngu raütiishe, Pilat ka rintsii na hali kiho nongto. Raüta, mungmaiqse thungrai tlaq kriima hali bom ka akha chongkuqki nongto, “Ngi raq arwe dü na, apaiq tiishut chang kha jam min ahü chhi mang.

John 19:6

Kiijiishe, ramwe jongbi nai Shomjam kheti petanok raq, Jesuq ka chhi raüta, “Pumsongkham na tübaiq ronglaq! Pumsongkham na tübaiq ronglaq!” ngutiishe gitrang wanto. Kiijiishe, “Namshiq jaq maq sheaho ronglaq, lanta pumsongkham na tübaiq ki rongkiq. Ngi riiha, apaiq tiishut chang kha apaiq dü na ahü, jam min chhi mang,” nguta Pilat raq tsangshiq bom ka tre nongto.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.

1 Peter 2:22

Apaiq raq jamphan ngarai min tang mak dea. Apaiq raq jam min arot akiq poshi min bom mak dea.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

1 John 3:5

Namshiq raq asap han, Khristo ka maiqse khum na pokitaq kriika ngarai kharü thun kra chumbaiq kai kito. Kiimaq apaiq dü niika ngarai ahü, chongwa siirai dongdii.