John 18:1 - ASII LAKDAP Bible (BSI)

¹ Jesuq raq ara achu jaü lot jai she, ajaqshisetiim ka shea wan raüta, Kidron raise reko nü niishe wawanto. Kiijaq maiq raq achhi Olip pero ashi asi. Kiimaq Jesuq nai ajaqshisetiim ka kiijaq wawanto.

Hawa Naga Bible 2001

¹ Yesu rueq vkhoc vjux thoz lot yix, vpiq sangac hez rulc vdvmz nuex kaz wvnc vtueq Kidron ruilx kuex yanz wvnc tueq. Kvruex yuq sunc vshiz vhttax rvtueq, Yesu nuiyc vpiq sangac hez kuex kvyuq nyuip wvnc wuez tueq.

Muklom

¹ Jesu romtam chuk jio ujiphantey tang jamoq Kidron kanqhùng na jungtol adak konáng kata. Eshi haq sho pal ashey angta etho piq nia ujiphantey tang eshináng kata.

John 18:1 Referencias Cruzadas

RAPHA HIQWA LAK 2:15

Raütiishe Tati Shiikeawe raq maiqwe ka Eden hiq na Sonruk kiijaq jaq shamsea miitu kiimaq kra khebom miitu tiisito.

RAPHA HIQWA LAK 3:23

Kriikha niishe Tati Shiikeawe raq apaiq ka Eden Sonruk mong wa kiholaq nguta aming kuqto. Raüta apaiq khum tiiq chang hiq kra tiishamseakai she tiiki baiqto.

2 SAMUEL 15:23

Dawit nai asengi thun kra wawan kiita, mungmaiqse ka pinthum hoqtrangto. Hokhamwe raq Kidron raise jüwii kra jinto. Asengi maiqwere thun ka apaiq jai phan phan wawanto. Raüta tsangshiq tarü adam maq rumnyangkhi wang binjü nünü kiiniishe kihoto.

1 HOKHVMX 15:13

Apaiq raq awi Maaka kiimin hokham nyung ngachang wa tiisat baiqto. Jamkhano ngukla awi raq ashe sumla ase tiipuchang sumla jechak phra Ashera kaü kra shong wanto. Asa raq kra sumla phra kaü ka chumbaiqto. Raüta Kidron raise khü tan na wa maq chaqbaiqto.

1 HOKHVMX 2:37

Ümtiikiiwa ümniika chela mong wa dongho laüta kidron raise kra tlea na mikhumki haü, ümniika mitsai haü ngushat. Krai mren, ümmiisaq thum tlaq kra miitu mra ka ümkhupo niili midea.”

2 HOKHVMX 23:12

Kiimaq Hokhamwe Josia raq Juda mung hokhambi raq Hokhamwe Ahaj hokham jam wukhu wuthung na berong-wacha thun ahai thun ka, Hokhamwe Manase raq Shomjam wang mong rinkea banairi na berong-wacha phong haitaq thun kriirai adam na wiita runbaiqto. Apaiq raq kra berong-wacha thun ka bunlak buncha tiibun baiqto. Raüta apun awun thun ka Kidron raise tan na wiita wanbaiqto.

2 HOKHVMX 23:4

Raütiishe Josia raq Ramwe Ajong Pinthumwe Hilkia, kiimaq apaiq khrumti ramwebi thun kiimaq kintsongti Shomjam kilamchong khetibi thun ma, Shomjam mong na ümchuwa Baal phra shomnoq chang hupsam thun, kiimaq jechak phra Ashera shomnoq chang hupsam thun, kiimaq raiqsaiq thun shomnoq chang hupsam thun kra lamwa rongkiq nguta aming kuqto. Raüta hokhamwe raq kriithun ka chela kinphai na Kidron raise wii tho na wa maq chaqbaiqto. Raüta kra wabun ka Bethel chela na tlam wanto.

2 HOKHVMX 23:6

Kiimaq apaiq raq Shomjam mong wa jechak phrakaü Ashera sumla kra lambaiqto. Raüta chela kinphai na lamho raüta Kidron raise tan na wa maq chaq baiqto. Raüta wabun thun kriimin botkhulai rai she thaübaiqto. Raüta mungmaiqse maalap chiim na wan baiqto.

