John 18:4 - ASII LAKDAP Bible (BSI)

⁴ Jesuq raq apaiq ningthoi ranaiq akhing ka saü wato she nguta sapshat. Kriikha miishe apaiq ka tsangshiq khaki na dongchhaq raüta, “Namshiq ka ju rit wa awa han wa?” nguta tsangshiq ma waito.

Hawa Naga Bible 2001

⁴ Yesu rueq vpiq rvhumc juing lvmx lotlaz kuex tuiuz yoalx ningkhvnc nuex, vpiq kuex kvhttot kaz vtueq, “Nuimshiq rueq ukhaq lac thuiyx vshuinx?” ngoz tueq wiz tueq.

Muklom

⁴ Jesu aa piq o chamlang angna tha usam eq thalat ta etho ning ma pitta, “Utang bi inn?”

John 18:4 Referencias Cruzadas

1 HOKHVMX 18:10

Atra Tatiwe, üm Shiikeawe mang na tiitum lata chongtiikang, hokhamwe raq ümnaq tritkai maiq mung thun wiita maiq tiikito. Krai mren ümra mungti tuwe riiwa ümniika tsangmung na ahü nguta tsütsa ka tiichong wan tlaq, raüla Ahab raq kriiwe jaq wa atiitum raüta ümniika tsangmung na ahü dea, hummak dea nguta bom ka shiitep raüta jaütlo.

NEHEMIA 6:11

Kiijiishe, ngi raq trekang, “Ngi ka akha tiipaü raüta juraitiwe ka riimang. Ngi ka maiqmii khum tiichhii phaq Shomjam mong na tiipaü ngatiwe ngutiishe tiima tlaü? Ngi ka kiikha tiipaüti ka riimang.”

Tvtsvmc 27:3

Rewe phentu ashi raq ngi ka trotam maq komraü min, ngi ka akhiismin riilap mang; rewe phong raq ngi khat raümin, ngi raq Tatiwe miili mikamha.

Tvtsvmc 3:6

Ngi khat wati rewe ahing amun ngi trotam maq khetlaq kriima haimang.

TAKSU LAK 28:1

Abi maiqse ka apaiq khuiti, jumin ahü taü maq, tsaihü jihü ahaisitsi ma paü wantlo. Shatmaq kechu maiqse ka, hangsikaü ikha akhiismin haimak sitlo.

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 26:2

“Namshiq raq asap han ranaiqnai jai maq Tiichhii Wan Poi miraq. Kiimaq Maiq Se ka pumsongkham na tü baiq miitu lap raüta maiqjaq khon mong niishe mikuq baiq.”

Matthew 26:21

Dungsea lam maq Jesuq raq akha tiithaito, “Ngi raq chongtiikang arka tengteng. Namtsam phong wa weshi raq ngi ka maiq ma mishaphaq han.”

Matthew 26:31

Tsangshiq ka Olip Pero Hiqlam kiiniishe saüwa raüta, Jesuq raq tsangshiq ma chongto, “Athi rawa li namshiq tarü raq ngi ka tiishaü baiqthü lanta pongpin riipin mipin han. Ara jamkhano chongtiikang ngukla, Asii bomtsi na, ‘Shiikeawe raq sku rümti we ka mitsat. Kiimaq skuse kong ka wiita mitiipin baiq,’ nguta chongtlo.

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 13:11

Jesuq raq apaiq shaphaqti we ka asapwi she kha maq, “Namshiq tarü ka asii siisaq she. Shatmaq, weshi kiitiina siimak,” nguta bomtaq ara.

John 18:5

Kiijiishe, “Najareth hiqti we Jesuq rittiikai,” nguta tsangshiq raq treto. “Ngi ahata apaiq,” nguta apaiq raq tsangshiq bom ka treto. Apaiq shaphaqti we Judas Iskariot kiimin phenlanok nai petanok rai kiijaq adam na chapshat riito.

John 18:7

Kiijiishe, Jesuq raq jangshi ri hali, “Riita, namshiq ka ju rit wa awa hanjiq ngu kai?” nguta hali tsangshiq ma bom ka wai nongto. “Najareth hiqti we Jesuq rittiikai,” nguta hali tsangshiq raq apaiq bom ka tre nongto.

John 19:28

Jesuq raq apaiq jaqsham ka thumthum kun kang she nguta asap. Krai mren, Asii bomtsi na awaiq thü bomtsi kra shiiku wan miitu, apaiq raq, “Ngi kham nyangtsi,” nguta kham jaüto.

John 6:64

Ngi raq atinkhan chongke wan jai min, namshiq phong wa maiq wiijamti raq ngi ma kam man.” (Jesuq raq apaiq ma kam makti ka juju wa, kiimaq apaiq shaphaqti ka juwa miraq, kra thun ka apha miiphü asap.)

Acts 2:28

Ümniiraq ngi ma rilung lam ka tiichhikuq laü she, kiimaq ümniika ngi rai asi, krai mren, ngi ka kai chochi tiikang.’

1 Peter 4:1

Riita Khristo jamkho han-ngam na nashiq miitu chamchao raüta tsaitaq, krai mren sii hali, namshiq min Jesuq Khristo apaiq raq atsai khekham maq tiije raüta sitaq kiikhiisii hali, namshiq tiima tsantsii na micham chao wan rong i ngushat nguta, khekham maq sirong laq. Ara jamkhano chongtiikai ngukla, juwa adü na maiq raq tiichamchao tlaqti ka ngarai jaqkhon mong niika simak she.