John 16:7 - ASII LAKDAP Bible (BSI)

⁷ Shatmaq, ngi raq ara bomtsi chongtiikang arka tengteng: Ngi arwa wawan tiikang arka, namshiq ma ahea tingkhu wawan tiikang. Ara jamkhano chongtiikang ngukla, ngi ka wawan mang ngu raü jiika, Khrumketi we ka namshiq phana saüki mak miraq. Shatmaq, ngi wawan ha jiika, ngi raq apaiq ka namshiq phaniishe mitiikiha.

Hawa Naga Bible 2001

⁷ Yuq muinz ngaz rueq nuimshiq muex vsuing jungx kuq ix, ngaz waung wvnc taungx kuex nuimshiq tvkoc vhvlx pinhtumc rvtueq, ngaz waung wvnc mauk ngoz ruiux kuex Romc Kuy jix Waz kuex nuimshiq kox nuex httuiuc kaz tuex rvmuq; ngaz waung wvnc ruiux jix vpiq kuex nuimshiq kox nuex tvkaz phaungx.

Muklom

⁷ Etharin nga nim ma asing sing batphang, nga wàng sha nim rangma aqhal angna, chammatakoi nga wàng mong ang ang jo Rapnongtey nim relnáng kapha moq angna. Etharin nga wàng ang jo nga piq sha nim relnáng takat phanáng.

John 16:7 Referencias Cruzadas

Tvtsvmc 68:18

Apaiq ka pum diiluhea ba kiina, apaiq rai shumwikong pahea tsuq wan raüta wawanto; apaiq raq akiq khiitibi maiq pahea jaq wa kongphiq thun jaütlo. Tati Shiikeawe ka kiijaq misi wan.

Luke 24:49

Kiimaq, i We raq namshiq ma mikuq kang nguta, kongphiq raü akha kuq Asii Wenyi kra, ngi raq namshiq khum na siwan miitu she mitiikiha. Shatmaq tiina, ra wa ningkun ajong Asii Wenyi kra namshiq khum na misaüho shaq wiiwii, namshiq riika Jerusalem miili kheshat khe chang miraq,” nguta Jesuq raq tsangshiq ma tsii ka chongkuqto.

Luke 4:25

Kra ngu raütiishe Jesuq raq tsangshiq ma akha chongkuqto, “Ngi chongpha, taironglaq: Shammi we Elija pat na, Israilnok mung na manti-nyungre ka pahea riito. Kra pat na wiitsam ri wiithiq ka, ra ka akhiismin jun mak dongdii, rarin dongto. Kriikha maq, Israil mung tlotli na henghea pinthum ramdongto.

Luke 9:27

Ngi raq chongtiikang arka tengteng. Maiq wiijamti ümchaü arjaq asi. Tsangshiq ka Shiikeawe Mungtan kra chhithü hü wiiwii, tsai mak miraq.”

John 14:26

I We raq Asii Wenyi ka, i mang na mitiiki. Apaiq ka namshiq Khrumti we. Ümchaü ngi raq, namshiq ma ümchuwa bomtsi chongkuq tiikang thun arka, apaiq riishe hali, namshiq tsan mong na tiidokuq wan nong raüta, tsangriri hea miishe wiita michong kuq wan nong.

John 14:28

Ngi raq namshiq ma tsii chongke, ‘Ngi ka awa wan she. Shatmaq, ajang mirki nong ha,’ nguta chong kuq pha ira atai han kata. Namshiq raq ngi ka ngohea shaqshaq lungwii tlan jiika, ngi ka i We phana wawan nguta bomchongke kra tai lanta, namshiq ka khoqriiq khiq li she mirhan wa. Ara jaram wa chongtiikang ngukla, apaiq ka ngi thaq na ajong.

John 14:3

Kiimaq ngi ka kiina wawan li lata, namshiq miitu asi anga chang tap ajam kra mitiije wanli ha. Lata, ngi ümbano sitiikang kiijaq, namshiq min ngi rai adam miishe siwan miitu, ngi ka namshiq phana kinong lata hali, namshiq ka i phana misheaki nong ha. Krai mren, namshiq ka ngi rai adam niishe misi wan han.

John 15:26

“Riita, Khrumti we ngutlaq ka misaüho she. Apaiq ka Asii Wenyi. Apaiq ka Awe pha wa kitlo. Apaiq raq Shiikeawe ka maiqse rai mang mitriisap kuq wan. Kiimaq, Shiikeawe tsantsii ka maiqse ma tiichhikuq wantlo. Ngi raq apaiq ka Awe phawa, namshiq phana mitiiki kang. Kiimaq apaiq ka ngi hakhi ma jaraüta, ngi tingkhu wa bom ka, namshiq ma michong phan kuq wan.

John 16:8

Kiimaq, apaiq she saüki raüla, apaiq raq mangjong maiqse ka ngarai maiqsetiim dea, kiimaq tsangshiq raq kechu rilung lamphan ka sap mak dea, kiimaq tsangshiq raq Shiikeawe tri kappe kiimin sap mak dea, ashut dea sitlo ngutiishe, tsangshiq tiishut wan hakhi she mikuq.

John 7:39

Jesuq raq ara chong taq arka, apaiq ma kamwantibi ma jai maq, Asii Wenyi kewan chang asi kra nangnga chongtlo. Kra akhing na Jesuq ma kamwanti maiqse ma, Asii Wenyi ka mikuq shaqli riito. Jamkhano mikuq shaqli ngukla, Jesuq ka ra na mitsom thü shaqli riito. Kiimaq apaiq khushü ngao kiimin mitiijong wan shaqli.

Acts 10:34

Kiijiishe, Petar raq bom ka akhiishe chongkuq hoto, “Shiikeawe raq maiqse angu wiitarü ka maklii ashi miili dea liikuqtlo nguta, ümchaü ngi raq tak kang she.

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Romans 8:28

Nashiq raq asap i, Shiikeawe lungwii wanti maiqse ümchuwa siwa tlaq, kriiti miitu ka, apaiq raq phanrap phanrii na, ahea miituli klo wan tlo. Arka Shiikeawe apaiq raq, maiqse ümchuwa, apaiq raq jamlai phan wa thapthi wantaq, kra tiikupi wan miitu, hea wantiiti thun kra miitu chongtlo.

2 Corinthians 4:17

Ümchaü nashiq raq chamchao litkot lea wan tiikai arka alose miituli. Kiimaq arthun chamchao arka jai na nashiq raq lap wan chang sitlaq kiimaq thi hai jiika aranseli. Ara chamchao tiikai ara tsingo ka, rawiichii nashiq raq rahea, jonghea phan lap wan chang sitlo. Kriika pattup thenki mak phan. Kiimaq nashiq raq pattup pat-sa rilung milap wan rong i. Laita Shiikeawe rai adam na misi rong i.