2 KAÜWA WERAÜ 15:16

Hokhamwe Asa raq awi Maaka ka hokham nyung ngacho wa hiq niishe tiisat baiqto. Jamkhano ngukla apaiq raq ashe sumla Ashera phra nyung jechakre ma ase tiihumketi sumla kra haito. Asa raq kra sumla ka chumbaiqto. Raüta pongpan riipan chumbaiqto. Raüta kra pan thun ka Kidron raise wii na wa maq chaqbaiqto.

2 KAÜWA WERAÜ 29:16

Ramwebi ka Shomjam tiisii wa among na nyap wato. Raüta tsangshiq raq Shomjam mong na jamlai huk asam wa Shomjam tiisheshi chang sitlaq thun ka wiita shomjam rinkea thung na lam baiqto. Kriiwiishe hali ka Lewinok raq chela kinphai na Kidron rai se jüwii thung kiiniishe lamhoto.

2 KAÜWA WERAÜ 30:14

Tsangshiq raq sumla phra shomnoq ma honglu taakechang nai homseng honglu chaq chang berong-wacha phong Jerusalem na shongtaq thun kra piho raüta Kidron rai se jiiwii bok kiijaq phong baiqto.

NEHEMIA 2:15

Kriikha miishe, ngi ka Kidron jüwii lam kriimaq she kumtoq kaü raikhu na chao lata, peruk kra shrira liiwan kang. Latiishe, ngi ka chela mong niishe hali Jüwii Kilam Chong kra lam maq lata, ngi kai chang lam kra phan phan she jang wan latiishe, chela mong na wawan nongkang.

JEREMIA 31:40

Raütiishe maiq maa lapchang nai sinchiitsap tsuqbaiq kaichang hiq thung tan thun kra tlotli ham wan raüta, Kidron khamraise thaq na wawan raüta, wakram thun kra lomwan tlii wawan raüta, shedong nü na Kumrang Kilamchong na saüli miraq. Arthun arka Ngi ma asii hiqba miraq. Kra chela ka jai maq ümtiikiimin chaibaiq mak she miraq. Kiimaq tiithenbaiq mak she miraq.”

LEWI 2:6

Kra winsii ka atiibun riichang. Raüta olip tai ka kriithaq na nyukchang. Laüta ümniiraq honglu ka kechang.

Matthew 26:30

Raütiishe tsangshiq raq miikhon ashi shito. Raüta Olip Pero Hiqlam niishe wawanto.

Matthew 26:36

Kra miishe, Jesuq ka ajaqshisetiim rai Gethsemane nguta sonruk ashi kiijiishe wawanto. Kiimaq apaiq raq tsangshiq ma, “Namshiq ka arjaq nga ronglaq. Ngi ka i niikiijaq achu jaü wa pha,” nguta chongto.

Mark 14:26

Kra lot raütiishe, tsangshiq raq miikhon ashi she shito. Raüta, tsangshiq ka Olip Pero Hiqlam nü niishe kihoto.

Mark 14:32

Tsangshiq ka Gethsemane nguta hiq bashi asi, kiijiishe saüto. Kiimaq, Jesuq raq ajaqshisetiim ma, “Ngi ka achu jaü shon, namtsam ka arjaq nga ronglaq,” nguta bom ka chongkuqto.

Mark 14:42

Tiido ronglaq. Warong phiishe. Liimanta, ngi shaphaqti we ka saü wato she!” nguta tsangshiq ma chongto.

John 14:31

Shatmaq, mangjong maiqse raq ara bomtsi ara sap chang akhek. Ngi raq i We ka kai lungwii tiikang. Kriikha maq, phanrap na, i We raq ngi ma jamlai bomtsi wa chongkuq tlaq, kriili ngi raq sham tiikang. “Lo, tiidong rongphiishe. Nashiq ka arjam maq tiido rong i she. Warong i.

John 18:26

Kiijiishe hali, Ramwe Ajong Pinthum we disetiim phong wa weshi, Petar raq ani lüprat tiiwe ma tanyang seno lam maiq ashi raq hali, “Ngi raq ümniika Olip pero na, Jesuq rai dea miina chhikang?” nguta Petar ma bom ka tiichop waiho nongto.

Acts 21:11

Apaiq ka naishiq phana kito. Raüta Paul raq achhü shat chang khea nin chü kra ajaq na sham raüta, ahok nai ajaq ka kha raüta, akha tiithaito, “Asii Wenyi raq akha chongtlo: Ara chhüshat chang kheanin chü pati we arka, Jerusalem na siti Jehudinok raq akha mikha baiq. Raüta Pongnok phan maiqse jaqkhon mong na mikuq baiq,” nguta riisham bom maq tiithaito.