John 16:5 - ASII LAKDAP Bible (BSI)

⁵ Shatmaq, ümchaü sanha ngi ka, ngi tiikaiti we phana wawan nong akhing she saü wato. Shatmaq, namshiq phong wa weshi ra raq dongdii min, ngi ma ümbana wawan wa nguta bom ka waiman shaqli.

Hawa Naga Bible 2001

⁵ Yuq muinz majuiuc ngaz kuex ngvy tvkay jix waz kox nuex waungc wvnc shex, nuimshiq rueq mnoz mnuex waungc wvnc lac ngoz tueq wiz wuez muit.

Muklom

⁵ Etharin nga thanga i takatteywa relnáng wang chey ang; etho nim wang chamtey ngama chamtho pit pha min, ‘Nang bari náng kachey u?’

John 16:5 Referencias Cruzadas

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 13:36

“Tatiwe ümniika ümba na wawan wa?” nguta Simon Petar raq Jesuq ma waito. “Ngi ümbano wawan tiikang, kiijaq ümchaü ümniika wawan lot maü. Shatmaq, jai miishetiq i jai miphan wanlot haü,” nguta Jesuq raq Petar bom ka treto.

John 14:28

Ngi raq namshiq ma tsii chongke, ‘Ngi ka awa wan she. Shatmaq, ajang mirki nong ha,’ nguta chong kuq pha ira atai han kata. Namshiq raq ngi ka ngohea shaqshaq lungwii tlan jiika, ngi ka i We phana wawan nguta bomchongke kra tai lanta, namshiq ka khoqriiq khiq li she mirhan wa. Ara jaram wa chongtiikang ngukla, apaiq ka ngi thaq na ajong.

John 16:10

Tsangshiq raq kechu rilung nai tingting jaqsham ka sapmak, ajiq tiimatlo. Ara jamkhano chongtiikang ngukla, ngi ka i We phaniishe wawan nong tiikang. Kiimaq, namshiq raq ngi ka chhi man she mirhan.

John 16:16

Jesuq raq, “Jaqlo liipan niili she, namshiq raq i sham ka chhi man she mirhan. Kiimaq, heashise sijai maq hali, namshiq raq i sham ka michhi nong han,” nguta ajaqshisetiim ma bom ka chongkuqto.

John 16:17

Tsangshiq raq ara taiwi raütiishe, “Riita, apaiq raq nashiq ma, ‘Jaqlo liipan niili she, namshiq raq i sham ka chhi man she mirhan. Kiimaq heashise sijai maq hali, namshiq raq i sham ka michhi nong han,’ nguta chong tlaq arka, jamlai ngo nang wiinya? Kiimaq apaiq raq hali, ‘Arka ngi i We phana wawan tiikang kriikha maq miraq,’ nguta chong tlaq ahata.

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 17:13

Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang.

John 17:4

Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang.

John 6:62

Bom shiiton, namshiq raq Maiq Se ka apaiq sichüchang ba kiijaq jang wan nong chhihan jiiha? Jamlai she wa mitiima han?

John 7:33

Kiijiishe, Jesuq raq tsangshiq ma bom ka akha chongkuqto, “Ngi ka namshiq rai heashise lishe misiha. Lata ngi tiikaiti we phaniishe mijang wanha.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.